പിഎം ശ്രീ: പദ്ധതിയിൽ നിന്ന് സംസ്ഥാനങ്ങൾക്ക് പിന്മാറാം'; UDF സർക്കാരിനെ വെട്ടിലാക്കി കേന്ദ്രം #PMSHRI

പിഎം ശ്രീ പദ്ധതിയുമായി ബന്ധപ്പെട്ട് വീണ്ടും യുഡിഎഫ് സർക്കാരിനെ വെട്ടിലാക്കി കേന്ദ്രത്തിന്റെ മറുപടി. പദ്ധതിയിൽ നിന്ന് സംസ്ഥാനങ്ങൾക്ക് പിന്മാറാമെന്ന് രാജ്യസഭയിൽ കേന്ദ്രസർക്കാർ വ്യക്തമാക്കി. എന്നാൽ, പിന്മാറുകയോ ധാരണാപത്രം ഒപ്പിടാതിരിക്കുകയോ ചെയ്യുന്ന സംസ്ഥാനങ്ങൾക്ക് പദ്ധതി ആനുകൂല്യങ്ങൾ നഷ്ടമാകുമെന്നും കേന്ദ്രം മുന്നറിയിപ്പ് നൽകി. പി.വി. അബ്ദുൾ വഹാബ് എം.പിയുടെ ചോദ്യത്തിന് മറുപടിയായാണ് കേന്ദ്ര സഹമന്ത്രി ജയന്ത് ചൗധരി ഇക്കാര്യം അറിയിച്ചത്. ധാരണാപത്രം ഒപ്പിട്ട ശേഷം സംസ്ഥാനം സ്കൂളുകളുടെ പട്ടിക ഇതുവരെ നൽകിയിട്ടില്ലെന്നും മന്ത്രി കൂട്ടിച്ചേർത്തു.

കേന്ദ്രത്തിൽ നിന്ന് ഫണ്ട് ലഭിക്കുന്നതിന് പദ്ധതിയിൽ തുടരേണ്ടതുണ്ടെന്ന വിലയിരുത്തലിലാണ് യുഡിഎഫ് നേതൃത്വം. യുഡിഎഫ് അധികാരത്തിൽ വന്നാൽ പിഎം ശ്രീ പദ്ധതി അറബിക്കടലിൽ എറിയുമെന്ന് മുൻപ് പ്രഖ്യാപിച്ച നേതാക്കന്മാരാണ് ഇപ്പോൾ നിലപാട് മാറ്റിയത്. പദ്ധതിയുമായി മുന്നോട്ട് പോകാനും കേന്ദ്രാനുകൂല്യങ്ങൾ നഷ്ടപ്പെടുത്താതിരിക്കാനും യുഡിഎഫ് യോഗം തീരുമാനിച്ചതോടെ നിലവിലെ രാഷ്ട്രീയ സാഹചര്യത്തിൽ പിന്നോട്ട് പോകാൻ കഴിയില്ലെന്ന വ്യക്തമായ സന്ദേശമാണ് നൽകുന്നത്.

കേന്ദ്രത്തിന്റെ ഇടപെടൽ ഇല്ലാതെ സംസ്ഥാന സിലബസിൽ തന്നെ പിഎം ശ്രീ നടപ്പാക്കാനുള്ള ശ്രമത്തിലാണ് സർക്കാർ. ആദ്യഘട്ടത്തിൽ 265 സ്കൂളുകളിൽ പദ്ധതി നടപ്പിലാക്കാനാണ് ആലോചന. ഈ സ്കൂളുകളിൽ മറ്റ് സ്കൂളുകളിൽ പഠിപ്പിക്കുന്ന അതേ സിലബസ് തന്നെ പിന്തുടരാനും തീരുമാനമായിട്ടുണ്ട്. പദ്ധതിക്കായി ഏകദേശം ഇരുന്നൂറോളം സ്കൂളുകൾ തിരഞ്ഞെടുക്കാനാണ് സർക്കാർ പ്രാഥമികമായി ആലോചിച്ചിരുന്നതെങ്കിലും, പിന്നീട് ഇത് 265 ആയി ഉയർത്തുകയായിരുന്നു.

സംസ്ഥാന സിലബസിൽ കേന്ദ്രത്തെ കൈകടത്താൻ അനുവദിക്കരുത് എന്ന ശക്തമായ പൊതുവികാരമാണ് യുഡിഎഫിൽ നിലനിൽക്കുന്നത്. ധാരണാപത്രത്തിൽ നിന്ന് സംസ്ഥാന സർക്കാരിന് പിന്മാറാൻ കഴിയില്ലെന്നായിരുന്നു നേരത്തെ ഉയർന്ന വാദം. എന്നാൽ, കേന്ദ്രത്തിന്റെ പുതിയ മറുപടിയോടെ, കേന്ദ്രഫണ്ട് ഉറപ്പാക്കിക്കൊണ്ട് സ്വന്തം സിലബസ് നിലനിർത്തി പദ്ധതി നടപ്പാക്കുക എന്ന വെല്ലുവിളിയാണ് യുഡിഎഫ് സർക്കാരിന് മുന്നിലുള്ളത്.

