പശ്ചിമ ബംഗാളിലെ സ്വകാര്യ ഹോട്ടലിലുണ്ടായ തീപിടുത്തത്തിൽ 14 പേർ മരിച്ചു. കൊൽക്കത്ത നഗരമധ്യത്തിലുള്ള ഹോട്ടലിലാണ് ഇന്നലെ രാത്രി തീപിടുത്തമുണ്ടായത്.
കൊൽക്കത്തയിലെ ബുറാബസാറിലെ ഋതുരാജ് ഹോട്ടലിൽ രാത്രി 8:30 ഓടെയാണ് തീപിടുത്തമുണ്ടായത്. ആദ്യം ഒന്നാം നിലയിലാണ് തീപിടുത്തമുണ്ടായത്. പിന്നീട് തീയും പുകയും മുകളിലത്തെ നിലകളിലേക്ക് പടർന്നു. പരിഭ്രാന്തരായ താമസക്കാർ ആറ് നില കെട്ടിടത്തിന്റെ ടെറസിലേക്ക് ഓടി. പുക ശ്വസിച്ചതിനെ തുടർന്ന് ചിലർ ബോധരഹിതരായി. ഇടുങ്ങിയ വഴികളിൽ എത്താൻ അഗ്നിശമന സേനയ്ക്ക് ബുദ്ധിമുട്ട് അനുഭവപ്പെട്ടു. മണിക്കൂറുകൾ നീണ്ട പരിശ്രമത്തിനൊടുവിൽ തീ അണച്ചു. എട്ട് മൃതദേഹങ്ങൾ തിരിച്ചറിഞ്ഞു. 13 പേരെ പരിക്കുകളോടെ ആശുപത്രിയിൽ പ്രവേശിപ്പിച്ചു.
ദുരന്തത്തിൽ പ്രധാനമന്ത്രിയുൾപ്പെടെ രാഷ്ട്രപതിയും പ്രധാനമന്ത്രിയും ഞെട്ടൽ പ്രകടിപ്പിച്ചു. പ്രധാനമന്ത്രിയുടെ ദുരിതാശ്വാസ നിധിയിൽ നിന്ന് മരിച്ചവരുടെ ബന്ധുക്കൾക്ക് 2 ലക്ഷം രൂപ സഹായം അനുവദിച്ചു. ഷോർട്ട് സർക്യൂട്ട് മൂലമാണ് അപകടമുണ്ടായതെന്നാണ് പ്രാഥമിക നിഗമനം. സർക്കാർ പ്രത്യേക അന്വേഷണ സംഘത്തെ നിയോഗിച്ചിട്ടുണ്ട്. ഹോട്ടലുകളിലെ സുരക്ഷ കർശനമായി നിരീക്ഷിക്കണമെന്ന് കേന്ദ്രമന്ത്രിയും ബിജെപി സംസ്ഥാന പ്രസിഡന്റുമായ സുകാന്ത മജുംദാർ ആവശ്യപ്പെട്ടു. സംഭവത്തിൽ കൊൽക്കത്ത കോർപ്പറേഷനെ വിമർശിച്ച് പശ്ചിമ ബംഗാൾ കോൺഗ്രസ് പ്രസിഡന്റ് ശുഭങ്കർ സർക്കാരും രംഗത്തെത്തി.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.