ഇടുക്കി:മറയൂർ ആനക്കൽപെട്ടി ചിന്നവരയിൽ കനാലിലൂടെ ഒഴുകിവന്ന മൂർഖൻ പാമ്പ്, അലക്കിക്കൊണ്ടിരുന്ന സ്ത്രീയുടെ കാലിൽ ചുറ്റി. ചിന്നവര സ്വദേശി പ്രേമ രാജുവിൻ്റെ കാലിലാണ് മൂർഖൻ ചുറ്റിയത്. കാലിൽ വള്ളി ചുറ്റുന്നതുപോലെ തോന്നിയതിനെ തുടർന്ന് നോക്കിയപ്പോഴാണ് മൂർഖൻ ചുറ്റി കിടക്കുന്നത് കണ്ടത്.
ഉടൻ കനാലിൽനിന്ന് കയറിയതോടെ മൂർഖൻ പിടിവിട്ട് സമീപത്തെ ആൾത്താമസം ഇല്ലാത്ത വീടിൻ്റെ അടിത്തറയിലെ കല്ലിനിടയിൽ കയറി. സമീപത്തുണ്ടായിരുന്നവർ ഉടൻതന്നെ വനം വകുപ്പിനെ വിവരം അറിയിച്ചതിനെ തുടർന്ന് മറയൂരിൽ നിന്ന് ആർആർടി സംഘമെത്തി പാമ്പിനെ പിടികൂടി ചിന്നാർ വനത്തിൽ തുറന്നു വിട്ടു.
While washing clothes, she thought a twig was wrapped around her leg; when she looked, she saw a cobra! Housewife narrowly escaped in Marayoor
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.