ന്യൂഡൽഹി: പാർലമെന്റ് പുക ബോംബ് കേസിലെ രണ്ട് പ്രതികൾക്ക് ജാമ്യം നൽകി ഡൽഹി ഹൈക്കോടതി. കേസിൽ പ്രതികളായ നീലം ആസാദ്, മഹേഷ് കുമാവത് എന്നിവർക്കാണ് ഹൈക്കോടതി ജാമ്യം അനുവദിച്ചത്. 2023 ലാണ് കേസിന് ആസ്പദമായ സംഭവം നടക്കുന്നത്. പ്രതികൾ പാര്ലമെന്റിനകത്തേക്ക് പുകബോംബ് എറിയുകയായിരുന്നു.
ജസ്റ്റിസുമാരായ സുബ്രമണ്യം പ്രസാദ്, ഹരീഷ് വൈദ്യനാഥൻ ശങ്കർ എന്നിവരടങ്ങിയ ബെഞ്ചാണ് കേസ് പരിഗണിച്ചത്. 50,000 രൂപയുടെ വ്യക്തിഗത ജാമ്യത്തിലും തുല്യതുകയ്ക്കുള്ള രണ്ട് ആൾജാമ്യത്തിലുമാണ് ഇളവ് അനുവദിച്ചത്. സംഭവവുമായി ബന്ധപ്പെട്ട് മാധ്യമങ്ങൾക്ക് അഭിമുഖങ്ങൾ നൽകരുതെന്നും സോഷ്യൽ മീഡിയ പോസ്റ്റുകൾ ഇടരുതെന്നും പ്രതികളോട് ജഡ്ജി നിർദ്ദേശിച്ചു.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.