• ദില്ലി നിയമസഭ തെരഞ്ഞെടുപ്പ് വോട്ടെടുപ്പ് പൂര്‍ത്തിയായതിന് പിന്നാലെ
എക്‌സിറ്റ് പോള്‍ ഫലങ്ങള്‍ പുറത്ത്. ബിജെപിക്ക് മുന്‍തൂക്കം
ലഭിക്കുമെന്നാണ് ഫലങ്ങള്‍ പറയുന്നത്.
• സംസ്ഥാനത്ത് ഉയര്‍ന്ന താപനില മുന്നറിയിപ്പ് നല്‍കി കേന്ദ്ര കാലാവസ്ഥാ
വകുപ്പ്. ഇന്ന് ഒറ്റപ്പെട്ടയിടങ്ങളില്‍ സാധാരണയെക്കാള്‍ 2 °C മുതല്‍ 3 °C വരെ താപനില
ഉയരാന്‍ സാധ്യതയെന്നാണ് അറിയിപ്പ്.
• സംസ്ഥാന സര്‍ക്കാരിന്റെ ക്രിസ്മസ്- നവവത്സര ബമ്പര്‍ ഭാഗ്യക്കുറി നറുക്കെടുപ്പിൽ ഒന്നാം സമ്മാനം ലഭിച്ചത് XD 387132 എന്ന ടിക്കറ്റിന്. 20
കോടി രൂപയാണ് ഒന്നാം സമ്മാനം.
• സിഎസ്ആര്‍ ഫണ്ടിന്റെ മറവിലെ തട്ടിപ്പ് ക്രൈം ബ്രാഞ്ച് അന്വേഷിക്കും. കൊച്ചി
ക്രൈം ബ്രാഞ്ച് യൂണിറ്റിനാണ് അന്വേഷണ ചുമതല. തട്ടിപ്പില്‍ കേസില്‍ 1000 കോടിയുടെ തട്ടിപ്പ് നടന്നതായി പൊലീസ്
കണ്ടെത്തിയിരുന്നു.
• സംസ്ഥാന സർക്കാരിന്റെ അഞ്ചാമത്‌
ബജറ്റ്‌ ധനമന്ത്രി കെ എൻ ബാലഗോപാൽ വെള്ളിയാഴ്‌ച രാവിലെ ഒമ്പതിന്‌ നിയമസഭയിൽ
അവതരിപ്പിക്കും. കഴിഞ്ഞ സാമ്പത്തികവർഷത്തെ സാമ്പത്തിക അവലോകന റിപ്പോർട്ടും
സഭയിൽ വയ്‌ക്കും.
• രാജ്യത്ത്‌ കഴിഞ്ഞവർഷം സൈബർ
കുറ്റകൃത്യവുമായി ബന്ധപ്പെട്ട്‌ രജിസ്റ്റര്‍ചെയ്തത് 17 ലക്ഷം കേസുകള്‍.
2021ൽ 1.37 ലക്ഷം കേസുമാത്രാണുണ്ടായിരുന്നത്. തുടര്‍ന്നുള്ള വര്‍ഷങ്ങളില്‍
സൈബർ കുറ്റകൃത്യങ്ങളുടെ എണ്ണം പെരുകി.
• ദി ലാൻസെറ്റ് റെസ്പിറേറ്ററി മെഡിസിൻ ജേർണൽ പ്രസിദ്ധീകരിച്ച പഠനമനുസരിച്ച്, പുകവലിക്കാത്തവരിൽ ശ്വാസകോശാർബുദ കേസുകൾ വർധിക്കുന്നതായി കണ്ടെത്തൽ.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.