• ഗുജറാത്തിലെ അഹമ്മദാബാദിൽനിന്ന് ലണ്ടനിലേക്ക് പുറപ്പെട്ട എയര്‍
ഇന്ത്യവിമാനം വിമാനത്താവളത്തിന് സമീപം ജനവാസകേന്ദ്രത്തിൽ കത്തിവീണ്‌ 241
യാത്രക്കാരും എട്ടു മെഡിക്കൽ വിദ്യർഥികളുമടക്കം 249 പേർ മരിച്ചു.
• അഹമ്മദാബാദ് വിമാനാപകടത്തില്‍ ഒരാളെ ജീവനോടെ കണ്ടെത്താനായി എന്ന്
റിപ്പോര്‍ട്ട്. 11A സീറ്റിൽ യാത്ര ചെയ്തിരുന്ന വിശ്വാസ് കുമാര്‍ രമേഷ് എന്ന
ആളെയാണ് ജീവനോടെ കണ്ടെത്തിയത്.
• ‘വാൻഹായ്‌ 503’ കപ്പലിനെ ടഗ്‌ബോട്ടുമായി ബന്ധിപ്പിച്ച്‌
പുറംകടലിലേക്ക്‌ നീക്കുന്നത്‌ പുരോഗമിക്കുന്നു. കപ്പലിലെ തീയുടെ തീവ്രത
കുറയ്‌ക്കാൻ കഴിഞ്ഞിട്ടുണ്ട്‌. എണ്ണച്ചോർച്ചയില്ലെന്നും കണ്ടെത്തി.
• അഹമ്മദാബാദിലെ വിമാനദുരന്തത്തിൽ മരിച്ചവരുടെ കുടുംബങ്ങൾക്ക് ധനസഹായവുമായി ടാറ്റ ഗ്രൂപ്പ്. ഒരു കോടി രൂപ വീതമാണ് ധനസഹായം നൽകുക.
• വേനൽക്കാല താപനില കുതിച്ചുയരുന്ന സാഹചര്യത്തിൽ പൊതുജനങ്ങൾക്ക്‌ മുന്നറിയിപ്പുമായി ഒമാൻ ആരോഗ്യ മന്ത്രാലയം.
• വിമാന ദുരന്തത്തില്‍ മരിച്ചവരില്‍ മലയാളി നഴ്‌സും. കോഴഞ്ചേരി പുല്ലാട്
കുറുങ്ങുഴ കൊഞ്ഞോൺ വീട്ടിൽ ര‍ഞ്ജിത ആർ നായർ ആണ് മരിച്ചതായി
സ്ഥിരീകരിച്ചത്.
• കേരളത്തിൽ അടുത്ത ഒരാഴ്ച വ്യാപകമായ മഴയ്ക്ക് സാധ്യതയെന്ന് മുന്നറിയിപ്പ്.
ശനിയാഴ്ച മുതല്‍ തിങ്കളാഴ്ച വരെ അതിതീവ്ര മഴയ്ക്കും സാധ്യതയെന്ന് കേന്ദ്ര
കാലാവസ്ഥാ വകുപ്പിന്റെ മുന്നറിയിപ്പ്.
• വേള്‍ഡ് ഇക്കണോമിക് ഫോറത്തിന്റെ ഈ വര്‍ഷത്തെ ആഗോള ലിംഗസമത്വ പട്ടികയില്‍
കഴിഞ്ഞ വര്‍ഷത്തെക്കാള്‍ പിന്നോട്ടിറങ്ങി ഇന്ത്യ. 148 രാജ്യങ്ങളുടെ
പട്ടികയില്‍ രണ്ട് സ്ഥാനം താഴ്ന്ന് 131-ാമതാണ് ഇന്ത്യ.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.