Hashtags: #PMSHRI #KeralaEducation #UDFKerala #CentralScheme #StatePolitics #MalayalamNews #KeralaGovt

മുല്ലപ്പെരിയാർ സമിതിയിൽ കേരളത്തിന് തിരിച്ചടി: പ്രതിനിധിയെ മാറ്റി; പകരം ഉത്തർപ്രദേശ് സ്വദേശിയെ നിയമിച്ചു. പ്രതികാര നടപടിയിൽ പ്രധിഷേധം ശക്തം. #Mullaperiyar

മുല്ലപ്പെരിയാർ അണക്കെട്ടിന്റെ സമഗ്ര സുരക്ഷാ വിലയിരുത്തലിനായി രൂപീകരിച്ച വിദഗ്ദ്ധ സമിതിയിൽനിന്ന് കേരളത്തിന്റെ പ്രതിനിധിയായിരുന്ന സിഡബ്ലിയുസി മുൻ ചീഫ് എൻജിനിയർ ടി കെ ശിവരാജനെ നീക്കി. ഉത്തർപ്രദേശ് സ്വദേശിയും റൂർക്കി ഐഐടിയിലെ പ്രൊഫസറുമായ എം എൽ ശർമയെയാണ് അദ്ദേഹത്തിന് പകരമായി സമിതിയിൽ നിയമിച്ചത്. കേരളത്തിന്റെ സുരക്ഷയുമായി നേരിട്ട് ബന്ധപ്പെട്ട വിഷയത്തിൽ സംസ്ഥാനത്തിന് സ്വന്തം പ്രതിനിധിയെ നഷ്ടമായത് ആശങ്കകൾക്ക് വഴിവെച്ചിരിക്കുകയാണ്.

വ്യക്തിപരമായ കാരണങ്ങളാലാണ് ശിവരാജൻ ഒഴിഞ്ഞതെന്നാണ് കേന്ദ്രസർക്കാർ വിശദീകരണം നൽകിയിരിക്കുന്നത്. 2021-ലെ ഡാം സുരക്ഷാ നിയമപ്രകാരം ദേശീയ ഡാം സുരക്ഷാ അതോറിറ്റി കഴിഞ്ഞ ജൂൺ ആറിനാണ് ഈ സ്വതന്ത്ര വിദഗ്ദ്ധ സമിതി രൂപീകരിച്ചത്. നാഷണൽ ഹൈഡ്രോ ഇലക്ട്രിക് പവർ കോർപറേഷൻ (എൻഎച്ച്‌പിസി) മുൻ സിഎംഡി ബൽരാജ് ജോഷിയാണ് സമിതിയുടെ ചെയർമാൻ. ഈ നിർണായക സമിതിയിൽ നിന്ന് കേരളത്തിന്റെ പ്രതിനിധി ഒഴിവാക്കപ്പെട്ടത് സംസ്ഥാനത്തിന് വലിയ തിരിച്ചടിയാകുമെന്നാണ് പൊതുവിലയിരുത്തൽ.

മുല്ലപ്പെരിയാർ അണക്കെട്ടിന്റെ സുരക്ഷ പരിശോധിക്കാനുള്ള വിദഗ്ദ്ധസമിതിയിൽ നിന്ന് കേരളത്തിന്റെ പ്രതിനിധിയെ ഒഴിവാക്കിയ കേന്ദ്രസർക്കാർ നടപടി ഒരു കാരണവശാലും അംഗീകരിക്കാനാവില്ലെന്ന് മന്ത്രി മോൻസ്‌ ജോസഫ് വ്യക്തമാക്കി. ടി കെ ശിവരാജനെ ഏകപക്ഷീയമായും അകാരണവുമായാണ് മാറ്റിയതെന്നും, ഇത് അംഗീകരിക്കില്ലെന്ന് വകുപ്പ് സെക്രട്ടറി കേന്ദ്രത്തിന് മറുപടി നൽകിയിട്ടുണ്ടെന്നും മന്ത്രി കൂട്ടിച്ചേർത്തു.

ഡാമിന്റെ പഴക്കവും സുരക്ഷാ പ്രശ്നങ്ങളും കണക്കിലെടുത്ത്, മുല്ലപ്പെരിയാർ വിഷയത്തിൽ കേരളത്തിന്റെ താൽപ്പര്യങ്ങൾ സംരക്ഷിക്കാൻ സംസ്ഥാന പ്രതിനിധിയുടെ സാന്നിദ്ധ്യം അത്യന്താപേക്ഷിതമാണ്. ഈ സാഹചര്യത്തിൽ, കേന്ദ്രത്തിന്റെ ഇപ്പോഴത്തെ നീക്കം കേരളത്തിന്റെ ആശങ്കകൾ വർദ്ധിപ്പിക്കുകയും ഭാവിയിൽ ഡാമിന്റെ സുരക്ഷാ വിഷയങ്ങളിലുള്ള സംസ്ഥാനത്തിന്റെ ഇടപെടലുകളെ സങ്കീർണ്ണമാക്കുകയും ചെയ്യുമെന്നാണ് വിദഗ്ധർ ചൂണ്ടിക്കാട്ടുന്നത്.

