• എല്ലാ പൗരസ്വാതന്ത്ര്യങ്ങളെയും കാറ്റിൽപ്പറത്തി, പ്രതിപക്ഷ
സ്വരങ്ങളെയെല്ലാം അടിച്ചമർത്തിയ അടയന്തരാവസ്ഥ കാലത്തിന്റെ കറുത്ത ഓർമ്മകൾക്ക് 50 ആണ്ട്.
• വരും ദിവസങ്ങളിൽ സംസ്ഥാനത്ത് മഴ കൂടുതൽ ശക്തിപ്പെടുമെന്ന് കേന്ദ്ര കാലാവസ്ഥ
നിരീക്ഷണ കേന്ദ്രത്തിന്റെ മുന്നറിയിപ്പ്. മഴ കണക്കിലെടുത്ത് വിവിധ
ജില്ലകളിൽ യെല്ലോ അലർട്ട് പ്രഖ്യാപിച്ചു.
• ഇന്ത്യൻ വൈമാനികൻ ശുഭാംശു ശുക്ലയും സംഘവും ബുധനാഴ്‌ച
ബഹിരാകാശത്തേക്ക്‌ യാത്രതിരിച്ചേക്കും. കാലാവസ്ഥയും സാങ്കേതിക
പ്രശ്‌നങ്ങളും ഉണ്ടായില്ലെങ്കിൽ പകൽ 12ന്‌ ദൗത്യപേടകം വിക്ഷേപിക്കും.
• നെല്ല്‌ സംഭരിച്ച വകയിൽ എസ്‌ബിഐ അക്കൗണ്ടുള്ള കർഷകർക്ക്‌ പണം
നൽകുന്നതിനുള്ള നടപടികൾ ആരംഭിച്ചു. ബാങ്ക്‌ കൺസോർഷ്യത്തിൽ എസ്‌ബിഐയും
പങ്കാളിയായതോടെയാണ്‌ നടപടി വേഗത്തിലായത്‌. ഇതുസംബന്ധിച്ച കരാറിൽ സപ്ലൈകോയും
എസ്‌ബിഐയും ഒപ്പുവച്ചു.
• കേരളത്തിലെ അണക്കെട്ടുകളുടെ സംഭരണികൾക്ക് ചുറ്റും നിയന്ത്രണ മേഖല
ഏർപ്പെടുത്തുന്നതിനായി പുതിയ ഉത്തരവ്‌ ഇറക്കുമെന്ന്‌ മന്ത്രി റോഷി
അഗസ്റ്റിൻ പറഞ്ഞു. കൂടുതൽ ഇളവുകൾ ഉൾപ്പെടുത്തിയാകും പുതിയ ഉത്തരവ്‌.
• അഹമ്മദാബാദ് വിമാനദുരന്തത്തിൽ മരിച്ചത് 275 പേരെന്ന് കേന്ദ്ര സർക്കാരിന്റെ
ഔദ്യോഗിക കണക്ക്. എയർ ഇന്ത്യയുടെ ബോയിങ് 787–8 ഡ്രീംലൈനർ എന്ന വിമാനമാണ്
തകർന്നത്. വിമാനത്തിൽ ഉണ്ടായിരുന്ന ഒരാൾ ഒഴികെ 241 പേർ മരിച്ചു.
• രാജ്യത്തെ വ്യോമയാന സംവിധാനത്തിൽ ഗുരുതര ചട്ടലംഘനങ്ങളും വീഴ്ചകളുമെന്ന്
ഡയറക്ടറേറ്റ് ജനറൽ ഓഫ് സിവിൽ ഏവിയേഷേന്‍ (ഡിജിസിഎ). അഹമ്മദാബാദ്
വിമാനദുരന്തത്തിനുപിന്നാലെ രാജ്യവ്യാപകമായി നടത്തിയ പരിശോധനയിലാണ്
കണ്ടെത്തൽ.
• പിശക് പറ്റിയ രണ്ടാം വർഷ ഹയർ സെക്കൻഡറി വിദ്യാർത്ഥികളുടെ
സർട്ടിഫിക്കറ്റുകൾക്ക് പകരം ഒറിജിനൽ സർട്ടിഫിക്കറ്റ് ഉടൻ വിതരണം ചെയ്യാൻ
പൊതു വിദ്യാഭ്യാസ മന്ത്രി വി ശിവൻകുട്ടി നിർദേശം നൽകി. രണ്ടാം വർഷ ഹയർ
സെക്കൻഡറി വിദ്യാർത്ഥികളുടെ സർട്ടിഫിക്കറ്റുകളിൽ പിശകുണ്ടായ സംഭവത്തിൽ
അന്വേഷണത്തിനും മന്ത്രി വി ശിവൻകുട്ടി നിർദേശം നൽകി.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.