• നാലുവർഷത്തിനിടെ 3357 കോടി രൂപയുടെ നിക്ഷേപം കിൻഫ്ര വഴി വ്യവസായ വകുപ്പ്‌ സംസ്ഥാനത്തെത്തിച്ചതായി വ്യവസായമന്ത്രി പി രാജീവ്. 28,749 പേർക്ക്‌ തൊഴിലും നൽകി .
• ഏറെനാളായി മുടങ്ങിക്കിടന്ന അങ്കമാലി-എരുമേലി ശബരി റെയിൽപ്പാത
യാഥാർഥ്യമാകാൻ വഴിയൊരുങ്ങി. മുഖ്യമന്ത്രി പിണറായി വിജയനും കേന്ദ്ര റെയിൽവേ
മന്ത്രി അശ്വിനി വൈഷ്‌ണവും ഡൽഹിയിൽ നടത്തിയ കൂടിക്കാഴ്‌ചയില്‍
പദ്ധതിയുമായി വേഗത്തിൽ മുന്നോട്ടുനീങ്ങാൻ ധാരണയായി.
• രാജ്യത്ത്‌ ഏറ്റവും ഉയര്‍ന്ന സാക്ഷരതാനിരക്കുള്ള വലിയ സംസ്ഥാനമായി
വീണ്ടും കേരളം. നാഷണൽ സാമ്പിൾ സർവേ ഓഫീസ് റിപ്പോർട്ട് പ്രകാരം
അഞ്ചുവയസ്സിന്‌ മുകളിലും ഏഴ്‌ വയസ്സിന്‌ മുകളിലും പ്രായമുള്ളവരിൽ
ഏറ്റവുമധികം സാക്ഷരരുള്ളത് കേരളത്തിൽ.
• ഓപ്പറേഷന്‍ സിന്ദൂറിന്റെ വിവരങ്ങള്‍ പാക് ചാരസംഘടനയായ ഐഎസ്ഐക്ക്
ചോര്‍ത്തി നൽകിയെന്ന കേസിൽ പഞ്ചാബിൽ ഒരാള്‍ അറസ്റ്റിൽ. തരൺ താരൺ സ്വദേശിയായ
ഗംഗദീപ് സിങ് ആണ് അറസ്റ്റിലായത്.
• ഇന്ത്യൻ ആർമി ഓഫീസർ കേണൽ സോഫിയ ഖുറേഷിക്കെതിരായ പരാമർശത്തിന്
മധ്യപ്രദേശ് സംസ്ഥാന മന്ത്രി വിജയ് ഷായ്‌ക്കെതിരായ നടപടികൾ അവസാനിപ്പിക്കാൻ
സുപ്രീം കോടതി ബുധനാഴ്ച ഉത്തരവിട്ടു.
• സിൽവർലൈൻ പദ്ധതിക്ക് ബദലായി മെട്രോമാൻ ഇ ശ്രീധരൻ മുന്നോട്ടുവെച്ച നിർദ്ദേശം
കേന്ദ്ര സർക്കാരിന്റെ സജീവ പരിഗണനയിലാണെന്ന് കേന്ദ്ര റെയിൽവേ മന്ത്രി
അശ്വിനി വൈഷ്ണവ് മുഖ്യമന്ത്രി പിണറായി വിജയനെ അറിയിച്ചു.
• കേരള സഹകരണ റിസ്ക് ഫണ്ട് വഴി സംസ്ഥാനത്ത് ആയിരം കോടി രൂപയോളം വിതരണം
ചെയ്തതായി വ്യവസായ മന്ത്രി പി രാജീവ്. കേരള സഹകരണ വികസന ക്ഷേമനിധി
ബോർഡിന്റെ ഫയൽ തീർപ്പാക്കൽ അദാലത്തും റിസ്ക് ഫണ്ട് ധനസഹായ വിതരണവും
ഉദ്ഘാടനം ചെയ്യുകയായിരുന്നു അദ്ദേഹം.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.