അനന്തപുരം ക്ഷേത്രത്തിലെ പ്രധാന ആകർഷണമായിരുന്നു ബബിയ. ഏകദേശം 77 വയസ്സ് പ്രായമുണ്ടെന്ന് കരുതുന്നു. പടച്ചോറു കൊടുക്കാൻ പുരോഹിതൻ പേരു വിളിക്കുമ്പോൾ ബബിയ എത്തിയിരുന്ന കാഴ്ച കൗതുക കരമായിരുന്നു.
1945-ൽ ഒരു ബ്രിട്ടീഷ് പട്ടാളക്കാരൻ ക്ഷേത്രത്തിലെ മുതലയെ വെടിവച്ചു കൊന്നതിന് ശേഷം ബബിയ ഈ ക്ഷേത്രക്കുളത്തിൽ എത്തി. ഇതോടെ ക്ഷേത്രത്തിലെത്തുന്നവരുടെ പ്രധാന ആകർഷണമായി ബബിയ മാറി.
തിരുവനന്തപുരത്തെ പത്മനാഭസ്വാമി ക്ഷേത്രത്തിന്റെ ഉത്ഭവസ്ഥാനം അനന്തപുരം ക്ഷേത്രമാണെന്നാണ് വിശ്വാസം. ബബിയയെ ദർശിക്കാൻ കഴിയുന്നത് വലിയ അനുഗ്രഹമായിട്ടാണ് ഭക്തർ കരുതിയിരുന്നത്.
പൊതുദർശനത്തിന് ശേഷം ബബിയയുടെ മൃതദേഹം ക്ഷേത്രവളപ്പിൽ സംസ്കരിച്ചു. ബബിയയോടുള്ള ആദരസൂചകമായി ക്ഷേത്രാങ്കണം ഉച്ച വരെ അടച്ചിട്ടിരിന്നു. തിങ്കളാഴ്ച ഉച്ചതിരിഞ്ഞ് മാത്രമാണ് നട തുറന്നത്.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.