കർണാടകയിൽ നിലനിന്നിരുന്ന മുഖ്യമന്ത്രി ആരെന്നുള്ള അനിശ്ചിതത്വത്തിന് വിരാമമായി. സിദ്ധരാമയ്യ മുഖ്യമന്ത്രിയാകും. ഡികെ ശിവകുമാർ ഉപമുഖ്യമന്ത്രി. മുഖ്യമന്ത്രിസ്ഥാനം പങ്കിടില്ല. ലോക്‌സഭാ തിരഞ്ഞെടുപ്പ് വരെ ഡികെ ശിവകുമാർ പിസിസി അധ്യക്ഷനായി തുടരും.
ദിവസങ്ങൾ നീണ്ട തർക്കങ്ങൾക്കും ചർച്ചകൾക്കും ശേഷമാണ് തീരുമാനം. മുഖ്യമന്ത്രി സ്ഥാനം വിതരണം ചെയ്യണമെന്ന നിർദേശം ഹൈക്കമാൻഡ് നേരത്തേ നിർദേശിച്ചെങ്കിലും ഡികെ ശിവകുമാർ അത് അംഗീകരിച്ചിരുന്നില്ല. അതിനിടെ സിദ്ധരാമയ്യ മുഖ്യമന്ത്രിയാകുമെന്ന് അഭ്യൂഹങ്ങളുണ്ടായിരുന്നു. ഇതോടെ സിദ്ധരാമയ്യ ക്യാമ്പിൽ ആഹ്ലാദപ്രകടനം ആരംഭിച്ചതോടെ ഡികെ ശിവകുമാറിനെ അനുകൂലിക്കുന്നവർ പ്രതിഷേധവുമായി രംഗത്തെത്തി.
സത്യപ്രതിജ്ഞ മെയ് 20ന് മുഖ്യമന്ത്രി സത്യപ്രതിജ്ഞ ചെയ്യും. ചില മന്ത്രിമാരും സത്യപ്രതിജ്ഞ ചെയ്യുമെന്നും സൂചനയുണ്ട്. നേരത്തെ സിദ്ധരാമയ്യയും ഡികെ ശിവകുമാറും ഡൽഹിയിലെത്തി ദേശീയ നേതാക്കളുമായി പലതവണ ചർച്ച നടത്തിയിരുന്നു. രാഹുൽ ഗാന്ധിയുമായും സോണിയ ഗാന്ധിയുമായും ചർച്ച നടത്തി. എന്നാൽ മുഖ്യമന്ത്രി സ്ഥാനം തനിക്ക് വേണമെന്ന ശിവകുമാറിന്റെ നിർബന്ധം പ്രഖ്യാപനം വൈകിപ്പിച്ചു.
