അല്‍ഷിമേഴ്സ് രോഗം (Alzheimer's Disease) ഒരു ഡിമെന്‍ഷ്യ (Dementia)-മറവി രോഗമാണ്. ഇത് സാധാരണയായി 65 വയസ്സിന് മുകളില്‍ പ്രായമുള്ളവരിലാണ് കാണപ്പെടാറുള്ളതെങ്കിലും ചിലപ്പോള്‍ പ്രായം കുറഞ്ഞവര്‍ക്കും ഈ രോഗം ബാധിക്കാം. 'മറവി രോഗത്തോടുള്ള സമീപന'ത്തിലൂന്നിയാണ് ഈ വര്‍ഷത്തെ ലോക അല്‍ഷിമേഴ്സ് ദിനം ആചരിക്കപ്പെടുന്നത്.
രോഗലക്ഷണങ്ങള്‍
- ദൈനംദിന ജീവിതത്തെ ബാധിക്കും വിധത്തിലുള്ള ഓര്‍മ്മക്കുറവ്.
- പ്രശ്നങ്ങള്‍ പരിഹരിക്കാനും വെല്ലുവിളികള്‍ വരുമ്പോള്‍ ആസൂത്രണം ചെയ്യാനും കഴിവില്ലാതെ വരിക.
- പരിചയമുള്ള കാര്യങ്ങള്‍ ചെയ്യാന്‍ കഴിയാതെ വരിക.
- സമയവും സ്ഥലവും തിരിച്ചറിയാന്‍ പ്രയാസപ്പെടുക.
- ബന്ധങ്ങളും കാഴ്ചകളും തിരിച്ചറിയാന്‍ ബുദ്ധിമുട്ട്.
- വാക്കുകള്‍ പറയാനോ എഴുതാനോ ബുദ്ധിമുട്ട്.
- വസ്തുക്കള്‍ സ്ഥലംമാറി വയ്ക്കുകയും സ്റ്റെപ്പുകള്‍ തിരിച്ചറിയാന്‍ പ്രയാസപ്പെടുകയും ചെയ്യുക.
- നിര്‍ണയത്തിലെത്താനുള്ള ശേഷി കുറയുകയോ നഷ്ടപ്പെടുകയോ ചെയ്യുക.
- ജോലിയില്‍ നിന്നും സാമൂഹ്യപ്രവര്‍ത്തനങ്ങളില്‍ നിന്നുമെല്ലാം ഒഴിഞ്ഞുമാറുക.
- വ്യക്തിത്വത്തില്‍ മാറ്റം വരിക.
കാരണങ്ങള്‍
ഈ രോഗത്തിന്റെ കൃത്യമായ കാരണങ്ങള്‍ ഇപ്പോഴും വ്യക്തമായിട്ടില്ല. എന്നാല്‍, ചില പ്രധാന അപകടസാധ്യത ഘടകങ്ങള്‍ ഇവയാണ്
ജനിതക ഘടകങ്ങള്‍: കുടുംബത്തില്‍ ഈ രോഗം ഉണ്ടായിരുന്നെങ്കില്‍ സാധ്യത കൂടുതലാണ്.
തലച്ചോറിലെ തകരാറുകള്‍: പ്ലാക്കുകള്‍ (plaques) and ടാംഗിളുകള്‍ (tangles) എന്നിവ.
ചികിത്സ
ഇപ്പോള്‍ അല്‍ഷിമേഴ്സ് രോഗം പൂര്‍ണ്ണമായി ചികിത്സിച്ചു ഭേദമാക്കാന്‍ കഴിയില്ല. അതേസമയം, ചില മരുന്നുകള്‍ രോഗലക്ഷണങ്ങള്‍ കുറയ്ക്കാന്‍ സഹായിക്കുന്നു.
- ആന്റി-അമിലോയ്ഡ് തെറാപ്പികള്‍: ലെകാനിമാബ്, ഡൊനാനിമാബ് തുടങ്ങിയ തെറാപ്പികള്‍ രോഗത്തിന്റെ ആദ്യഘട്ടത്തില്‍ പ്രയോഗിക്കുന്നു.
- ആന്റി-ടാവ് - Tau തെറാപ്പികള്‍: Tau പ്രോട്ടീനെ ലക്ഷ്യമിടുന്ന ഈ തെറാപ്പി ഗവേഷണ ഘട്ടത്തിലാണ്. Tau ടാംഗിളുകളുടെ രൂപീകരണം തടയുകയും അതിലൂടെ രോഗശമനവുമാണ് ലക്ഷ്യം.
- ജീന്‍തെറാപ്പി, സ്റ്റെംസെല്‍ തെറാപ്പി, ഡീപ് ബ്രെയ്ന്‍ സ്റ്റിമുലേഷന്‍ തുടങ്ങിയ ആധുനിക ചികിത്സകളും ഇപ്പോള്‍ ലഭ്യമാണ്.
അല്‍ഷിമേഴ്സ് രോഗികള്‍ക്ക് വൈദ്യശുശ്രൂഷയിലുപരി സ്നേഹവും പരിചരണവും അത്യാവശ്യമാണ്. രോഗലക്ഷണങ്ങള്‍ നിയന്ത്രിക്കാന്‍ കുടുംബാംഗങ്ങളും പരിചരിക്കുന്നവരും രോഗിയുടെ ഒപ്പം നില്‍ക്കുക എന്നതും വലിയ വെല്ലുവിളിയാണ്.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.