MDMA ARREST എന്ന ലേബല്‍ ഉള്ള പോസ്റ്റുകള്‍ കാണിക്കുന്നു. എല്ലാ പോസ്റ്റുകളും കാണിക്കൂ
MDMA ARREST എന്ന ലേബല്‍ ഉള്ള പോസ്റ്റുകള്‍ കാണിക്കുന്നു. എല്ലാ പോസ്റ്റുകളും കാണിക്കൂ

റിൻസി മുംതാസ് വീണ്ടും എംഡിഎംഎ കേസിൽ അറസ്റ്റിലായി. # Rinsi_Mumtaz_Arrested

 


ഏപ്രിൽ 2 ന് വൈകുന്നേരം ഒരു രഹസ്യ വിവരം ലഭിച്ചതിനെ തുടർന്ന് നെടുമ്പാശ്ശേരി എയർപോർട്ട് പോലീസ് ഫ്ലാറ്റിൽ എത്തി. മയക്കുമരുന്ന് വിൽപ്പനയ്ക്കും ഉപയോഗത്തിനുമായി ഒരു സംഘം ഒത്തുകൂടിയിരുന്നുവെന്നായിരുന്നു വിവരം. പോലീസ് ഉടൻ എത്തി. മുറി തുറന്നപ്പോൾ, പോലീസ് ആദ്യം കാണുകയും തിരിച്ചറിയുകയും ചെയ്തത് റിൻസി മുംതാസിനെയാണ്. കഴിഞ്ഞ വർഷം ജൂലൈയിൽ, കാക്കനാട്ടുള്ള ഒരു ഫ്ലാറ്റിൽ വെച്ച് റിൻസിയെ എംഡിഎംഎയുമായി അറസ്റ്റ് ചെയ്തു. ആ സമയത്ത്, റിൻസി ഫിലിം പ്രൊമോഷൻ മേഖലയിൽ സജീവമായിരുന്നു. 

നിരവധി പേർക്ക് മയക്കുമരുന്ന് വിതരണം ചെയ്യുന്നതിലും റിൻസി പ്രധാന കണ്ണിയാണെന്ന് പോലീസ് കണ്ടെത്തി. ഡ്രഗ് ലേഡി എന്ന വിളിപ്പേരുള്ളയാളാണ് അവർ എന്നും പോലീസ് പറയുന്നു.

റിൻസിയുടെ ജന്മദേശം കോഴിക്കോട് ജില്ലയിലെ ഫറോഖ് ആണ്. മയക്കുമരുന്ന് കേസിൽ ഇതേ റിൻസി വീണ്ടും അറസ്റ്റിലായി. ഇവരോടൊപ്പമുണ്ടായിരുന്ന വാഴക്കാല സ്വദേശി മുഹമ്മദ് റിഷാഖ്, ആലുവ സ്വദേശി അഭിജിത്ത്, നൂറാട് സ്വദേശി ബിജു എന്നിവരെയും പോലീസ് അറസ്റ്റ് ചെയ്തു. ഇവരിൽ നിന്ന് 3.58 ഗ്രാം എംഡിഎംഎ കണ്ടെത്തി.

 Rinsi Mumtaz arrested again with MDMA.

കാറിൽ കടത്തിയ എംഡിഎംഎയുമായി യുവാവ് പിടിയിൽ. #Kootupuzha#MDMA

 


കൂട്ടുപുഴ:
കാറിൽ കടത്തിയ എംഡിഎംഎയുമായി ഒരു യുവാവ് പിടിയിൽ. കൂട്ടുപുഴ എക്സൈസ് ചെക്ക് പോസ്റ്റിൽ വാഹന പരിശോധനയ്ക്കിടെ 22 ഗ്രാം എംഡിഎംഎയുമായി ഒരു യുവാവ് പിടിയിലായി. കണ്ണൂർ പുഴാതി സ്വദേശി സർഫറാസ് കെ. ആണ് അറസ്റ്റിലായത്.

 Youth arrested with MDMA smuggled in car

കരിപ്പൂരിൽ യുവതി എം.ഡി.എം.എയുമായി അറസ്റ്റിലായ സംഭവം; മുഖ്യപ്രതിയായ കണ്ണൂർ സ്വദേശിക്കെതിരെ ലുക്ക് ഔട്ട് നോട്ടീസ് ഇറക്കും #latest_news


കണ്ണൂർ: കരിപ്പൂരിൽ വൻ എം.ഡി.എം.എയുമായി യുവതിയും മൂന്ന് പേരും പിടിയിലായ സംഭവത്തിൻ്റെ മുഖ്യസൂത്രധാരൻ കണ്ണൂർ സ്വദേശിയും ഒമാനിൽ ജോലി ചെയ്യുന്നയാളുമായ നൗഫലാണെന്ന് പൊലിസ് അന്വേഷണത്തിൽ തെളിഞ്ഞു. ഇയാൾക്കായി അന്വേഷണം ഊർജ്ജിതമാക്കിയിട്ടുണ്ട്. ഒമാൻ പൊലിസുമായി ബന്ധപ്പെട്ട് മുഖ്യപ്രതിയായ ഇയാളെ നാട്ടിലെത്തിക്കാനാണ് നീക്കം നടത്തുന്നത്. നൗഫലിനെതിരെ ലുക്കൗട്ട് നോട്ടീസ് പുറത്തിറക്കുമെന്ന് പൊലിസ് അറിയിച്ചു. 

