• ഇന്ന് ലോക വനിതാദിനം. ലോകമെമ്പാടുമുള്ള സ്ത്രീകളുടെ സാമൂഹിക- സാമ്പത്തിക-
രാഷ്ട്രീയനേട്ടങ്ങളെ ആദരിക്കുകയും സ്ത്രീകളുടെ തുല്യത ഉറപ്പുവരുത്തുകയുമാണ്
ഈ ദിനത്തിന്റെ ലക്ഷ്യം.
• ഹൈക്കോടതിയിൽ നാടകീയ രംഗങ്ങൾ. അഭിഭാഷകയെ അപമാനിച്ചെന്ന ആക്ഷേപത്തിൽ
ഹൈക്കോടതിയിൽ അഭിഭാഷകരുടെ പ്രതിഷേധം. ജസ്റ്റിസ് ബദറുദീൻ അധ്യക്ഷനായ സിംഗിൾ
ബഞ്ചിലാണ് പ്രതിഷേധം.
• കേരളത്തിൽ തൊഴിൽമേഖലയിൽ
സ്‌ത്രീപങ്കാളിത്തം വർധിച്ചതായി കേന്ദ്രപഠനറിപ്പോർട്ട്. 2023–--24
സാമ്പത്തിക വർഷം 36.4 ശതമാനമായാണ് ഉയർന്നത്. 2020–21ൽ 32.3
ശതമാനമായിരുന്നു. ദേശീയ ശരാശരി 34.2 ആണ്.
• സംസ്ഥാനത്ത് വിവിധ ജില്ലകളിലായി 52
റോഡിന്റെ നിർമാണ പ്രവൃത്തിക്ക് 146.68 കോടി രൂപയുടെ ഭരണാനുമതിയായതായി
പൊതുമരാമത്ത് മന്ത്രി പി എ മുഹമ്മദ് റിയാസ് അറിയിച്ചു.
• പാസ്പോര്‍ട്ട് അപേക്ഷാ നടപടികളില്‍ വലിയ മാറ്റങ്ങളുമായി കേന്ദ്ര സർക്കാർ. 2023 ഒക്ടോബര്‍ ഒന്നാം തീയതിക്കോ,
അതിന് ശേഷമോ ജനിച്ച കുട്ടികള്‍ക്ക് ഇനി പാസ്പോര്‍ട്ട് അപേക്ഷിക്കാന്‍
ജനന സര്‍ട്ടിഫിക്കറ്റ് നിര്‍ബന്ധമാകും. ജനന തീയതി തെളിയിക്കാന്‍ മറ്റൊരു
രേഖയും ഇവര്‍ക്ക് സ്വീകാര്യമല്ല.
• കേരള അഡ്മിനിസ്ട്രേറ്റീവ് സർവീസ് (കെഎഎസ്) പരീക്ഷയുടെ പ്രിലിമിനറി പരീക്ഷ
ജൂണ്‍ 14നും വിവരണാത്മക രീതിയിലുള്ള മെയിൻ പരീക്ഷ ഒക്ടോബര്‍ 17, 18
തീയതികളിലും നടക്കും.
• പെഗാസസ് ചാരവൃത്തി കേസുമായി ബന്ധപ്പെട്ട ഹര്‍ജികള്‍ സുപ്രീം
കോടതി ഏപ്രിൽ 22ന് പരിഗണിക്കും. ജസ്റ്റിസുമാരായ സൂര്യകാന്ത്, എൻ കോടീശ്വർ
സിങ് എന്നിവരടങ്ങിയ ബെഞ്ചിന് മുമ്പാകെയാണ് വിഷയം പരിഗണനയ്ക്ക് വരുന്നത്.
• വിവാഹ സത്കാര ചടങ്ങുകളില്‍ നിന്ന് പ്ലാസ്റ്റിക് വെള്ളക്കുപ്പികള്‍
ഒഴിവാക്കണമെന്ന് കേരള ഹൈക്കോടതി. പകരം ഗ്ലാസ് വെള്ളക്കുപ്പികള്‍
ഉപയോഗിക്കണമെന്നും ഹൈക്കോടതി ഡിവിഷന്‍ ബെഞ്ച് നിർദേശിച്ചു.
• റെയിൽവേ സ്റ്റേഷനുകളിലെ തിരക്ക് നിയന്ത്രിക്കാൻ പുതിയ പദ്ധതിയുമായി ഇന്ത്യൻ
റെയിൽവേ. രാജ്യത്തുടനീളമുള്ള 60 സ്റ്റേഷനുകളിലാണ് പുതിയ മാറ്റത്തിനായി
ഇന്ത്യൻ റെയിൽവേ ഒരുങ്ങുന്നത്.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.