July 23 എന്ന ലേബല്‍ ഉള്ള പോസ്റ്റുകള്‍ കാണിക്കുന്നു. എല്ലാ പോസ്റ്റുകളും കാണിക്കൂ
July 23 എന്ന ലേബല്‍ ഉള്ള പോസ്റ്റുകള്‍ കാണിക്കുന്നു. എല്ലാ പോസ്റ്റുകളും കാണിക്കൂ

ഇന്നത്തെ പത്രങ്ങളിലെ പ്രധാന വാർത്തകളും സംഭവങ്ങളും ഒറ്റനോട്ടത്തിൽ - 23 ജൂലൈ 2025 | #NewsHeadlines

• വി എസ് അച്യുതാനന്ദന്റെ വിലാപയാത്ര ആലപ്പുഴയിൽ എത്തി. ഇന്നലെ ഉച്ചയ്ക്ക് കൃത്യം രണ്ട് മണിക്ക് തലസ്ഥാനത്തുനിന്ന് ആരംഭിച്ച വിലാപയാത്ര പുലർച്ചെ 1 മണിക്ക് ആലപ്പുഴയിൽ എത്താനാണ് നിശ്ചയിച്ചിരുന്നത്.

• മുൻ മുഖ്യമന്ത്രി വി എസ് അച്യുതാനന്ദന്റെ സംസ്കാരവുമായി ബന്ധപ്പെട്ട് ഇന്ന് ആലപ്പുഴ ജില്ലയിൽ ഗതാഗത നിയന്ത്രണം. സംസ്കാര ചടങ്ങ് കഴിയുന്നതുവരെയാണ് ഗതാഗത നിയന്ത്രണം ഏര്‍പ്പെടുത്തിയിരിക്കുന്നത്.

• പ്രതിപക്ഷ പ്രതിഷേധത്തില്‍ മുങ്ങി പാര്‍ലമെന്റിന്റെ ഇരുസഭകളും. സര്‍ക്കാരിന്റെ മര്‍ക്കടമുഷ്ടിക്കെതിരെ പ്രതിപക്ഷം പ്രതിരോധം തീര്‍ത്തതോടെ ഇരു സഭകളും ഇന്നലെ പിരിഞ്ഞു.

• ഇന്ത്യയും യുഎസും തമ്മിലുള്ള ഇടക്കാല ഉഭയകക്ഷി വ്യാപാര കരാര്‍ ഉടന്‍ സാധ്യമായേക്കില്ലെന്ന് റിപ്പോര്‍ട്ട്. കാര്‍ഷിക, പാലുല്പന്നങ്ങളുടെ താരിഫ് സംബന്ധിച്ച തര്‍ക്കത്തില്‍ ചര്‍ച്ചകള്‍ സ്തംഭിച്ചിരിക്കുകയാണ്.

• വിവിധ ക്രിക്കറ്റ് ലീഗുകളില്‍ പങ്കെടുക്കുന്ന ടീമുകളൊന്നിക്കുന്ന ചാമ്പ്യന്‍സ് ലീഗ് ടി20 ടൂര്‍ണമെന്റ് വീണ്ടും തിരിച്ചെത്തിയേക്കും. കഴിഞ്ഞ ദിവസം നടന്ന ഐസിസി വാർഷിക യോ​ഗത്തിൽ ടൂര്‍ണമെന്റ് പുനരാരംഭിക്കാന്‍ തീരുമാനമായതായാണ് റിപ്പോര്‍ട്ട്.

• 2036 ഒളിമ്പിക്സ്, പാരാലിമ്പിക് ഗെയിംസിന് ആതിഥേയത്വം വഹിക്കാൻ ദോഹ ബിഡ് സമര്‍പ്പിക്കാനൊരുങ്ങുന്നു. 2022 ഖത്തര്‍ ഫുട്ബോള്‍ ലോകകപ്പ് വിജയകരമായി നടത്തിയതോടെയാണ് ഒളിമ്പിക്സും നടത്താന്‍ ഖത്തര്‍ ശ്രമിക്കുന്നത്.

• യുഎഇയിലെ ഷാർജയിൽ ജീവനൊടുക്കിയ കൊല്ലം കേരളപുരം സ്വദേശിനി വിപഞ്ചിക മണിയന്റെ സംസ്കാരം ഇന്ന്. കേരളപുരത്തെ വീട്ടുവളപ്പിലാണ് സംസ്കാരം.

• കേരളത്തിൽ ജൂലൈ 26 വരെ അതിശക്തമായതുമായ മഴയ്ക്ക് സാധ്യതയെന്ന് കേന്ദ്ര കാലാവസ്ഥാ വകുപ്പ്. വരും ദിവസങ്ങളിൽ ശക്തമായതും അതിശക്തമായതുമായ മഴയ്ക്ക് സാധ്യതയെന്ന് മുന്നറിയിപ്പ്.

