സംസ്ഥാനത്തെ എസ്എസ്എൽസി പരീക്ഷാഫലം പ്രഖ്യാപിച്ചു; വിജയശതമാനം 99.5, കൂടുതൽ A+ നേടിയ ജില്ല മലപ്പുറം..#sslcresult2025

 

 സംസ്ഥാനത്തെ എസ്എസ്എൽസി പരീക്ഷാഫലം പ്രഖ്യാപിച്ചു. ഇത്തവണ വിജയശതമാനം 99.5 ശതമാനമാണ്. എല്ലാ വിഷയങ്ങളിലും 61,449 വിദ്യാർത്ഥികൾക്ക് എ പ്ലസ് ലഭിച്ചു. ഏറ്റവും കൂടുതൽ വിജയശതമാനം കണ്ണൂർ ജില്ലയിലാണ്. ഏറ്റവും കുറവ് തിരുവനന്തപുരം ജില്ലയാണ്. ഏറ്റവും കൂടുതൽ എ പ്ലസ് നേടിയ ജില്ല മലപ്പുറമാണ്. 4115 വിദ്യാർത്ഥികൾക്ക് എല്ലാ വിഷയങ്ങളിലും എ പ്ലസ് ലഭിച്ചു. കഴിഞ്ഞ വർഷം 4934 വിദ്യാർത്ഥികൾക്ക് എല്ലാ വിഷയങ്ങളിലും എ പ്ലസ് ലഭിച്ചു എന്ന് വിദ്യാഭ്യാസ മന്ത്രി വി ശിവൻകുട്ടി പറഞ്ഞു.

72 കാബുകളിലായാണ് മൂല്യനിർണ്ണയം നടത്തിയത്. 9851 അധ്യാപകർ മൂല്യനിർണ്ണയത്തിൽ പങ്കെടുത്തു. ഫലം വൈകുന്നേരം 4 മണി മുതൽ വെബ്‌സൈറ്റുകളിൽ പ്രസിദ്ധീകരിക്കും. ഡിജി ലോക്കറിലും ഫലം പ്രസിദ്ധീകരിക്കും. പുനർമൂല്യനിർണ്ണയത്തിനുള്ള അപേക്ഷകൾ മെയ് 12 മുതൽ 17 വരെ സമർപ്പിക്കാം. എസ്എസ്ഇ പരീക്ഷ മെയ് 28 മുതൽ ജൂൺ 5 വരെയാണ്. 100 ശതമാനം വിജയം നേടിയ സ്കൂളുകൾ സർക്കാർ സ്കൂളുകളിൽ 856 ഉം എയ്ഡഡ് സ്കൂളുകളിൽ 1034 ഉം അൺഎയ്ഡഡ് സ്കൂളുകളിൽ 441 ഉം ആണ്. പരീക്ഷയിൽ വിജയികളോ പരാജിതരോ ഇല്ല. ജീവിതത്തെ ആത്മവിശ്വാസത്തോടെ നേരിടാൻ മന്ത്രി വിദ്യാർത്ഥികളോട് ആവശ്യപ്പെട്ടു. എല്ലാ കുട്ടികൾക്കും മന്ത്രി ആശംസകൾ നേർന്നു.