പിടിയിലായ പത്തനംതിട്ട സ്വദേശിനിയായ സൂര്യ വെറും കാരിയറാണെന്നാണ് പൊലിസ് പറയുന്നത്. വിസിറ്റിങ് വിസയും പണവും നൽകി ഇവരെ ഒമാനിലേക്ക് എത്തിക്കുകയായിരുന്നു. മയക്കുമരുന്ന് കടത്തിന് കമ്മിഷനാണ് ഇവർക്ക് നിശ്ചയിച്ചിരുന്നത്.
സൂര്യയെ ചോദ്യം ചെയ്തതിൽ നിന്നാണ് രാജ്യത്തിന് പുറത്ത് നിന്നും കേരളത്തിലേക്ക് ലഹരി ഒഴുക്കുന്ന സംഘത്തെ കുറിച്ചടക്കം വിവരം പൊലിസിന് ലഭിച്ചിരിക്കുന്നത്. 

ഒരു കിലോഗ്രാം എം.ഡി.എം.എയുമായാണ് പത്തനംതിട്ട സ്വദേശി സൂര്യയെ പൊലീസ് സംഘം കഴിഞ്ഞ ദിവസം അറസ്റ്റ് ചെയ്തത്.
ഇക്കഴിഞ്ഞ ജൂലൈ 16നാണ് ജോലി തേടി സൂര്യ ഒമാനിൽ പോയത്. കണ്ണൂർ സ്വദേശിയായ പരിചയക്കാരൻ നൗഫലായിരുന്നു ഒമാനിലുണ്ടായിരുന്ന ബന്ധം. നാലാം നാൾ സൂര്യ നാട്ടിലേക്ക് മടങ്ങി. ഈ സമയത്ത് നൗഫൽ കയ്യിലൊരു ബാഗ് കൊടുത്തുവിട്ടു. കരിപ്പൂരിൽ നിന്ന് അത് സ്വീകരിക്കാൻ ആളെത്തുമെന്നായിരുന്നു പറഞ്ഞത്. പക്ഷേ, കാത്തിരുന്നവരിൽ പൊലീസും ഉണ്ടാകുമെന്ന് സൂര്യക്ക് മനസ്സിലായില്ല. 

പരപ്പനങ്ങാടി മൂന്നിയൂർ സ്വദേശികളായ മുഹമ്മദ് റാഫി, അലി അക്ബര്‍, ഷഫീഖ് എന്നിവരാണ് വിമാനത്താവളത്തിന് പുറത്ത് രണ്ട് കാറുകളിലായി സൂര്യയെ കാത്ത് നിന്നത്. സൂര്യയുടെ കൈയ്യിൽ നിന്നും എംഡിഎംഎ വാങ്ങുക, സൂര്യയെ കോഴിക്കോട് റെയിൽവെ സ്റ്റേഷനിൽ എത്തിക്കുകയുമായിരുന്നു ഇവരുടെ ലക്ഷ്യം. എന്നാൽ ഇവരുടെ വാഹനം കണ്ട് കരിപ്പൂർ പൊലീസിന് തോന്നിയ സംശയമാണ് നിർണായക അറസ്റ്റിലേക്ക് എത്തിച്ചത്. 

മിഠായി കവറിൽ ഒളിപ്പിച്ച നിലയിലായിരുന്നു ലഹരിമരുന്ന്. സൂര്യയുടെ ബാഗിനകത്തായിരുന്ന ഈ ലഹരിമരുന്ന് വിമാനത്താവളത്തിലെ പരിശോധനയെ വിജയകരമായി മറികടന്നു. 

എന്നാൽ പുറത്ത് കാത്തുനിന്നവരെ നിരീക്ഷിച്ചുകൊണ്ടിരുന്ന പൊലീസിന് സംശയങ്ങൾ ബലപ്പെട്ടത് സൂര്യ എത്തിയപ്പോഴാണ്. അധികം വൈകാതെ നാല് പേരും അറസ്റ്റിലായി. 
കരിപ്പൂരിലെ പൊലീസ് എയ്‌ഡ് പോസ്റ്റിൽ ഏറെ നേരം പ്രതികളെ ചോദ്യം ചെയ്തു. അന്തർദേശീയ ലഹരി കടത്ത് സംഘത്തിലേക്ക് വിരൽ ചൂണ്ടുന്ന നിർണായക അറസ്റ്റാണ് സൂര്യയിലൂടെ  കരിപ്പൂർ പൊലീസ് നടത്തിയത്.  ഇതിനിടെയാണ് മയക്കുമരുന്ന് കടത്തിൻ്റെ മുഖ്യ ആസൂത്രകൻ നൗഫ ലാണെന്ന് വ്യക്തമായത്. 


