സായ്ഗ്രാം ഡയറക്ടറും സംഘപരിവാർ സഹയാത്രികനുമായ കെ.എൻ. ആനന്ദകുമാറിന് പാതിവില തട്ടിപ്പ് കേസിൽ തിരിച്ചടി. ആനന്ദകുമാറിന്റെ ജാമ്യാപേക്ഷ ഹൈക്കോടതി തള്ളി. ആനന്ദകുമാറാണ് തട്ടിപ്പിന്റെ മുഖ്യസൂത്രധാരനെന്ന ക്രൈംബ്രാഞ്ചിന്റെ കണ്ടെത്തലിന്റെ അടിസ്ഥാനത്തിലാണ് കോടതി നടപടി. തിരുവനന്തപുരം ജില്ലാ കോടതി തള്ളിയതിനെത്തുടർന്ന് ജാമ്യാപേക്ഷയുമായി ആനന്ദകുമാർ ഹൈക്കോടതിയെ സമീപിച്ചു. അദ്ദേഹം ഒരു ഹൃദ്രോഗിയാണെന്നും ആരോഗ്യപ്രശ്നങ്ങൾ ഉണ്ടെന്നുമായിരുന്നു വാദം.
ട്രസ്റ്റിന്റെ അക്കൗണ്ടിലാണ് പണം നിക്ഷേപിച്ചിരിക്കുന്നതെന്നും സാമ്പത്തിക ഇടപാടുകളിൽ അദ്ദേഹത്തിന് നേരിട്ടുള്ള ഇടപെടലോ അറിവോ ഇല്ലെന്നും ആനന്ദകുമാർ ജാമ്യാപേക്ഷയിൽ വാദിച്ചു. എന്നാൽ, ജാമ്യാപേക്ഷയെ സർക്കാർ ശക്തമായി എതിർത്തു. തട്ടിപ്പിനെക്കുറിച്ച് ആനന്ദകുമാറിന് മുൻകൂട്ടി എല്ലാ അറിവും ഉണ്ടായിരുന്നുവെന്ന് ക്രൈംബ്രാഞ്ച് കോടതിയെ അറിയിച്ചു.
ആനന്ദകുമാറിന് സാമ്പത്തിക ഇടപാടുകളിൽ പങ്കുണ്ടെന്നും സാമ്പത്തിക തട്ടിപ്പ് ആനന്ദകുമാറിന്റെ അറിവോടെയാണെന്നും പോലീസ് വാദിച്ചു. പോലീസ് വാദങ്ങൾ അംഗീകരിച്ചുകൊണ്ട്, ജെ.പി.വി. കുഞ്ഞികൃഷ്ണന്റെ നേതൃത്വത്തിലുള്ള സിംഗിൾ ബെഞ്ച് ജാമ്യാപേക്ഷ തള്ളി. മൂവാറ്റുപുഴ പോലീസ് രജിസ്റ്റർ ചെയ്ത കേസിൽ അറസ്റ്റിലായ ആനന്ദകുമാർ നിലവിൽ റിമാൻഡിലാണ്. ജാമ്യാപേക്ഷ പരിഗണിക്കുന്നതിനിടെ അറസ്റ്റിലായ പ്രതി കുഴഞ്ഞുവീണ് ആശുപത്രിയിൽ പ്രവേശിപ്പിക്കപ്പെട്ടതിനെ കോടതി വിമർശിച്ചിരുന്നു.
ഉന്നത പ്രതികൾ കോടതിയിലേക്ക് കൂളായി നടന്ന് കോടതിയിലെത്തുമ്പോൾ കുഴഞ്ഞുവീഴുന്ന പതിവ് നിർത്തണമെന്നായിരുന്നു ജസ്റ്റിസ് പി വി കുഞ്ഞികൃഷ്ണന്റെ വിമർശനം. സംഘപരിവാർ അനുയായിയായ ആനന്ദകുമാറാണ് പാതിവില തട്ടിപ്പ് കേസിലെ രണ്ടാം പ്രതി. പകുതി വിലയ്ക്ക് സ്കൂട്ടറുകളും വീട്ടുപകരണങ്ങളും വാഗ്ദാനം ചെയ്ത് നിരവധി പേരിൽ നിന്ന് കോടിക്കണക്കിന് രൂപ പിരിച്ചെന്നാണ് കേസ്. ആനന്ദകുമാർ ഉൾപ്പെടെയുള്ള പ്രതികൾക്കെതിരെ വിശ്വാസവഞ്ചന, വഞ്ചന എന്നീ കുറ്റങ്ങളാണ് ചുമത്തിയിരിക്കുന്നത്.
പാതിവില തട്ടിപ്പിനായി കഴിഞ്ഞ വർഷം ഫെബ്രുവരി 15 ന് അഞ്ച് അംഗ ട്രസ്റ്റ് രൂപീകരിച്ചു. കെ എൻ ആനന്ദകുമാർ ആജീവനാന്ത ചെയർമാനായി പ്രവർത്തിക്കുന്ന ട്രസ്റ്റിൽ 5 അംഗങ്ങളുണ്ടായിരുന്നു. അനന്തു കൃഷ്ണൻ, ബീന സെബാസ്റ്റ്യൻ, ഷീബ സുരേഷ്, ജയകുമാരൻ നായർ എന്നിവരാണ് മറ്റ് അംഗങ്ങൾ. തട്ടിപ്പിൽ തനിക്ക് പങ്കില്ലെന്നും പണമിടപാട് ഉൾപ്പെടെ എല്ലാം അനന്തു കൃഷ്ണൻ ആസൂത്രണം ചെയ്തതാണെന്നുമായിരുന്നു കെ എൻ ആനന്ദകുമാറിന്റെ വാദം. എന്നാൽ, ആനന്ദ കുമാറിന്റെ അക്കൗണ്ടിലേക്ക് രണ്ട് കോടി രൂപ ട്രാൻസ്ഫർ ചെയ്തതായി അനന്തു കൃഷ്ണൻ പറഞ്ഞിരുന്നു.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.