കണ്ണൂർ: പഴയഅങ്ങാടി താവത്തിലെ സ്ക്രാപ്പ് കടയിൽ വൻ തീപിടുത്തം. പഴയഅങ്ങാടി പുഴയ്ക്ക് സമീപമുള്ള സ്ക്രാപ്പ് വാഹനങ്ങൾ വിൽക്കുന്ന സ്ക്രാപ്പ് കടയിലാണ് തീപിടുത്തം ഉണ്ടായത്. ബുധനാഴ്ച ഉച്ചയ്ക്ക് 12 മണിയോടെയാണ് തീപിടുത്തമുണ്ടായത്. പയ്യന്നൂരിൽ നിന്നും തളിപ്പറമ്പിൽ നിന്നുമുള്ള അഗ്നിശമന സേനാംഗങ്ങൾ വളരെ പരിശ്രമിച്ചാണ് തീ നിയന്ത്രണവിധേയമാക്കിയത്. തീപിടുത്തത്തിന്റെ കാരണം വ്യക്തമല്ല.
വാഹനങ്ങളുടെ ഓയിൽ ടാങ്കുകൾ പൊട്ടിത്തെറിച്ചതാണ് തീ പടരാൻ കാരണമായത്. താവത്ത് സ്വദേശികളായ രജീഷ്, പ്രമോദ് എന്നിവരുടെ ഉടമസ്ഥതയിലുള്ളതാണ് ടിവിഎം സ്ക്രാപ്പ്. സ്ക്രാപ്പിംഗിനായി കൊണ്ടുവന്ന നിരവധി വാഹനങ്ങൾക്ക് തീപിടിച്ചു. തീപിടുത്ത സമയത്ത് നാല് തൊഴിലാളികൾ സ്ഥലത്തുണ്ടായിരുന്നു. തീപിടുത്തത്തിൽ ആർക്കും പരിക്കേറ്റിട്ടില്ല. ലക്ഷങ്ങളുടെ നാശനഷ്ടം ഉണ്ടായതായി സ്ക്രാപ്പ് കട ഉടമകൾ പഴയഅങ്ങാടി പോലീസിൽ നൽകിയ പരാതിയിൽ പറഞ്ഞു. പഴയഅങ്ങാടി പോലീസ് കേസെടുത്ത് അന്വേഷണം ആരംഭിച്ചു.
Massive fire breaks out at a scrap shop
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.