പഹൽഗാം ഭീകരാക്രമണം: അന്വേഷണം കനക്കുന്നു; NIA കൂടുതൽ മൊഴികൾ ശേഖരിക്കും..#pehelgam_terrorist_attack

 

 പഹൽഗാം ആക്രമണത്തിലെ ഭീകരർക്കായുള്ള തിരച്ചിൽ തുടരുന്നു. കൂടുതൽ ദൃക്‌സാക്ഷികളുടെ മൊഴി എൻഐഎ രേഖപ്പെടുത്തും. വ്യോമസേനാ മേധാവി എയർ ചീഫ് മാർഷൽ എ.പി. സിംഗ് പ്രധാനമന്ത്രി നരേന്ദ്ര മോദിയെ കണ്ടു. ഭീകരാക്രമണത്തിന് ഉചിതമായ മറുപടി നൽകുമെന്ന് പ്രതിരോധ മന്ത്രി രാജ്‌നാഥ് സിംഗ് ആവർത്തിച്ചു.

പ്രതിരോധ മന്ത്രി എന്ന നിലയിൽ ഇത് തന്റെ ഉത്തരവാദിത്തമാണെന്നും സൈനികർക്ക് പൂർണ്ണ പിന്തുണ നൽകുമെന്നും മന്ത്രി പറഞ്ഞു. ഇന്ത്യയിലെത്തിയ ജാപ്പനീസ് പ്രതിരോധ മന്ത്രിയുമായി രാജ്‌നാഥ് സിംഗ് ഇന്ന് കൂടിക്കാഴ്ച നടത്തും. ഭീകരാക്രമണവും തുടർന്നുള്ള പശ്ചാത്തലവും യോഗത്തിൽ ചർച്ച ചെയ്യും. പാകിസ്ഥാനെതിരെ ഇന്ത്യ കൂടുതൽ നടപടി സ്വീകരിച്ചേക്കാം. തുടരുന്ന സംഘർഷങ്ങൾക്കിടയിൽ, ഇന്ന് പാകിസ്ഥാനിൽ പാർലമെന്റ് സമ്മേളനം നടക്കും. വൈകുന്നേരം 5 മണിക്ക് സമ്മേളനം നടക്കും.