Hashtags: #MullaperiyarDam #Kerala #DamSafety #CentralGovernment #MonsJoseph #ExpertCommittee #MalayalamNews #KeralaNews

വയനാട് ദുരന്തബാധിതരുടെ വായ്പ എഴുതി തള്ളല്‍: തടസ്സം ആരാഞ്ഞ് കേന്ദ്ര സർക്കാരിനെതിരെ ഹൈക്കോടതി #wayanad_landslide

കൊച്ചി: മുണ്ടക്കൈ-ചൂരൽമല ദുരന്തബാധിതരുടെ ബാങ്ക് വായ്പകൾ എഴുതിത്തള്ളുന്നതുമായി ബന്ധപ്പെട്ട വിഷയത്തിൽ കേന്ദ്ര സർക്കാരിന്റെ ഒളിച്ചു കളിയിൽ ഹൈക്കോടതി ഇടപെട്ടു. ദുരന്തബാധിതരുടെ കാര്യത്തിൽ തീരുമാനം വൈകിപ്പിക്കുന്ന കേന്ദ്ര സർക്കാരിന്റെ സമീപനത്തിനെതിരെ കോടതി ശക്തമായ നിലപാട് സ്വീകരിച്ചു.

അവസാന ആശ്രയമായി സെപ്റ്റംബർ 10 ന് തീരുമാനം പ്രഖ്യാപിക്കാൻ കോടതി ഉത്തരവിട്ടു. ഇത് അവസാന ആശ്രയമാണെന്ന് കേന്ദ്ര സർക്കാരിനുവേണ്ടി ഹാജരായ അഡീഷണൽ സോളിസിറ്റർ ജനറലിനെ ഹൈക്കോടതി ഡിവിഷൻ ബെഞ്ച് ഓർമ്മിപ്പിച്ചു. ഹൈക്കോടതിയുടെ കർശനമായ സ്വരത്തിലായിരുന്നു ഓർമ്മപ്പെടുത്തൽ.

കേസ് നേരത്തെ പരിഗണിച്ചപ്പോൾ, നിയമപരമായ തടസ്സമുണ്ടെന്ന് പറഞ്ഞ് കേന്ദ്ര സർക്കാർ ഉത്തരവാദിത്തത്തിൽ നിന്ന് ഒഴിഞ്ഞുമാറിയിരുന്നു. എന്നാൽ, ദുരന്തങ്ങളുടെ കാര്യത്തിൽ കേന്ദ്രത്തിന്റെ ഭരണഘടനാപരമായ അധികാരങ്ങൾ ചൂണ്ടിക്കാട്ടി ഹൈക്കോടതി നടപടി ആവശ്യപ്പെട്ടിരുന്നു. വിഷയം ഇപ്പോൾ ധനമന്ത്രാലയത്തിന്റെ പരിഗണനയിലാണ്.

പിഎം ഇ-ഡ്രൈവ് പദ്ധതി 2028 മാർച്ച് വരെ നീട്ടി #PM_EDrive

പ്രധാനമന്ത്രി ഇലക്ട്രിക് ഡ്രൈവ് റെവല്യൂഷൻ ഇൻ ഇന്നൊവേറ്റീവ് വെഹിക്കിൾ എൻഹാൻസ്മെൻ്റ്......

Read more at: https://www.mathrubhumi.com/auto/news/pm-e-drive-scheme-extended-2028-1.10815289

പ്രധാനമന്ത്രി ഇലക്ട്രിക് ഡ്രൈവ് റെവല്യൂഷൻ ഇൻ ഇന്നൊവേറ്റീവ് വെഹിക്കിൾ എൻഹാൻസ്മെൻ്റ് (പിഎം ഇ-ഡ്രൈവ്) പദ്ധതി സർക്കാർ രണ്ട് വർഷത്തേക്ക് (2028 മാർച്ച് വരെ) നീട്ടി. അതേസമയം, ഇലക്ട്രിക് ഇരുചക്ര വാഹനങ്ങൾക്കും മുച്ചക്ര വാഹനങ്ങൾക്കുമുള്ള സബ്സിഡികൾ 2026 മാർച്ച് 31 ഓടെ നിർത്തലാക്കുമെന്ന് ഹെവി ഇൻഡസ്ട്രീസ് ആൻഡ് കൺസ്ട്രക്ഷൻ മന്ത്രാലയം പ്രഖ്യാപിച്ചു.
ഇലക്ട്രിക് വാഹനങ്ങൾ വാങ്ങുന്നതിനും ചാർജിംഗ് സൗകര്യങ്ങൾ സ്ഥാപിക്കുന്നതിനും ആനുകൂല്യങ്ങൾ നൽകുന്ന 10,900 കോടി രൂപയുടെ പിഎം ഇ-ഡ്രൈവ് പദ്ധതി 2024 ഒക്ടോബർ 1 നാണ് ആരംഭിച്ചത്. ഇത് 2026 മാർച്ച് 31 ന് അവസാനിക്കുമെന്ന് ആദ്യം പ്രതീക്ഷിച്ചിരുന്നു. എന്നിരുന്നാലും, പുതിയ വിജ്ഞാപനം പദ്ധതിയുടെ കാലാവധി 2028 മാർച്ച് 31 വരെ നീട്ടിയിട്ടുണ്ട്.

