• ‘തിരഞ്ഞെടുപ്പ് ഫലം ഞെട്ടിക്കുന്നത്’; ബീഹാർ തിരഞ്ഞെടുപ്പ് ഫലം വന്ന ശേഷം രാഹുൽ ഗാന്ധിയുടെ ആദ്യ പ്രതികരണം.
• ശ്രീനഗറിലെ നൗഗാം പൊലീസ് സ്റ്റേഷനിൽ പരിശോധിക്കുന്നതിനിടെ
സ്ഫോടകവസ്തുക്കൾ പൊട്ടിത്തെറിച്ചുണ്ടായ അപകടത്തിൽ ആറു മരണം. പൊലീസുകാരും
ഫോറൻസിക് ഉദ്യോഗസ്ഥരുമാണ് കൊല്ലപ്പെട്ടത്. 27 പേർക്ക് പരിക്കേറ്റു.
• പോക്സോ കേസുകളിൽ ശാസ്ത്രീയ തെളിവിന്റെയും സാക്ഷിമൊഴിയുടെയും
അഭാവത്തിൽ സ്ഥിരതയുള്ള മൊഴിയുണ്ടെങ്കിൽ അതുപരിഗണിച്ച് പ്രതിയെ
ശിക്ഷിക്കാമെന്ന് സുപ്രീംകോടതി.
• സംസ്ഥാനത്തെ തദ്ദേശസ്വയംഭരണ സ്ഥാപനങ്ങളിലേക്കുള്ള തിരഞ്ഞെടുപ്പ് വിജ്ഞാപനം
ആയി, ഇനി സ്ഥാനാർത്ഥികൾക്ക് നേരിട്ടോ നിർദ്ദേശകൻ വഴിയോ നാമനിർദേശ പത്രിക സമർപ്പിച്ചു
തുടങ്ങാം.
• ചെങ്കോട്ട ഭീകരാക്രമണവുമായി ബന്ധപ്പെട്ട് പ്രതി ഉമര് നബിയുടെ
പരിചയക്കാരനായ മറ്റൊരു ഡോക്ടർ കൂടി പിടിയിൽ. കാൺപൂരിലെ ജിഎസ്വിഎം
മെഡിക്കൽ കോളജിലെ ഒന്നാം വർഷ എംഡി വിദ്യാർത്ഥി ഡോ. ആരിഫ് മിറിനാണ്
ഉത്തര്പ്രദേശ് ഭീകര വിരുദ്ധ സ്ക്വാഡിന്റെ പിടിയിലായത്.
• മണ്ഡല മകരവിളക്ക് തീർത്ഥാടനത്തിനായി ശബരിമല നട നാളെ തുറക്കും. വൈകിട്ട്
അഞ്ചിന് നട തുറക്കുമ്പോൾ പുതിയ ശബരിമല മേൽശാന്തിയായി ഇ ഡി പ്രസാദും
മാളികപ്പുറം മേൽശാന്തിയായി എം ജി മനുവും സ്ഥാനമേൽക്കും.
• സംസ്ഥാനത്തെ തീവ്ര വോട്ടർപ്പട്ടിക പരിഷ്കരണം വിലയിരുത്തനായി രാഷ്ട്രീയ പാർട്ടി പ്രതിനിധികളുടെ യോഗം ഇന്ന് തിരുവനന്തപുരത്ത് ചേരും.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.