• കൊച്ചി വാട്ടര്‍ മെട്രോ മാതൃകയില്‍ രാജ്യമൊട്ടാകെ ജലഗതാഗതം
ആരംഭിയ്ക്കാനുള്ള പഠനത്തിന് കെഎംആര്‍എല്ലിനെ ചുമതലപ്പെടുത്തി കേന്ദ്ര
സര്‍ക്കാർ.
• ലൊസ്‌ ആഞ്ചലസില്‍ മഹാദുരന്തം വിതച്ച കാട്ടുതീയിൽ വെന്തുരുകി
അമേരിക്ക. നാശനഷ്‌ടം 11.636 ലക്ഷംകോടി രൂപയായി ഉയർന്നു. 14.40 ലക്ഷംപേരെ
മാറ്റിപ്പാർപ്പിക്കേണ്ടിവന്നു. മരണസംഖ്യ 11 ആയി.
• മലയാളികളുടെ പ്രിയ ഗായകന് യാത്രാമൊഴി. പറവൂര്‍ പാലിയത്തെ തറവാട്ടു
ശ്മാശനത്തില്‍ പൂര്‍ണ ഔദ്യോഗിക ബഹുമതികളോടെ ഒന്നരയോടെയായിരുന്നു സംസ്‌കാര
ചടങ്ങുകള്‍ പൂര്‍ത്തിയായത്.
• പത്തനംതിട്ടയില്‍ കായികതാരമായ പെണ്‍കുട്ടി പീഡിപ്പിക്കപ്പെട്ട സംഭവത്തില്‍
ആറ് പേരുടെ കൂടി അറസ്റ്റ് രേഖപ്പെടുത്തി. അറസ്റ്റിലായവരുടെ എണ്ണം 20 ആയി.
• എറണാകുളം അങ്കമാലി അതിരൂപത ബിഷപ്പ് ഹൗസില്‍ വീണ്ടും പ്രതിഷേധം.
കന്യാസ്ത്രീകളും പ്രതിഷേധത്തില്‍ പങ്കെടുത്തു. പ്രാര്‍ഥനാ
പ്രതിഷേധമാണ് നടത്തുന്നത്.
• ദിനോസറുകളുടെ ഇരുന്നൂറോളം കാൽപ്പാടുകൾ കണ്ടെത്തി ഗവേഷകർ. 16.6 കോടി
വർഷങ്ങളുടെ പഴക്കം ഉണ്ടെന്ന്‌ കരുതുന്ന കാൽപ്പാടുകളാണ്‌ ബ്രിട്ടനിലെ
ഓക്സ്ഫഡ്ഷയറിലെ ക്വാറിയിൽ കണ്ടെത്തിയത്.
• പഞ്ചാബില്‍ എഎപി എംഎല്‍എയെ വീട്ടിനുള്ളില്‍ വെടിയേറ്റ നിലയില്‍
കണ്ടെത്തി. ലുധിയാന എംഎല്‍എയായ ഗുര്‍പ്രീത് ഗോഗി ബാസിനെയാണ് ദുരൂഹ
സാഹചര്യത്തില്‍ മരിച്ച നിലയില്‍ കണ്ടെത്തിയത്.ഇന്നലെ അര്‍ധരാത്രിയോടെയാണ്
സംഭവം
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.