ഇലക്ട്രിക് ഇരുചക്ര വാഹനങ്ങൾ, മുച്ചക്ര വാഹനങ്ങൾ, ആംബുലൻസുകൾ, ട്രക്കുകൾ എന്നിവ വാങ്ങുന്നതിന് 3,679 കോടി രൂപയുടെ ഡിമാൻഡ് ഇൻസെന്റീവുകൾ നൽകുക എന്നതാണ് പിഎം ഇ-ഡ്രൈവ് പദ്ധതി ലക്ഷ്യമിടുന്നത്. അതേസമയം, ഇലക്ട്രിക് ബസുകളുടെ ഉപയോഗം വർദ്ധിപ്പിക്കുന്നതിനും പൊതു ചാർജിംഗ് സൗകര്യങ്ങൾ മെച്ചപ്പെടുത്തുന്നതിനും പരീക്ഷണ സൗകര്യങ്ങൾ നവീകരിക്കുന്നതിനുമായി 7,171 കോടി രൂപ അനുവദിച്ചിട്ടുണ്ട്. ഇത് 24.79 ലക്ഷം ഇലക്ട്രിക് ഇരുചക്ര വാഹനങ്ങൾ, 3.16 ലക്ഷം ത്രീ വീലറുകൾ, 14,028 ബസുകൾ, ട്രക്കുകൾ, 88,500 ഇലക്ട്രിക് വാഹന ചാർജിംഗ് സൈറ്റുകൾ എന്നിവയെ പിന്തുണയ്ക്കും.

പിഎം ഇ-ഡ്രൈവ് പദ്ധതി പ്രകാരം, 2024 ഒക്ടോബർ മുതൽ വൈദ്യുത ഇരുചക്ര വാഹനങ്ങൾക്കും മുച്ചക്ര വാഹനങ്ങൾക്കും സർക്കാർ സബ്‌സിഡികൾ നൽകിവരുന്നു. എന്നിരുന്നാലും, വൈദ്യുത ട്രക്കുകൾക്കുള്ള സബ്‌സിഡികൾ 2024 ജൂലൈയിൽ മാത്രമാണ് പ്രഖ്യാപിച്ചത്. വൈദ്യുത ആംബുലൻസുകൾക്കുള്ള ചാർജിംഗ് സൗകര്യങ്ങൾക്കുള്ള സബ്‌സിഡികൾ, പിന്തുണ എന്നിവയ്ക്കുള്ള മാർഗ്ഗനിർദ്ദേശങ്ങൾ അന്തിമ ഘട്ടത്തിലാണ്.

വൈദ്യുത വാഹനങ്ങൾ വാങ്ങുമ്പോൾ സർക്കാർ നൽകുന്ന സബ്‌സിഡികൾ സ്വാഭാവികമായും വാഹനത്തിന്റെ വില കുറയ്ക്കാൻ സഹായിക്കുന്നു. വൈദ്യുത വാഹനങ്ങളുടെ ഉപയോഗം വർദ്ധിപ്പിക്കുന്നതിൽ ഇത് നിർണായകമാണ്. എന്നിരുന്നാലും, വൈദ്യുത വാഹന ഉപയോഗം വർദ്ധിക്കുന്നതിനനുസരിച്ച്, സർക്കാർ ക്രമേണ സബ്‌സിഡികൾ കുറയ്ക്കുകയാണ്. .

വയനാട് മുണ്ടക്കൈ ഉരുൾ പൊട്ടൽ ദേശീയ ദുരന്തമല്ല ; കേരളത്തെ ചതിച്ച് കേന്ദ്ര സർക്കാർ, പ്രതിഷേധം ശക്തം. #WayanadLandSlide

കേരള ജനത കണ്ട ഏറ്റവും വലിയ ദുരന്തത്തെയും ആ ദുരന്തം മൂലം ജീവനും സ്വത്തും സർവ്വവും നഷ്ടപ്പെട്ടവരെയും അവഹേളിച്ച് കേന്ദ്ര സർക്കാർ, മുണ്ടക്കൈ-ചൂരൽമല ഉരുൾപൊട്ടൽ ദേശീയ ദുരന്തമായി പ്രഖ്യാപിക്കില്ലെന്ന പ്രഖ്യാപനത്തോടെയാണ് കേരളത്തെ  കേന്ദ്രസർക്കാർ മനപ്പൂർവ്വം അവഹേളിക്കുന്നതിന്റെ നേർ ചിത്രം വ്യക്തമാകുന്നത്. ദേശീയ ദുരന്തമായി പ്രഖ്യാപിക്കുന്നതിനുള്ള മാനദണ്ഡം അനുവദിക്കില്ലെന്ന് കേന്ദ്ര ആഭ്യന്തര സഹമന്ത്രി നിത്യാനന്ദ റായി ആണ് പ്രസ്താവിച്ചത്.  കേരളത്തിൻ്റെ പ്രത്യേക പ്രതിനിധി കെ.വി.തോമസ് പ്രധാനമന്ത്രിക്ക് അയച്ച കത്തിലാണ് മറുപടി.  ദുരന്തബാധിത പ്രദേശങ്ങൾ സന്ദർശിച്ച കേന്ദ്രസംഘം നൽകിയ റിപ്പോർട്ടിൻ്റെ അടിസ്ഥാനത്തിലാണ് നടപടി സ്വീകരിച്ചതെന്ന് ആഭ്യന്തര സഹമന്ത്രി നിത്യാനന്ദ റായ് പറഞ്ഞു.  എന്നാൽ, നടപടി എന്താണെന്ന് മറുപടിയിൽ വ്യക്തമാക്കിയിട്ടില്ല. 

