തലശ്ശേരിയിൽ യുവതി കൂട്ടബലാത്സം​ഗത്തിന് ഇരയായി; മൂന്ന് പേർ അറസ്റ്റിൽ,..#crime

 

 കണ്ണൂർ: തലശ്ശേരിയിൽ യുവതിയെ കൂട്ടബലാത്സംഗം ചെയ്ത കേസിൽ മൂന്ന് പേർ അറസ്റ്റിലായി. മുഴപ്പിലങ്ങാട് സ്വദേശി പ്രജിത്ത്, ബിഹാർ ദുർഗാപൂർ സ്വദേശി ആസിഫ്, പ്രാണപൂർ സ്വദേശി സഹാബുൽ എന്നിവരാണ് അറസ്റ്റിലായത്.

ഏപ്രിൽ 26 നാണ് സംഭവം. കണ്ണൂർ സ്വദേശിനിയായ യുവതിയെ തലശ്ശേരിയിലെ റെയിൽവേ സ്റ്റേഷന് സമീപമുള്ള കുറ്റിക്കാട്ടിൽ മൂന്ന് പ്രതികളും ചേർന്ന് കൂട്ടബലാത്സംഗം ചെയ്തെന്നാണ് പരാതി. ബലാത്സംഗത്തിന് ശേഷം യുവതി നടന്ന് റെയിൽവേ ട്രാക്കിൽ ഇരുന്നു. പിന്നീട് സമീപത്തുള്ളവർ അവരെ കോഴിക്കോട് മെഡിക്കൽ കോളേജിലേക്ക് കൊണ്ടുപോയി.

യുവതിയുടെ ആരോഗ്യനില മെച്ചപ്പെട്ടതിനെ തുടർന്ന് പോലീസ് അവരുടെ മൊഴി രേഖപ്പെടുത്തി. അതിനുശേഷം പ്രതിയുടെ അറസ്റ്റ് നടന്നു. കേസിൽ ഇനിയും രണ്ട് പേരെ കൂടി അറസ്റ്റ് ചെയ്യാനുണ്ടെന്ന് പോലീസ് കരുതുന്നു, പക്ഷേ കൂടുതൽ വിവരങ്ങൾ സ്ഥിരീകരിക്കാൻ അവർക്ക് കഴിഞ്ഞിട്ടില്ല.