കണ്ണൂരിൽ കള്ളവോട്ട് നടന്നെന്ന പരാതിയുമായി എൽഡിഎഫ്.വീട്ടിൽ നടന്ന വോട്ടിൽ കള്ളവോട്ട് നടന്നതായി പരാതി ഉയർന്നിട്ടുണ്ട്. കോൺഗ്രസ് അനുഭാവിയായ ബി.എൽ.ഒ.ക്ക് വോട്ടുചോർച്ചയിൽ പങ്കുണ്ടെന്ന് എൽ.ഡി.എഫ് ആരോപിച്ചു.
85 വയസ്സിന് മുകളിലുള്ള വികലാംഗരായ മുതിർന്ന പൗരന്മാർക്ക് അവരുടെ വീടുകളിൽ വോട്ടവകാശം വിനിയോഗിക്കുന്നതിന് ഏർപ്പെടുത്തിയ സംവിധാനത്തിലൂടെ യുഡിഎഫ് സ്ഥാനാര്‍ത്ഥിയുടെ നേതൃത്വത്തില്‍ ആസൂത്രിതമായി വ്യാജവോട്ടുകള്‍ ചെയ്തുവെന്നാണ് പരാതി.
70-ലെ 1420-ാം നമ്പർ ബൂത്തിലെ 86-കാരിയായ കെ.കമലാക്ഷിയുടെ വോട്ട് അതേ ബൂത്തിലെ 1148-ാം നമ്പർ വോട്ടറായ വി.കമലാക്ഷിയാണ് രേഖപ്പെടുത്തിയതെന്നാണ് പരാതി. എൽഡിഎഫ് സംസ്ഥാന തിരഞ്ഞെടുപ്പ് കമ്മിഷനു പരാതി നൽകി.
കല്ല്യാശ്ശേരിക്ക് പിന്നാലെ കണ്ണൂരിലും കള്ളവോട്ട് ആരോപണം ഉയർന്നിട്ടുണ്ട്. ജില്ലയിലെ 92 വയസ്സുള്ള സ്ത്രീയുടെ വോട്ട് സിപിഎം നേതാവ് രേഖപ്പെടുത്തിയെന്നായിരുന്നു പരാതി. കല്ല്യാശ്ശേരി സിപിഎം മുൻ ബ്രാഞ്ച് സെക്രട്ടറിയും ബൂത്ത് ഏജൻ്റുമായ ഗണേശനെതിരെയാണ് പരാതി.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.