ബാറിലെ തർക്കം: ചന്തയിൽവെച്ച് യുവാവിനെ കുത്തിക്കൊന്നു....#crime

 

 നെടുമങ്ങാട്: നെടുമങ്ങാട്ടെ ഒരു പ്രമുഖ ബാറിൽ യുവാക്കൾ തമ്മിലുള്ള തർക്കത്തെ തുടർന്ന് മാർക്കറ്റിനുള്ളിൽ ഒരു മത്സ്യവ്യാപാരി കുത്തേറ്റു മരിച്ചു. നെടുമങ്ങാട് അഴീക്കോട് വട്ടക്കുളം ഷാൻ മൻസിലിൽ ഷാഹിർ (30) കൊല്ലപ്പെട്ടു. അഴീക്കോട് സ്വദേശിയായ നിസാറാണ് ഷാഹിറിനെ കൊലപ്പെടുത്തിയത്. ഷാഹിറിന്റെ ശരീരത്തിൽ ഒമ്പത് ആഴത്തിലുള്ള കുത്തേറ്റ മുറിവുകളുണ്ടെന്ന് പോലീസ് പറയുന്നു. നിസാർ സംഭവസ്ഥലത്തുനിന്ന് ഓടി രക്ഷപ്പെട്ടു. നെടുമങ്ങാട് പോലീസ് ഇയാൾക്കായി അന്വേഷണം ഊർജിതമാക്കി.

ഞായറാഴ്ച രാത്രി എട്ട് മണിയോടെയാണ് സംഭവം. ഉച്ചകഴിഞ്ഞ് ഇരുവരും നെടുമങ്ങാട് ബാറിൽ പോയി മദ്യപിച്ചിരുന്നു. അവിടെ വെച്ചുണ്ടായ തർക്കമാണ് കൊലപാതകത്തിൽ കലാശിച്ചത്. മാർക്കറ്റിലെ മാംസക്കച്ചവടക്കാരനാണ് നിസാർ. മരിച്ച ഷാഹിർ അതേ മാർക്കറ്റിലെ മത്സ്യവ്യാപാരിയാണ്. മദ്യപിച്ച ശേഷം മുമ്പ് ഇരുവരും പലതവണ ഏറ്റുമുട്ടിയിട്ടുണ്ടെന്ന് വിൽപ്പനക്കാർ പറയുന്നു.