 വയനാട് ദുരന്തം ദേശീയ ദുരന്തമായി പ്രഖ്യാപിക്കണമെന്ന് ആവശ്യപ്പെട്ട് കെ വി തോമസ് കത്ത് നൽകിയിരുന്നു.  എന്നാൽ, ദുരന്തവുമായി ബന്ധപ്പെട്ട പ്രാഥമിക ഉത്തരവാദിത്തം സംസ്ഥാന സർക്കാരിനാണെന്ന് കത്തിൽ വ്യക്തമാക്കുന്നു.  എസ്ഡിആർഎഫിൽ 394 കോടി രൂപയുണ്ടെന്ന് അക്കൗണ്ട്സ് ജനറൽ അറിയിച്ചിട്ടുണ്ടെന്നും നിത്യാനന്ദ റായി പറഞ്ഞു.

ഉരുൾ പൊട്ടലിന് ശേഷം സംഭവിച്ചതും ഇത്രയും നഷ്ട വ്യാപ്തി ഇല്ലാത്തതുമായ ദുരന്തങ്ങളെ പോലും ദേശീയ ദുരന്തമായി പ്രഖ്യാപിച്ചു കൂടുതൽ നഷ്ടപരിഹാരം ഉൾപ്പടെ സഹായങ്ങൾ മറ്റ് സംസ്ഥാനങ്ങൾക്ക് നൽകിയ നടപടികൾക്ക് ശേഷം ആണ് കേരളത്തോട് ഈ നീതികേട് എന്നതാണ് കൂടുതൽ ശ്രദ്ധേയമാക്കുന്നത്. കേന്ദ്ര സർക്കാരിന്റെ ഈ നടപടിയെ എല്ലാവരും എതിർക്കുകയാണെങ്കിലും ഇതിനെ ന്യായീകരിക്കുന്ന വ്യാജ പോസ്റ്റുകൾ ചില തല്പര കക്ഷികൾ പ്രചരിപ്പിച്ചു കേന്ദ്ര സർക്കാരിനെ സംരക്ഷിക്കുവാനും ശ്രമിക്കുന്നുണ്ട്. എന്നിരുന്നാലും വയനാട് ജനതയോട് ചെയ്ത ഈ വഞ്ചനയ്ക്ക് എതിരെ പ്രതികരിക്കുമെന്നാണ് ദുരന്തത്തിന്റെ കാഠിന്യം ഏറ്റുവാങ്ങിയ പൊതുജനങ്ങളുടെ അഭിപ്രായം.

വഖഫ് വിഷയം ; കര്‍ണ്ണാടകയിലെ അന്‍പതിലേറെ ചരിത്ര സ്മാരകങ്ങളില്‍ അവകാശവാദം ഉന്നയിച്ച് വഖഫ് ബോര്‍ഡ്. #Waqf_Board

 

ഹുബ്ബള്ളി: പ്രസിദ്ധമായ ഗോൾ ഗുംബസ്, ഇബ്രാഹിം റൗസ, വിജയപുരയിലെ ബാരാ കമാൻ, ബിദാർ, കലബുറഗി കോട്ടകൾ എന്നിവയുൾപ്പെടെ കർണാടകയിലുടനീളമുള്ള 53 ചരിത്ര സ്മാരകങ്ങളില്‍ അവകാശം ഉന്നയിച്ച്  വഖഫ് ബോർഡ്.

ഇതിൽ, ആദിൽ ഷാഹിസിൻ്റെ പഴയ തലസ്ഥാന നഗരമായ വിജയപുരയിലെ 43 എണ്ണം 2005-ൽ വഖഫ് ബോർഡ് വഖഫ് സ്വത്തുക്കളായി പ്രഖ്യാപിച്ചു.
വിവരാവകാശ നിയമത്തിലൂടെ ഡിഎച്ച് നേടിയ വിവരമനുസരിച്ച്, വിജയപുരയിലെ 43 കേന്ദ്ര സംരക്ഷിത സ്മാരകങ്ങളെ വഖഫ് ബോർഡ് വഖഫ് സ്വത്തുക്കളായി പ്രഖ്യാപിച്ചത് ഒരേ ROR/PR കാർഡുകൾ (സ്വത്തിൻ്റെ ഉടമസ്ഥന് നൽകിയ അവകാശങ്ങളുടെ രേഖ/സർക്കാരിൻ്റെ സർട്ടിഫിക്കറ്റ്) പ്രയോജനപ്പെടുത്തി. ഭൂമിയുടെ/സ്മാരകത്തിൻ്റെ ഉടമ എഎസ്ഐ ആണെങ്കിലും, വഖഫ് അതോറിറ്റിയാണ് ബാധ്യത. എഎസ്ഐയുമായി കൂടിയാലോചിക്കാതെയാണ് ഇത് ചെയ്തത്,” കേന്ദ്ര സർക്കാരിൻ്റെ വിവരാവകാശ മറുപടിയിൽ പറയുന്നു.

