• കഴക്കൂട്ടത്ത്
താമസിക്കുന്ന അതിഥിത്തൊഴിലാളികളുടെ മകളെ കാണാനില്ലെന്ന് പരാതി. അസം സ്വദേശി
അൻവർ ഹുസൈന്റെ മകളായ തസ്മിത് തംസുംനെയാണ് ചൊവ്വ രാവിലെ പത്തോടെ കാണാതായത്.
• ഐഎസ്ആർഒയുടെ ഗഗൻയാൻ
ദൗത്യത്തിന്റെ ആദ്യ പരീക്ഷണ പറക്കൽ ഡിസംബറിൽ. ഇതിനായുള്ള ക്രൂ എസ്കേപ്പ്
സംവിധാനം ശ്രീഹരിക്കോട്ടയിലെ സതീഷ് ധവാൻ സ്പേയ്സ് സെന്ററിൽ എത്തിച്ചു.
• ഏകരക്ഷിതാവിനും (സിംഗിൾ
പേരന്റ്) ഇനി കുട്ടികളെ ദത്തെടുക്കാൻ കഴിയുംവിധം ഫോസ്റ്റർ കെയർ
മാർഗനിർദേശങ്ങൾ വിപുലമാക്കി വനിതാ ശിശുക്ഷേമ മന്ത്രാലയം.
• ഓണക്കാലത്ത് കുറഞ്ഞ
വിലയ്ക്ക് നിത്യോപയോഗ സാധനങ്ങള് ലഭ്യമാക്കുന്നതിനുള്ള ഓണച്ചന്തകള്
സപ്ലൈകോയുടെ ആഭിമുഖ്യത്തില് സംഘടിപ്പിക്കുമെന്ന് മുഖ്യമന്ത്രി പിണറായി
വിജയൻ.
• സംസ്ഥാനത്തെ എഎവൈ റേഷൻകാർഡ് ഉടമകൾക്ക് ഈ വർഷവും പതിമൂന്നിനം
ഭക്ഷ്യോല്പന്നങ്ങൾ അടങ്ങിയ ഓണക്കിറ്റ് വിതരണം ചെയ്യുമെന്ന് മുഖ്യമന്ത്രി
പിണറായി വിജയൻ.
• രാജ്യത്തെ ബാങ്കുകളുടെ
കടമെടുപ്പിൽ വലിയ വർധന. ജൂലായ് 26 വരെയുള്ള ആർ.ബി.ഐ.യുടെ കണക്കനുസരിച്ച്
ബാങ്കുകളുടെ മൊത്തം കടമെടുപ്പ് 9.32 ലക്ഷം കോടി രൂപയിലെത്തി.
• ബംഗ്ലാദേശിലെ പ്രക്ഷുബ്ധമായ രാഷ്ട്രീയ സാഹചര്യം കണക്കിലെടുത്ത് വനിതാ ടി20
ലോകകപ്പ് യു.എ.ഇ.യിലേക്ക് മാറ്റി. ഐ.സി.സി. ഇക്കാര്യത്തില് പ്രഖ്യാപനം
നടത്തി.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.