ഇന്ത്യയും പാകിസ്ഥാനും തമ്മിലുള്ള വെടിനിർത്തലിനെ സ്വാഗതം ചെയ്ത് മുഖ്യമന്ത്രി.#pinarayivijayan

 

 തിരുവനന്തപുരം: ഇന്ത്യയും പാകിസ്ഥാനും തമ്മിലുള്ള സംഘർഷം അവസാനിപ്പിച്ചുകൊണ്ട് വെടിനിർത്തൽ പ്രഖ്യാപനത്തെ മുഖ്യമന്ത്രി പിണറായി വിജയൻ സ്വാഗതം ചെയ്തു.

ജനങ്ങളും രാജ്യവും സമാധാനം ആഗ്രഹിക്കുന്നു. അതിർത്തിയിലെ സംഘർഷം അവസാനിപ്പിച്ച് സമാധാനം കൈവരിക്കാനുള്ള തീരുമാനം ബുദ്ധിപരമാണ്. ഭീകരശക്തികൾക്കെതിരെ ശക്തമായി നിലകൊള്ളുകയും സമാധാനത്തിനും രാജ്യത്തിന്റെ പുരോഗതിക്കും വേണ്ടി നിലകൊള്ളുകയും ചെയ്യേണ്ടത് പ്രധാനമാണ്.

അതിർത്തിയിലെ സംഭവവികാസങ്ങൾ കാരണം സംസ്ഥാന സർക്കാരിന്റെ നാലാം വാർഷിക പരിപാടികൾ നിർത്തിവയ്ക്കാൻ തീരുമാനിച്ചു. വെടിനിർത്തലിന്റെ പശ്ചാത്തലത്തിൽ, മെയ് 13 മുതൽ വാർഷിക പരിപാടികൾ നിശ്ചയിച്ച പ്രകാരം നടത്തണമെന്ന് മുഖ്യമന്ത്രി നിർദ്ദേശിച്ചു. ജില്ലാതല, സംസ്ഥാനതല യോഗങ്ങൾ, എന്റെ കേരളം പ്രദർശനം, മേഖലാ അവലോകന യോഗങ്ങൾ എന്നിവ മെയ് 13 മുതൽ ഷെഡ്യൂൾ ചെയ്തതുപോലെ നടക്കും. മാറ്റിവച്ച മലപ്പുറം ജില്ലാതല യോഗം ഉൾപ്പെടെ 13 വരെ നിശ്ചയിച്ചിരിക്കുന്ന മറ്റ് യോഗങ്ങളുടെ തീയതികൾ പിന്നീട് പ്രഖ്യാപിക്കും.