സർക്കാർ മുന്നോട്ടുവെച്ച ആവശ്യങ്ങൾ അനുഭാവപൂർവം പരിഗണിക്കുന്ന പശ്ചാത്തലത്തിലാണ് ഐഎംഎ സമരം പിൻവലിക്കുന്നത്. ഐഎംഎ സംസ്ഥാന പ്രസിഡന്റ് ഡോ. സുൽഫി നുഹു അറിയിച്ചതാണിത്.
വന്ദനയെ ക്രൂരമായി കൊലപ്പെടുത്തിയതിൽ പ്രതിഷേധിച്ച് 48 മണിക്കൂർ നീണ്ടുനിന്ന സമരം ഇന്ന് ചേർന്ന ഉന്നതതല യോഗത്തിൽ സംഘടന മുന്നോട്ട് വെച്ച ആവശ്യങ്ങൾ സംബന്ധിച്ച തീരുമാനങ്ങളുടെ പശ്ചാത്തലത്തിലാണ് പിൻവലിച്ചത്. എന്നാൽ വിഐപികളുടെ സുരക്ഷയുമായി ബന്ധപ്പെട്ട എസ്കോർട്ട് ഡ്യൂട്ടികളിൽ നിന്ന് വിട്ടുനിൽക്കുമെന്നും സംഘടന വ്യക്തമാക്കി.
അതേസമയം, ഒപി ബഹിഷ്‌കരണം തുടരുമെന്ന് ഹൗസ് സർജൻസ് അസോസിയേഷൻ അറിയിച്ചു.
വന്ദന ആക്രമിക്കപ്പെടുമ്പോൾ ഡ്യൂട്ടിയിലുണ്ടായിരുന്ന പൊലീസുകാർക്കെതിരെ നടപടി വേണമെന്നും ഡോ. താലൂക്ക് ആശുപത്രികളിലും സുരക്ഷ വേണമെന്നും ഹൗസ് സർജൻമാരുടെ ഡ്യൂട്ടി സമയം നിജപ്പെടുത്തി ഉത്തരവിറക്കണമെന്നും ഹൗസ് സർജൻസ് അസോസിയേഷൻ അറിയിച്ചു.
ഇക്കാര്യങ്ങളിൽ രേഖാമൂലം ഉറപ്പ് ലഭിക്കുന്നതുവരെ സമരം തുടരുമെന്ന് ഹൗസ് സർജൻസ് അസോസിയേഷൻ അറിയിച്ചു.
