• സംസ്ഥാന ജിഎസ്‌ടി ഇന്റലിജന്റ്‌സും എൻഫോഴ്‌സ്‌മെന്റും ഹോട്ടലുകളിൽ നടത്തിയ പരിശോധനയിൽ 139.5 കോടി രൂപയുടെ വെട്ടിപ്പ്‌ കണ്ടെത്തി.
• കനത്ത മഴയില്‍ മുങ്ങി രാജ്യതലസ്ഥാനം. വെള്ളക്കെട്ടിലും ഗതാഗത കുരുക്കിലും
വലഞ്ഞ് ജനം. ഡല്‍ഹി ഇന്ദിരാഗാന്ധി അന്താരാഷ്ട്ര വിമാനത്താവളത്തിന്റെ
മേല്‍ക്കൂര തകര്‍ന്നു വീണ് ഒരാള്‍ മരിച്ചു. ആറു പേര്‍ക്ക് ഗുരുതരമായി
പരിക്കേറ്റു.
• ജൂലൈ ഒന്ന് വിജ്ഞാന ഉത്സവമായി എല്ലാ ക്യാമ്പസുകളിലും സംഘടിപ്പിക്കുമെന്ന്
ഉന്നതവിദ്യാഭ്യാസ വകുപ്പ് മന്ത്രി ആർ ബിന്ദു. 4 വർഷ ഡിഗ്രി കോഴ്‌സുകൾക്കും
ജൂലൈ ഒന്നിന് തുടക്കമാകും.
• നീറ്റ്, നെറ്റ്‌ ചോദ്യപേപ്പർ കുംഭകോണത്തിൽ രാജ്യവ്യാപക പ്രതിഷേധത്തിനിടെ പുതിയ പരീക്ഷ കലണ്ടർ പ്രഖ്യാപിച്ച്‌ ദേശീയ ടെസ്‌റ്റിങ് ഏജൻസി (എൻടിഎ).
• കേരളത്തിൽ റെയിൽവേ മേഖലയിൽ ആദ്യമായി ഓട്ടോമാറ്റിക് സിഗ്നലിങ്‌ സംവിധാനം വരുന്നു. സംസ്ഥാനത്ത്‌ ഏറ്റവും തിരക്കേറിയ എറണാകുളത്തിനും വള്ളത്തോൾ നഗറിനുമിടയിലാണ്‌ പുതിയ സംവിധാനം.
• സംസ്ഥാനത്ത്‌ പച്ചക്കറികൾക്ക്‌ വില കുറഞ്ഞുതുടങ്ങി. ആഴ്‌ചകളായി തുടർന്ന വിലക്കയറ്റത്തിൽ ഇത്‌ ആശ്വാസമായി. തക്കാളി, പച്ചമുളക്‌, മുരിങ്ങയ്‌ക്ക എന്നിവയ്‌ക്കാണ്‌ കൂടുതൽ വില കുറഞ്ഞത്‌.
• വൻനിരക്കുവർധനയുമായി മൊബൈൽ ഫോൺ സേവന ദാതാക്കൾ. റിലയൻസ് ജിയോയും ഭാരതി എയർടെല്ലും നിരക്കുവർധന പ്രഖ്യാപിച്ചു. 10 മുതൽ 25 ശതമാനംവരെയാണ്‌ വർധന. സംസാരസമയമോ ഡാറ്റയോ വർധിപ്പിച്ചിട്ടില്ല.
• 2010 കശ്മീരിനെക്കുറിച്ച് നടത്തിയ പ്രസ്താവനയുടെ പേരില്‍ അരുന്ധതി റേയ്,
കേന്ദ്ര സര്‍വകലാശാല പ്രൊഫസര്‍ ഷൗക്കത്ത് ഹുസൈന്‍ എന്നിവര്‍ക്കെതിരെ
ചുമത്തിയ യുഎപിഎ കേസ് റദ്ദാക്കണമെന്ന് യുഎന്‍ മനുഷ്യവാകാശ സംഘടന.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.