ചീഫ് ജസ്റ്റിസ് ഡി. വൈ ചന്ദ്രചൂഡിന്റെ അവസാന പ്രവർത്തി ദിനം ഇന്ന്, പടിയിറങ്ങുന്നത് സുപ്രധാന വിധികൾ പ്രസ്ഥാവിച്ച്. #DYChandrachud

സുപ്രീം കോടതി ചീഫ് ജസ്റ്റിസി ഡി വൈ ചന്ദ്രചൂഡിൻ്റെ സുപ്രീം കോടതിയിലെ അവസാന പ്രവൃത്തി ദിനമാണ് ഇന്ന്.   2 വർഷം ചീഫ് ജസ്റ്റിസായി സേവനമനുഷ്ഠിച്ച ശേഷം വിരമിച്ചു.   ഡി വൈ ചന്ദ്രചൂഡ് നവംബർ 10 ഞായറാഴ്ച ചീഫ് ജസ്റ്റിസായി വിരമിക്കും.ശനി, ഞായർ പൊതു അവധിയായതിനാൽ ഇന്നാണ് അവസാന പ്രവൃത്തി ദിനം.

ചീഫ് ജസ്റ്റിസ് ഉദയ് ഉമേഷ് ലളിതിന്റെ പിൻഗാമിയായി അൻപതാമത് ചീഫ് ജസ്റ്റിസായാണ് ധനഞ്ജയ വൈ ചന്ദ്രചൂഡ് ഈ സ്ഥാനത്ത് എത്തുന്നത്.

ഇന്ത്യയുടെ 16മത് ചീഫ് ജസ്റ്റിസ് ആയിരുന്ന വൈ വി ചന്ദ്രചൂഡിന്റെ മകനാണ് ഡി. വൈ. ചന്ദ്രചൂഡ്.

ഭരണഘടനാ നിയമം, മനുഷ്യാവകാശ നിയമം, ലിംഗനീതി എന്നിവയിലാണ് ഡോ. ഡിവൈ ചന്ദ്രചൂഡിന്റെ വിധികളിലേറെയും. സ്വകാര്യത മൗലികാവകാശമാണെന്ന വിധി, ശബരിമല സ്ത്രീപ്രവേശനം, പങ്കാളി ഇതര ബന്ധം, സ്വവര്‍ഗ്ഗ വിവാഹം, ബാബറി മസ്ജിദ് കേസ്, ഇലക്ടറല്‍ ബോണ്ട് കേസ് തുടങ്ങിയ സുപ്രധാന വിധികൾ പുറപ്പെടുവിച്ചതും ഡി.വൈ ചന്ദ്രരചൂഡ് ആണ്.

#SreeramVenkktaraman : ശ്രീറാം വെങ്കിട്ടരാമന് തിരിച്ചടി, കൊലപാതക കുറ്റം നിലനിൽക്കും.

മാധ്യമപ്രവർത്തകൻ കെഎം ബഷീറിനെ കാറിടിച്ച് കൊലപ്പെടുത്തിയ കേസിൽ ശ്രീറാം വെങ്കിട്ടരാമൻ തിരിച്ചടി.  ശ്രീറാം വെങ്കിട്ടരാമനെതിരെയുള്ള കൊലപാതകക്കുറ്റം നിലനിൽക്കുമെന്ന് ഹൈക്കോടതി വ്യക്തമാക്കി.  സെഷൻസ് കോടതി വിധി ഹൈക്കോടതി ഭാഗികമായി റദ്ദാക്കി.  സർക്കാരിന്റെ അപ്പീൽ പരിഗണിച്ചാണ് നടപടി.

  ശ്രീറാം വെങ്കിട്ടരാമനെതിരെ ഗുരുതര ആരോപണങ്ങളാണ് ഹൈക്കോടതി ഉന്നയിച്ചത്.  കേസിലെ തെളിവുകൾ നശിപ്പിക്കാൻ ശ്രീറാം ശ്രമിച്ചെന്ന് കോടതി ചൂണ്ടിക്കാട്ടി.  മദ്യപിച്ച ശേഷമാണ് ശ്രീറാം വാഹനം ഓടിച്ചിരുന്നത്.  വാഹനം അമിത വേഗത്തിലായിരുന്നുവെന്നും പ്രഥമദൃഷ്ട്യാ കോടതി വിലയിരുത്തി.  രണ്ടാം പ്രതിയായിരുന്ന വഫ ഫിറോസിനെ കേസിൽ നിന്ന് ഒഴിവാക്കി.  വഫയുടെ അപ്പീൽ പരിഗണിച്ചാണ് കോടതിയുടെ നടപടി.  ഇവർക്കെതിരെ പ്രേരണാക്കുറ്റം ചുമത്തി.  അത് നിലനിൽക്കില്ലെന്നും വിചാരണ ഘട്ടത്തിലേക്ക് പോകേണ്ടതില്ലെന്നും ഹൈക്കോടതി വ്യക്തമാക്കി.  ജസ്റ്റിസ് ബെച്ചു കുര്യൻ തോമസിന്റെ ബെഞ്ചാണ് ഹർജിയിൽ വിധി പറഞ്ഞത്.

  2019ലാണ് കേസിന് ആസ്പദമായ സംഭവം നടന്നത്. ശ്രീറാം വെങ്കിട്ടരാമൻ ഓടിച്ച കാർ ഇടിച്ച് മാധ്യമപ്രവർത്തകൻ ബഷീർ മരിച്ചു.  സംഭവം നടക്കുമ്പോൾ ശ്രീറാമിന്റെ സുഹൃത്ത് വഫയും ഒപ്പമുണ്ടായിരുന്നു.  അപകടത്തെ തുടർന്ന് ആശുപത്രിയിൽ പ്രവേശിപ്പിച്ച ശ്രീറാം തന്റെ സ്വാധീനം ഉപയോഗിച്ച് തെളിവ് നശിപ്പിച്ചതായി കണ്ടെത്തി.  കഴിഞ്ഞ വർഷം കേസ് പരിഗണിച്ച സെഷൻസ് കോടതി ശ്രീറാമിനെതിരായ കൊലക്കേസ് റദ്ദാക്കിയിരുന്നു.  ഇത് ഹൈക്കോടതി ഭാഗികമായി തള്ളി.