● ഗുസ്തി ഫെഡറേഷന്‍ അധ്യക്ഷന്നും ബിജെപി എംപിയുമായ ബ്രിജ് ഭൂഷനെതിരെ ദില്ലി പൊലീസ് FIR രജിസ്റ്റര്‍ ചെയ്തു. രണ്ട് എഫ് ഐ ആറുകളാണ് രജിസ്റ്റര്‍ ചെയ്തത് സുപ്രീം കോടതി ഇടപെടലോടെയാണ് നടപടി. പ്രായപൂര്‍ത്തിയാകാത്ത താരം നല്‍കിയ പരാതിയില്‍ പോക്സോ നിയമപ്രകാരം രജിസ്റ്റര്‍ ചെയ്തതാണ് ഒരു FIR.
● സുഡാൻ തലസ്ഥാന നഗരമായ ഖാർത്തൂമിന് പുറത്തുള്ള വാദി സെയ്ദ്‌ന വിമാനത്താവളത്തിൽ രക്ഷാദൗത്യവുമായെത്തിയ തുർക്കിയുടെ വിമാനത്തിന് നേരെ വെടിയുതിർത്ത് സുഡാൻ അർദ്ധ സൈന്യം.
● സാഹസിക കടൽയാത്രയായ ഗോൾഡൻ ഗ്ലോബ്‌ പായ്‌വഞ്ചിയോട്ടത്തിൽ ചരിത്രമെഴുതി ദക്ഷിണാഫ്രിക്കക്കാരി കേസ്‌റ്റൺ ന്യൂഷഫർ. ഒപ്പമുണ്ടായിരുന്ന പതിനഞ്ചുപേരെയും പിന്തള്ളിയാണ്‌ ഫിനിഷ്‌. ഈ നേട്ടം കൈവരിക്കുന്ന ആദ്യ വനിതയാണ്‌. മത്സരത്തിൽ പങ്കെടുത്ത ഏകവനിതയായിരുന്നു. ഇന്ത്യൻ നേവി റിട്ട. കമാൻഡറായ മലയാളി അഭിലാഷ്‌ ടോമിയാണ്‌ രണ്ടാംസ്ഥാനത്ത്‌.
● അന്താരാഷ്ട്ര വിപണിയിൽ അസംസ്‌കൃത (ക്രൂഡ്‌) എണ്ണവില കുത്തനെ കുറഞ്ഞിട്ടും രാജ്യത്ത് ഇന്ധനവിലയിൽ മാറ്റമില്ല. 17 ദിവസത്തിനിടെ ഒരു വീപ്പ എണ്ണയ്ക്ക് 8.54 ഡോളറാണ്‌ (ഏകദേശം 689 രൂപ) കുറഞ്ഞത്. മൂന്നുദിവസമായി വില 80 ഡോളറിൽ താഴെയാണ്.
● വിദ്വേഷ പ്രസംഗം നടത്തുവര്‍ക്കെതിരെ കര്‍ശന നടപടി സ്വീകരിക്കാന്‍ സംസ്ഥാനങ്ങള്‍ക്ക് നിര്‍ദേശം നല്‍കി സുപ്രീം കോടതി. വര്‍ധിച്ചു വരുന്ന വിദ്വേഷ പ്രസംഗം മതേതര നിലപാടിന് കളങ്കം ചാര്‍ത്തുമെന്നും കോടതി പറഞ്ഞു.
● ദേവികുളം എംഎൽഎ എ രാജയെ അയോഗ്യനാക്കിയ ഹൈക്കോടതി വിധിക്ക് ഉപാധികളോടെ സുപ്രീംകോടതി സ്റ്റേ അനുവദിച്ചു. കേസ് പരിഗണിക്കുന്ന ജൂലൈ വരെയാണ് സ്റ്റേ.
● ബ്രിജ് ഭൂഷണ്‍ ശരണ്‍സിങിനെതിരായ ലൈംഗിക പീഡനാരോപണത്തില്‍ ഗുസ്തി താരങ്ങള്‍ നടത്തുന്ന പ്രതിഷേധത്തെ വിമര്‍ശിച്ച ഇന്ത്യന്‍ ഒളിമ്പിക് അസോസിയേഷന്‍ പ്രസിഡന്‍റ് പി ടി ഉഷ എംപിക്ക് എതിരെ രൂക്ഷ വിമര്‍ശനവുമായി പ്രമുഖരും താരങ്ങളും.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.