2005-ൽ ആരോഗ്യ കുടുംബക്ഷേമ വകുപ്പ് (മെഡിക്കൽ എജ്യുക്കേഷൻ) പ്രിൻസിപ്പൽ സെക്രട്ടറി മുഹമ്മദ് മൊഹ്‌സിൻ ഈ സംരക്ഷിത സ്മാരകങ്ങൾ വഖഫ് സ്വത്തുക്കളായി പ്രഖ്യാപിച്ചതായി രേഖകൾ കാണിക്കുന്നതായി    വിജയപുരയിലെ വഖഫ് ബോർഡിൻ്റെ ഡെപ്യൂട്ടി കമ്മീഷണറും ചെയർമാനുമായിരുന്ന മൊഹ്‌സിൻ പറഞ്ഞു. “എത്ര സ്മാരകങ്ങൾ വഖഫ് സ്വത്തുക്കളായി പ്രഖ്യാപിച്ചുവെന്ന് എനിക്ക് ഓർമയില്ല. എന്നാൽ ഞാൻ ചെയ്തതെല്ലാം റവന്യൂ വകുപ്പ് പുറപ്പെടുവിച്ച സർക്കാർ ഗസറ്റ് വിജ്ഞാപനവും കക്ഷികൾ ഹാജരാക്കിയ ആധികാരിക ഡോക്യുമെൻ്ററി തെളിവുകളും അനുസരിച്ചാണ്,”അദ്ദേഹം പറഞ്ഞു. അവയിൽ മിക്കതും ദേശീയ പ്രാധാന്യമുള്ള സ്മാരകങ്ങളായി 1914 നവംബർ 12-ന് അന്നത്തെ ബ്രിട്ടീഷ് സർക്കാർ വിജ്ഞാപനം ചെയ്തു. പുരാതന സ്മാരകങ്ങളുടെയും പുരാവസ്തു സ്ഥലങ്ങളുടെയും അവശിഷ്ടങ്ങൾ (AMASR) അനുസരിച്ച് ഈ സ്വത്തുക്കളുടെ പരിപാലനത്തിനും നവീകരണത്തിനും സംരക്ഷണത്തിനുമുള്ള "ഏക ഉടമ" ASI ആണ്. ) 1958ലെ നിയമവും ചട്ടങ്ങളും. ഒരിക്കൽ എഎസ്ഐ പ്രോപ്പർട്ടി ആയിരുന്നെങ്കിൽ, അവ ഡീനോട്ടിഫൈ ചെയ്യാൻ വ്യവസ്ഥകളില്ലാത്തതിനാൽ അത് എല്ലായ്പ്പോഴും എഎസ്ഐ പ്രോപ്പർട്ടിയാണെന്ന് ഉദ്യോഗസ്ഥർ പറയുന്നു.

ശ്രീരംഗപട്ടണത്തിലെ മസ്ജിദ്-ഇ-അല കൂടാതെ എഎസ്ഐയുടെ ഹംപി സർക്കിളിൽ ആറ് സ്മാരകങ്ങളും ബെംഗളൂരു സർക്കിളിൽ നാല് സ്മാരകങ്ങളും വഖഫ് ബോർഡ് അവകാശപ്പെടുന്നുണ്ട്.വഖഫ് വിഷയത്തില്‍ രാജ്യത്ത് ഉടനീളം സമ്മിശ്ര പ്രതികാരങ്ങള്‍ വരുമ്പോള്‍ കര്‍ണ്ണാടകയിലെ ഈ വിഷയം വളരെ ഗൌരവമേറിയ കാര്യമായി മാറുമെന്നാണ് കരുതുന്നത്.

സമൂഹമാധ്യമങ്ങളിലൂടെയുള്ള അപകീർത്തി പരാമർശങ്ങൾക്ക് നിയന്ത്രണം; പുതിയ ബില്ല് അവതരിപ്പിക്കാൻ കേന്ദ്രം... #Central_Government

 

സമൂഹമാധ്യമങ്ങളിലൂടെയുള്ള വിദ്വേഷ – അപകീർത്തി പരാമർശങ്ങൾ നിയന്ത്രിക്കാൻ പുതിയ ബില്ല് അവതരിപ്പിക്കാൻ കേന്ദ്രം. 1995-ലെ ടെലിവിഷൻ നെറ്റ്‌വർക്ക് നിയമത്തിന്‌ പകരം കൊണ്ടുവരുന്ന ബ്രോഡ്കാസ്റ്റിങ്‌ സർവീസസ് (റെഗുലേഷൻ) ബില്ല് അവതരിപ്പിക്കാനാണ് കേന്ദ്രത്തിന്റെ നീക്കം.

യൂട്യൂബ്‌, ഫെയ്‌സ്‌ബുക്ക്, എക്‌സ്‌, ഇൻസ്‌റ്റഗ്രാം തുടങ്ങി എല്ലാ സമൂഹമാധ്യമങ്ങളിലും വാർത്ത, സമകാലിക സംഭവങ്ങൾ തുടങ്ങിയവ അവതരിപ്പിക്കുന്നവർ, ഓൺലൈൻ പോർട്ടലുകൾ, വൈബ്‌സൈറ്റുകൾ എന്നിവയെ ലക്ഷ്യമിട്ടാണ്‌ നീക്കം. കണ്ടന്റ്‌ നിർമാതാക്കളെ ‘ഡിജിറ്റൽ ന്യൂസ്‌ ബ്രോഡ്‌കാസ്‌റ്റേഴ്‌സ്‌ ’ എന്നാണ് കരട് ബില്ലില്‍ നിർവചിക്കുന്നത്‌.

