ദേശീയ ഗാനത്തെ അപമാനിച്ചതിന് ഡിസിസി പ്രസിഡൻ്റ് പാലോട് രവിക്കെതിരെ ബിജെപി പരാതി നൽകി. ബിജെപി തിരുവനന്തപുരം ജില്ലാ വൈസ് പ്രസിഡൻ്റ് ആർഎസ് രാജീവ് സിറ്റി പോലീസ് കമ്മീഷണർക്ക് പരാതി നൽകി. മൈക്ക് സ്റ്റാൻഡിൽ ദേശീയഗാനം ആലപിക്കുമ്പോൾ താളം പിടിച്ചതും തെറ്റായി പാടാൻ തുടങ്ങിയെന്നും ഇത് ബോധപൂർവമാണെന്നും പരാതിയിൽ പറയുന്നു. എം.എൽ.എ ആയിരുന്ന ഒരാളിൽ നിന്ന് ഇത് സംഭവിക്കരുതെന്നും അന്വേഷിച്ച് നടപടിയെടുക്കണമെന്നും പരാതിയിൽ പറയുന്നു.
കോൺഗ്രസിൻ്റെ സമരാഗ്നി ജാഥയുടെ അവസാനത്തിലായിരുന്നു സംഭവം. സമരാഗ്നി ജാഥയുടെ സമാപന സമ്മേളനത്തിൽ പാലോട് രവി ദേശീയഗാനത്തിലെ വരികൾ തെറ്റായി ആലപിച്ചു. തെറ്റുപറ്റിയെന്ന് മനസിലായപ്പോൾ ടി സിദ്ദിഖ് ഇടപെട്ട് സിഡി ഇടാമെന്ന് പറഞ്ഞു. തുടർന്ന് ആലിപ്പറ്റ ജമീല ദേശീയഗാനം ആലപിച്ചു. സംഭവത്തിൻ്റെ വീഡിയോ സോഷ്യൽ മീഡിയയിൽ വ്യാപകമായി പ്രചരിച്ചിരുന്നു. വി.ഡി.സതീശനും കെ.സുധാകരനും തമ്മിലുള്ള അഭിപ്രായവ്യത്യാസവും തെറി വിളിയും വിവാദമായതിന് പുറമെ കോൺഗ്രസിന് ഡിഡിസി പ്രസിഡൻ്റ് ദേശീയഗാനം തെറ്റായി ആലപിച്ചതോടെ വീണ്ടും വിവാദമായിരിക്കുകയാണ്.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.