ഇന്നത്തെ പ്രധാന വാർത്തകൾ സംഭവങ്ങൾ ഒറ്റ നോട്ടത്തിൽ - 23 ജൂലൈ 2024 - #NewsHeadlinesToday

• മൂന്നാം മോദി സർക്കാരിൻ്റെ ആദ്യത്തെ കേന്ദ്ര ബജറ്റ് ഇന്ന്. ധനമന്ത്രി നിർമ്മലാ സീതാരാമൻ പാർലമെൻ്റിൽ അവതരിപ്പിക്കുന്ന ബജറ്റിൽ ജനപ്രിയ പ്രഖ്യാപനങ്ങൾ ഇടം പിടിച്ചേക്കും.

• വിദ്യാർഥികൾക്ക് വിതരണം ചെയ്യാൻ എൽഎസ്എസ് – യുഎസ്എസ് സ്കോളർഷിപ്പ് തുകയായി  27.61 കോടി രൂപ അനുവദിച്ചതായി പൊതു വിദ്യാഭ്യാസവും തൊഴിലും വകുപ്പ് മന്ത്രി വി ശിവൻകുട്ടി.

• ഒരാഴ്‌ച പിന്നിട്ടിട്ടും അർജുന് വേണ്ടിയുള്ള തിരച്ചിൽ നിഷ്‌ഫലം. ഷിരൂരിൽ മണ്ണിടിഞ്ഞുവീണിടത്ത്‌ അർജുനും ട്രക്കുമില്ലെന്ന്‌ സൈന്യം.

• 65 ലക്ഷം ഉദ്യോഗാർഥികളുടെ പ്രൊഫൈൽ വിവരം സെ​ർ​വ​റി​ൽ​നി​ന്ന് നിന്ന്‌ ചോർത്തി വിൽപ്പനയ്ക്ക് വച്ചെന്ന വാർത്ത അടിസ്ഥാനരഹിതമാണെന്ന് പിഎസ്‍സി.

• രാജ്യത്ത് തൊഴിലില്ലായ്മയും വിലക്കയറ്റവും രൂക്ഷമെന്ന് കേന്ദ്രസര്‍ക്കാരിന്റെ സാമ്പത്തിക സര്‍വേ. പ്രതിസന്ധി മറികടക്കാന്‍ രാജ്യത്തെ കാര്‍ഷികേതരമേഖലയില്‍ പ്രതിവര്‍ഷം 80 ലക്ഷത്തോളം തൊഴിലവസരങ്ങള്‍ 2030 വരെ സൃഷ്ടിക്കണമെന്ന് സര്‍വേയില്‍ വ്യക്തമാക്കുന്നു.

• കോഴിക്കോട് നിപ ബാധിച്ചു മരിച്ച കുട്ടിയുടെ സമ്പര്‍ക്കപ്പട്ടികയില്‍ 350 പേര്‍ ഉള്‍പ്പെട്ടിട്ടുള്ളതായി ആരോഗ്യമന്ത്രി വീണാ ജോര്‍ജ്. 101 പേരാണ് ഹൈ റിസ്‌ക് പട്ടികയിലുള്ളത്. 68 പേര്‍ ആരോഗ്യപ്രവര്‍ത്തകരും ഇവരിലുണ്ട്.

• ഇന്ത്യയുടെ അഭിമാന താരം അഭിനവ് ബിന്ദ്രയ്ക്ക് അന്താരാഷ്ട്ര ഒളിമ്പിക്സ് കമ്മിറ്റിയുടെ പരമോന്നത ആദരം. ഐ.ഒ.സിയുടെ പരമോന്നത ബഹുമതിയായ ഒളിമ്പിക് ഓർഡർ ബിന്ദ്രയ്ക്ക് സമ്മാനിക്കും.

• അമീബിക് മസ്തിഷ്‌ക ജ്വരം ബാധിച്ച് ചികിത്സയിലായിരുന്ന 14 വയസുകാരന്‍ രോഗമുക്തി നേടി. കോഴിക്കോട് മേലടി സ്വദേശിയായ കുട്ടിയ്ക്കാണ് രോഗം ഭേദമായത്. രാജ്യത്തെ ആദ്യ സംഭവമെന്ന് ആരോഗ്യ വകുപ്പ്.
ഏറ്റവും പുതിയ വാര്‍ത്തകള്‍, ജോലി ഒഴിവുകള്‍, ഷോപ്പിംഗ്‌ ഓഫറുകള്‍ എന്നിവ അറിയുവാന്‍ വാട്ട്സ്ആപ്പ് ഗ്രൂപ്പില്‍ ജോയിന്‍ ചെയ്യുക 👉🏽 JOIN WHATSAPP
MALAYORAM NEWS is licensed under CC BY 4.0