മികച്ച വിവാഹ ഫോട്ടോകള്‍ നിങ്ങളുടെ കൈയ്യില്‍ ഉണ്ടോ ? അതില്‍ മികച്ച തീമും വ്യത്യസ്തമായ ഫ്രേമും ഉണ്ടോ ? എങ്കില്‍ നിങ്ങളെ കാത്തിരിക്കുന്നത് കിടിലന്‍ സമ്മാനങ്ങളാണ്. കേരള ഫോട്ടോഗ്രഫെഴ്സ് & വീഡിയോ ഗ്രാഫെഴ്സ് യൂണിയന്‍ (CITU) തളിപ്പറമ്പ ഏരിയാ സമ്മേളനത്തോട് അനുബന്ധിച്ചാണ് ഈ വ്യത്യസ്ഥ മത്സരം ഒരുക്കിയിട്ടുള്ളത്.
വിവാഹ ഫോട്ടോഗ്രാഫിക്കിടെ ഉണ്ടാകുന്ന മികച്ച ഇമോഷന്‍ സീനുകള്‍ എന്നും വൈറലാകാറുണ്ട്. സന്തോഷവും സങ്കടവും ഒരുമിച്ചുണ്ടാകുന്ന ഇത്തരം മികച്ച ഫോട്ടോകള്‍ നിങ്ങളുടെ കൈയ്യില്‍ ഉണ്ടെങ്കില്‍ അത് 2024 ഫെബ്രുവരി 25 -ന് മുന്പായി kpvutpba@gmail.com എന്ന മെയിലിലേക്ക് അയച്ചാല്‍ തിരഞ്ഞെടുക്കുന്ന ഫോട്ടോകള്‍ക്ക് മികച്ച സമ്മാനങ്ങള്‍ കാത്തിരിക്കുന്നു.
രണ്ടു ഫോട്ടോകള്‍ വരെ ആകാവുന്നതാണ്, എന്നാല്‍ വാട്ടര്‍ മാര്‍ക്കോ ഏതെങ്കിലും തരത്തിലുള്ള മാനിപുലേഷനുകളോ ഉണ്ടാകാന്‍ പാടില്ല. എന്ട്രി ഫീസ്‌ ആയി 100 രൂപയാണ് ഏര്‍പ്പെടുത്തിയിരിക്കുന്നത്. നിങ്ങളുടെ മികച്ച ഫോട്ടോകളും അതുവഴി നിങ്ങളിലെ ഫോട്ടോഗ്രാഫറിനേയും എല്ലാവരിലേക്കും എത്തിക്കുവാനുള്ള മികച്ച അവസരമാണ് ഇത് എന്ന് സംഘാടകര്‍ വാര്‍ത്താ കുറിപ്പില്‍ അറിയിച്ചു. കൂടുതല്‍ വിവരങ്ങള്‍ക്കായി 7907 720 525 , 9745 447 411 എന്നീ നമ്പറില്‍ ബന്ധപ്പെടുക.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.