• 2024ലെ ലോക ഫിഷറീസ് ദിനത്തോടനുബന്ധിച്ചുള്ള കേന്ദ്ര ഫിഷറീസ്
മന്ത്രാലയത്തിന്റെ പുരസ്കാരങ്ങള്‍ പ്രഖ്യാപിച്ചു. രാജ്യത്തെ ഏറ്റവും മികച്ച
മറൈന്‍ സംസ്ഥാനമായി കേരളം തെരഞ്ഞെടുക്കപ്പെട്ടു.
• രാജ്യത്ത് 2023ല്‍ റോ‍ഡപകടങ്ങളില്‍ നിരത്തില്‍ പൊലിഞ്ഞത് 1,72,890 പേരുടെ
ജീവന്‍. മണിക്കൂറില്‍ 20 ആണ് രജിസ്റ്റര്‍ ചെയ്യപ്പെടുന്ന അപകട മരണം.
ഇതില്‍ പകുതിയിലേറെ പേരും ബൈക്ക് യാത്രികരാണെന്ന് ഉപരിതല ഗതാഗത
മന്ത്രാലയത്തിന്റെ വാര്‍ഷിക റിപ്പോർട്ട്.
• ലൈംഗിക പീഡനക്കേസില്‍ നടന്‍ സിദ്ദിഖിന് മുന്‍കൂര്‍ ജാമ്യം. പരാതി
നല്‍കുന്നതിലെ കാലതാമസം ചൂണ്ടിക്കാട്ടിയാണ് സുപ്രീംകോടതി കര്‍ശന ഉപാധികളോടെ
മുന്‍കൂര്‍ ജാമ്യം അനുവദിച്ചത്.
• വിഴിഞ്ഞം തുറമുഖത്തെ
അടിസ്ഥാനമാക്കി കേരളത്തിന്റെ സമ്പൂർണ വികസനം ലക്ഷ്യമിട്ടുള്ള വിഴിഞ്ഞം -
കൊല്ലം - പുനലൂർ വ്യാവസായിക സാമ്പത്തിക വളർച്ചാമുനമ്പിന്‌ കിഫ്‌ബി അനുമതി.
• വായു വിഷമയമായ ഡൽഹിയിൽ
നിയന്ത്രണങ്ങൾകൊണ്ട്‌ സ്ഥിതി മെച്ചപ്പെടാത്ത സാഹചര്യത്തിൽ കൃത്രിമ മഴ
പെയ്യിക്കാൻ ശ്രമം. അനുമതി തേടി ഡൽഹി സർക്കാർ കേന്ദ്ര പരിസ്ഥിതി മന്ത്രി
ഭൂപേന്ദ്ര യാദവിന്‌ കത്തെഴുതി.
• തൃശൂർ പൂരാഘോഷത്തിനിടെ
ഗതാഗത നിയന്ത്രണമുള്ളിടത്ത് സുരേഷ് ഗോപി സേവാഭാരതിയുടെ ആംബുലൻസിലെത്തിയത്
രാഷ്ട്രീയലക്ഷ്യങ്ങളോടെയാണെന്ന് ഹെെക്കോടതിയിൽ കൊച്ചിൻ ദേവസ്വം ബോർഡ്.
• സുഡാനിൽ സൈന്യവും
അർധസൈനിക വിഭാഗവും തമ്മിൽ തുടരുന്ന ഏറ്റുമുട്ടൽ തടയാൻ യുഎൻ രക്ഷാസമിതിയിൽ
കൊണ്ടുവന്ന വെടിനിർത്തൽ പ്രമേയം വീറ്റോ ചെയ്ത്‌ റഷ്യ. ബ്രിട്ടനും സിയേറ
ലിയോണും സംയുക്തമായി അവതരിപ്പിച്ച പ്രമേയത്തെ മറ്റ്‌ എല്ലാ അംഗങ്ങളും
അനുകൂലിച്ചു.
• ഇരട്ടവോട്ട് വിവാദത്തിൽ പ്രതികരണവുമായി പാലക്കാട് ജില്ലാ കളക്ടർ എസ് ചിത്ര.
വോട്ടിങ് യന്ത്രത്തിനൊപ്പം എഎസ്ഡി പട്ടികയും പോളിങ് ഉദ്യോഗസ്ഥർക്ക് വിതരണം
ചെയ്യും.
• കുറുവ സംഘാംഗം സന്തോഷ് ശെൽവത്തെ പിടികൂടിയതിനെ തുടർന്ന് കുണ്ടന്നൂർ
പാലത്തിനടിയിൽ താമസിക്കുന്ന കുട്ടവഞ്ചിക്കാരെ ഒഴിപ്പിക്കുന്നു.മരട് നഗരസഭ
ആരോഗ്യവിഭാഗത്തിന്റെ നേതൃത്വത്തിലാണ് ഒഴിപ്പിക്കൽ.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.