നിർമിക്കുന്ന വീഡിയോകളും വാർത്തകളും കേന്ദ്രം നിയമിക്കുന്ന സമിതിയുടെ അനുമതിയില്ലാതെ പ്രക്ഷേപണം ചെയ്യാനാകില്ല. ഇതിനായി ത്രിതല സംവിധാനം രൂപീകരിക്കും. പിന്തുടരുന്നവരുടെ എണ്ണം നിശ്ചിത പരിധിയിൽ കവിഞ്ഞാൽ കണ്ടന്റ്‌ നിർമാതാക്കൾ ഒരു മാസത്തിനുള്ളിൽ രജിസ്‌റ്റർ ചെയ്യണം. പ്രോഗ്രാം കോഡും പരസ്യ കോഡും പാലിക്കണം. ലോക്‌സഭ തെരഞ്ഞെടുപ്പിൽ സ്വതന്ത്ര മാധ്യമങ്ങൾ സർക്കാരിനെതിരെ ശക്തമായി പ്രതികരിച്ചതിനെത്തുടർന്നാണ്‌ നീക്കമെന്നാണ് റിപോർട്ട്.

വയനാട് ഉരുൾപൊട്ടൽ: സൈന്യത്തെ നിയോ​ഗിച്ചതായി കേന്ദ്രം; വ്യോമസേനയുടെ രണ്ട് ഹെലികോപ്റ്ററുകൾ ദുരന്ത മേഖലയിലേക്ക്... #Wayanad

 

വയനാട് മുണ്ടക്കൈ, ചൂരൽമല എന്നിവിടങ്ങളിലുണ്ടായ ഉരുൾപൊട്ടലിൽ രക്ഷാപ്രവർത്തനത്തിനായി ആർമി സംഘത്തെ നിയോഗിച്ചതായി കേന്ദ്രം. രക്ഷാപ്രവർത്തനത്തിനായി 200 അംഗ സംഘത്തെയാണ് നിയോഗിച്ചിരിക്കുന്നത്. വ്യോമസേനയുടെ രണ്ട് ഹെലികോപ്റ്ററുകൾ ദുരന്ത മേഖലയിലേക്കെത്തും. കണ്ണൂരിലെ മിലിട്ടറി ഹോസ്പിറ്റലിൽ നിന്നുള്ള മെഡിക്കൽ സംഘവും എത്തും. കൂടാതെ നേവി സംഘവും വയനാട്ടിലേക്ക് എത്തും. രക്ഷാപ്രവർത്തനത്തിനായി ഏഴിമലയിൽ നിന്നാണ് നാവിക സേനാ സംഘം എത്തുക.

മുഖ്യമന്ത്രിയുടെ നിർദ്ദേശ പ്രകാരമാണ് നേവിയുടെ സഹായം അഭ്യർത്ഥിച്ചത്. നേവിയുടെ റിവർ ക്രോസിംഗ് ടീമിൻ്റെ സഹായം ആണ് അഭ്യർത്ഥിച്ചത്. ഏഴിമല നാവിക അക്കാദമിയിലെ നേവിയുടെ സംഘം വയനാട്ടിലേക്ക് ഉടനെ തിരിക്കും. ദുരന്തത്തിൽ മരണസംഖ്യ ഉയരുകയാണ്. ഏറ്റവും ഒടുലിൽ ലഭിച്ച വിവരം അനുസരിച്ച് 57 പേരാണ് മരിച്ചത്. മണ്ണിനടിയിൽ നിരവധി പേർ കുടുങ്ങിക്കിടക്കുന്നതായാണ് വിവരങ്ങൾ.

ഉരുൾപൊട്ടൽ ഉണ്ടായ പ്രദേശത്ത് രക്ഷാപ്രവർത്തനത്തിനും അനുബന്ധ പ്രവർത്തനങ്ങൾക്കുമായി സൈന്യത്തിന്റെ എഞ്ചിനീയറിംഗ് ഗ്രൂപ്പും അടിയന്തരമായി വയനാട്ടിലെത്തും.സൈന്യത്തിൻ്റെ മദ്രാസ് എഞ്ചിനിയറിംഗ് ഗ്രൂപ്പ് (MEG) ബെം​ഗളൂരുവിൽ നിന്നാണ് എത്തുക. കോഴിക്കോട് നിന്ന് ടെറിട്ടോറിയൽ ആർമി ബറ്റാലിയനും അവരുടെ മെഡിക്കൽ സംഘവും വയനാട്ടിലേക്ക് പുറപ്പെട്ടു.

സോളാറില്‍ കിടിലന്‍ പദ്ധതിയുമായി കേന്ദ്ര സര്‍ക്കാര്‍, കര്‍ഷകര്‍ക്കായി നടപ്പിലാക്കുന്നത് സോളാര്‍ പമ്പ് സെറ്റുകള്‍.. #SolarPump

 

രാജ്യത്തെ ഒരു കോടി വീടുകളിൽ സൗരോർജ വിളക്കുകൾ എത്തിക്കുക എന്ന ലക്ഷ്യത്തോടെ കേന്ദ്രസർക്കാർ ആവിഷ്‌കരിച്ച പ്രധാനമന്ത്രി സൂര്യഘർ സൗജന്യ വൈദ്യുതി പദ്ധതിക്ക് വൻ പ്രതികരണത്തിന് പിന്നാലെ കർഷകർക്കായി പുതിയ സോളാർ പദ്ധതിയും വരുന്നു.