ഫാര്‍മസിയുടെ മറവില്‍ എംഡിഎംഎ കച്ചവടം; സ്‌റ്റോറുടമയുടെ മകന്‍ പിടിയില്‍... #Crime_News

 


ഫാര്‍മസിയുടെ മറവില്‍ എംഡിഎംഎ കച്ചവടം. സംഭവത്തിൽ സ്‌റ്റോറുടമയുടെ മകന്‍ പിടിയില്‍.
നെടുമങ്ങാട് സ്വദേശി ഷാനാസ് (34)നെ ആണ് നെടുമങ്ങാട് എക്‌സൈസ് പിടികൂടിയത്.

പരിശോധനയിൽ നെടുമങ്ങാട് ജില്ലാ ഹോസ്പിറ്റലിനു എതിര്‍വശം കുറക്കോട് വി.കെയര്‍ ഫാര്‍മസി എന്ന സ്ഥാപനത്തില്‍ നിന്നും 11 പ്ലാസ്റ്റിക് പൗച്ചുകളിലായി സൂക്ഷിച്ചിരുന്ന എംഡിഎംഎ കണ്ടത്തി.

ചെറിയ അളവില്‍ എംഡിഎംഎ യുമായി ഇന്നലെ രാവിലെ പിടികൂടിയയാളെ ചോദ്യം ചെയ്തതില്‍ നിന്നുമാണ് ഫാര്‍മസി വഴി വിദ്യാര്‍ത്ഥികള്‍ക്ക് കച്ചവടം നടക്കുന്നതായി എക്‌സൈസിന് വിവരം ലഭിച്ചത്.

#MDMA_ARREST : #കണ്ണൂർ ജില്ലയിലെ സ്ക്കൂൾ വിദ്യാർത്ഥികൾക്കിടയിൽ അതിമാരക #മയക്കുമരുന്ന് വിൽപ്പന നടത്തുന്ന യുവാവ് #എക്സൈസ് പിടിയിൽ.

കണ്ണൂർ : നഗരത്തിലെ സ്കൂള് വിദ്യാര്ഥികള്ക്ക് ലഹരിമരുന്ന് വില്പന നടത്തുന്ന സംഘത്തിലെ മുഖ്യകണ്ണിയായ യുവാവ് മാരക മയക്കുമരുന്ന് ആയ എം.ഡി.എം.എ.യുമായി അറസ്റ്റില് .  
കണ്ണൂർ പുതിയ ബസ് സ്റ്റാൻഡിലെ വസ്ത്രവ്യാപാര സ്ഥാപനത്തിലെ ജീവനക്കാരനും കണ്ടിപ്പറമ്പ് ഉണിലാട്ട് സ്വദേശിയുമാണ്.  ഷാനിൽ (25) ആണ് അറസ്റ്റിലായത്. 

എക്‌സൈസ് സർക്കിൾ ഇൻസ്‌പെക്ടർ ഉനൈസ് അഹമ്മദിന്റെ നേതൃത്വത്തിലുള്ള സംഘമാണ് ബുധനാഴ്ച രാത്രി പുതിയ ബസ് സ്റ്റാൻഡിനു സമീപം ഇയാളെ പിടികൂടിയത്.  ഇയാളിൽ നിന്ന് 2.3 ഗ്രാം എംഡിഎംഎയും പിടിച്ചെടുത്തു.  നഗരം കേന്ദ്രീകരിച്ച് പ്രവർത്തിക്കുന്ന മയക്കുമരുന്ന് വിൽപന സംഘത്തിലെ പ്രധാന കണ്ണിയായ ബർണാശ്ശേരി സ്വദേശിയാണ് ഇയാൾക്ക് മയക്കുമരുന്ന് എത്തിച്ചു നൽകുന്നതെന്നും വെളിപ്പെടുത്തി.  നഗരത്തിലെ ഹയർസെക്കൻഡറി സ്‌കൂളിലെ ചില വിദ്യാർത്ഥികൾക്ക് മയക്കുമരുന്ന് എത്തിച്ചുനൽകുന്നത് ഇയാൾ പതിവാണെന്ന് ചോദ്യം ചെയ്യലിൽ സമ്മതിച്ചു.  പ്രതിയെ റിമാൻഡ് ചെയ്തു. 
ഏറ്റവും പുതിയ വാര്‍ത്തകള്‍, ജോലി ഒഴിവുകള്‍, ഷോപ്പിംഗ്‌ ഓഫറുകള്‍ എന്നിവ അറിയുവാന്‍ വാട്ട്സ്ആപ്പ് ഗ്രൂപ്പില്‍ ജോയിന്‍ ചെയ്യുക 👉🏽 JOIN WHATSAPP
MALAYORAM NEWS is licensed under CC BY 4.0