• അഹമ്മദാബാദ് വിമാന ദുരന്തം സംബന്ധിച്ച് അട്ടിമറി സാധ്യതയും
അന്വേഷിക്കുന്നുണ്ടെന്ന് സിവില്‍ വ്യോമയാന സഹമന്ത്രി മുരളീധര്‍ മൊഹോല്‍.
അപകടം സംബന്ധിച്ച് എയര്‍ക്രാഫ്റ്റ് ആക്‌സിഡന്റ് ഇന്‍വെസ്റ്റിഗേഷന്‍ ബ്യൂറോയുടെ അന്വേഷണം നടക്കുന്ന പശ്ചാത്തലത്തിലാണ് മന്ത്രിയുടെ പ്രസ്താവന.
• മഹാരാഷ്ട്രയില്‍ ത്രിഭാഷാ നയം നടപ്പിലാക്കാനുള്ള തീരുമാനം പിന്‍വലിച്ച് സര്‍ക്കാര്‍. കാബിനറ്റ് യോഗത്തിന് ശേഷം
മുഖ്യമന്ത്രി ദേവേന്ദ്ര ഫഡ്നാവിസാണ് ഇക്കാര്യം അറിയിച്ചത്.
• സെന്‍സസിന്റെ ഭാഗമായുള്ള ഭവന പട്ടിക തയ്യാറാക്കല്‍ പ്രവര്‍ത്തനം ഏപ്രില്‍
ഒന്നിന് ആരംഭിക്കും. ഇത് സംബന്ധിച്ച് സെന്‍സസ് കമ്മിഷണര്‍ കൂടിയായ
രജിസ്ട്രാര്‍ ജനറല്‍ ഓഫ് ഇന്ത്യ മൃത്യുഞ്ജയ് കുമാര്‍ നാരായൺ ചീഫ് സെക്രട്ടറിമാര്‍ക്ക് കത്തയച്ചു.
• എല്ലാ ക്ലാസിലും കുട്ടികൾ 30 ശതമാനത്തിൽ കൂടുതൽ മാർക്ക്‌
എഴുത്തുപരീക്ഷയിൽ നേടുന്നുണ്ടെന്ന്‌ ഉറപ്പാക്കണമെന്ന്‌ പൊതുവിദ്യാഭ്യാസ
വകുപ്പിന്റെ നിർദേശം.
• അമേരിക്കയും ഇസ്രയേലും നടത്തിയ ആക്രമണം അതിജീവിച്ച ഇറാന്‌
മാസങ്ങൾക്കകം യുറേനിയം സമ്പുഷ്‌ടീകരണം പുനരാരംഭിക്കാൻ കഴിയുമെന്ന്
അന്താരാഷ്‌ട്ര ആണവോർജ ഏജൻസി.
• ആഗോള പീഡന സൂചികയില്‍ ഉയര്‍ന്ന അപകട സാധ്യതയുള്ള രാജ്യങ്ങളുടെ പട്ടികയില്‍ ഇന്ത്യ.
• സൈബര്‍ തട്ടിപ്പുകള്‍ വര്‍ധിച്ചുവരുന്നതിനിടെ മൊബൈല്‍ നമ്പറുകളുടെ
ആധികാരികത ഉറപ്പാക്കാനുള്ള പുതിയ പ്ലാറ്റ്ഫോം നടപ്പാക്കുന്നതിനുള്ള സാധ്യത
തേടി കേന്ദ്രം.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.