പിഎം സൂര്യഘർ സൗജന്യ വൈദ്യുതി പദ്ധതി 60 ശതമാനം വരെ സബ്‌സിഡിയോടെ പ്രതിമാസം 300 യൂണിറ്റ് സൗജന്യ വൈദ്യുതി നൽകുന്നുവെങ്കിൽ, പിഎം കുസും പദ്ധതിക്ക് കീഴിൽ ആരംഭിച്ച പുതിയ സോളാർ സബ്‌സിഡി പദ്ധതി പൂർണമായും കർഷകർക്കുള്ളതാണ്.

ഈ പദ്ധതി കാർഷിക ജലസേചനത്തിനായി സൗരോർജ്ജത്തിൽ പ്രവർത്തിക്കുന്ന പമ്പുകൾ ലഭ്യമാക്കും. പ്രധാനമന്ത്രി കുസും യോജനയ്ക്ക് കീഴിലായിരിക്കും ഇത് നടപ്പാക്കുക. പിഎം കെയുഎസും സബ്‌സിഡി സ്കീമും പിഎം സൂര്യഘർ സൗജന്യ വൈദ്യുതി പദ്ധതി പോലെയുള്ള ദേശീയ തലത്തിലുള്ള പ്രത്യേക പോർട്ടലിലൂടെ നടപ്പാക്കും.

പിഎം സൂര്യഘർ സൗജന്യ വൈദ്യുതി പദ്ധതി പോലെയുള്ള ദേശീയ പോർട്ടലിൽ രജിസ്റ്റർ ചെയ്തും കർഷകർക്ക് സോളാർ പമ്പുകൾക്കായി അപേക്ഷിക്കാം. വിതരണക്കാരെയും തിരഞ്ഞെടുക്കാം.

പിഎം കുസും സോളാർ പമ്പ് സബ്‌സിഡി സ്കീമിന് മൂന്ന് തരം പ്രവർത്തനങ്ങളുണ്ടാകുമെന്ന് ദേശീയ മാധ്യമങ്ങൾ സൂചിപ്പിക്കുന്നു. 10,000 മെഗാവാട്ട് സോളാർ പവർ യൂണിറ്റുകൾ സ്ഥാപിക്കുന്നതാണ് ഒന്ന്.

20 ലക്ഷം സോളാർ പമ്പുകൾ സ്ഥാപിക്കുന്നതാണ് രണ്ടാമത്തേത്. മൂന്നാമത്തേത് 15 ലക്ഷം പമ്പുകൾ കാർഷികാവശ്യങ്ങൾക്കായി സൗരോർജ്ജമാക്കി മാറ്റുക എന്നതാണ്. മൂന്ന് കാര്യങ്ങൾക്കായി 34,422 കോടി രൂപയാണ് കേന്ദ്രം സൂക്ഷിച്ചിരിക്കുന്നത്.

സോളാര്‍ പമ്പില്‍ സബ്സിഡി എങ്ങനെ ?

പിഎം കുസും പദ്ധതിയിൽ സോളാർ പമ്പുകൾ സ്ഥാപിക്കുന്നതിനുള്ള ചെലവിൽ 30 ശതമാനം സബ്‌സിഡി കേന്ദ്രം നൽകും. സംസ്ഥാന സർക്കാരും 30 ശതമാനമെങ്കിലും സബ്‌സിഡി നൽകണം. ബാക്കി 40 ശതമാനം കർഷകൻ തന്നെ വഹിക്കണം.

വടക്കുകിഴക്കൻ സംസ്ഥാനങ്ങൾ, സിക്കിം, ജമ്മു കശ്മീർ, ഉത്തരാഖണ്ഡ്, ലക്ഷദ്വീപ്, ആൻഡമാൻ നിക്കോബാർ എന്നിവിടങ്ങളിലെ കർഷകർക്ക് കേന്ദ്രം 50 ശതമാനം സബ്‌സിഡി നൽകും. സംസ്ഥാന സർക്കാരും 30 ശതമാനം സബ്‌സിഡി നൽകണം. ബാക്കി 20 ശതമാനം കർഷകൻ വഹിക്കണം.

എന്താണ് പ്രധാനമന്ത്രി കുസും യോജന

പ്രധാനമന്ത്രി കിസാൻ എനർജി സെക്യൂരിറ്റി, ഉദ്യാൻ മഹാഭിയാൻ എന്നാണ് പിഎം കുസുമിൻ്റെ മുഴുവൻ പേര്. 2019 മാർച്ചിൽ കേന്ദ്രം പിഎം കുസും യോജന ആരംഭിച്ചു. കൃഷിക്ക് ജലലഭ്യത ഉറപ്പാക്കുക, കർഷകരുടെ വരുമാനം വർധിപ്പിക്കുക, കൃഷിയിൽ ഡീസൽ ഉപയോഗം കുറയ്ക്കുക തുടങ്ങിയ ലക്ഷ്യങ്ങളോടെയാണ് ഈ പദ്ധതി ആരംഭിച്ചത്.