• സംസ്ഥാനത്ത് അതിതീവ്ര മഴ തുടരുന്ന സാഹചര്യത്തിൽ നാളെ പതിനൊന്ന് ജില്ലകളിൽ
റെഡ് അലർട്ട് പ്രഖ്യാപിച്ചു. തിരുവനന്തപുരം കൊല്ലം ആലപ്പുഴ ഒഴികെയുള്ള 11
ജില്ലകളിലാണ് അതിതീവ്ര മഴ മുന്നറിയിപ്പ്.
• തുടർച്ചയായി പെയ്യുന്ന കനത്ത മഴയിൽ സംസ്ഥാനത്ത് കനത്ത നാഷനഷ്ട്ടം.
സംസ്ഥാനത്ത് മഴക്കെടുതിയിൽ ഏഴു മരണമാണ് ഇന്നലെ ഉണ്ടായത്. കോഴിക്കോട്
സഹോദരങ്ങള്‍ ഷോക്കേറ്റ് മരിച്ചു.
• നിലമ്പൂർ ഉപതെരഞ്ഞെടുപ്പ് തീയതി പ്രഖ്യാപിച്ചു. ജൂൺ 19ന് വോട്ടെടുപ്പ്
നടക്കും. ജൂൺ 23നായിരിക്കും വോട്ടെണ്ണൽ. ഉപതെരഞ്ഞെടുപ്പ് വിജ്ഞാപനം ഇന്ന് ഉണ്ടാകും. ജൂൺ രണ്ട് വരെ നാമനിർദേശ പത്രിക സമർപ്പിക്കാം.
• ഫോർട്ട് കൊച്ചി സാന്ത ക്രൂസ്
ഗ്രൗണ്ടിൽ ശക്തമായ കാറ്റിൽ വൻ മരം കട പുഴകി വീണു. ഞായർ വെളുപ്പിന് 1:45
ഓടെയാണ് മഴ മരം വീണത്. ആളാപയം ഇല്ല. ഫോർട്ട് കൊച്ചിയിലെ പൈതൃക മരങ്ങളിൽ ഒന്നാണ് കട പുഴകി വീണത്.
• സംസ്ഥാനത്ത് സാമൂഹ്യ ക്ഷേമ പെൻഷൻ വിതരണം ആരംഭിച്ചു. രണ്ട് ഗഡു പെൻഷനാണ്‌
ഇപ്പോൾ വിതരണം ചെയ്യുന്നത്‌. 1650 കോടി രൂപയാണ്‌ സർക്കാർ ഇതിനായി
അനുവദിച്ചത്‌. മെയ് മാസത്തെ പെൻഷനൊപ്പം ഒരു ഗഡു കുടിശിക കൂടിയാണ്‌ വിതരണം
ചെയ്യുന്നത്‌.
• ഷെങ്കൻ വിസ നിരസിക്കപ്പെട്ടതിലൂടെ 2024ൽ ഇന്ത്യക്കാർക്ക് നഷ്ടമായത് 136
കോടി രൂപ. 2024ൽ മാത്രം 1.65 ലക്ഷം ഇന്ത്യക്കാരുടെ അപേക്ഷകൾ
നിരസിക്കപ്പെട്ടതായി കോണ്ടെ നാസ്റ്റ് ട്രാവലർ റിപ്പോർട്ട് ചെയ്തു. യൂറോപ്യൻ
കമ്മിഷന്റെ കണക്ക് അനുസരിച്ച് നിരസിക്കപ്പെട്ടത് 15 ശതമാനം അപേക്ഷകൾ ആണ്.
• വിദേശ ഇന്ത്യക്കാരുടെ പൗരത്വ (ഒസിഐ) രജിസ്ട്രേഷനുകള്‍ റദ്ദാക്കുന്നത്
കഴിഞ്ഞ വര്‍ഷം കുതിച്ചുയര്‍ന്നതായി റിപ്പോര്‍ട്ട്. 2024ല്‍ കേന്ദ്ര
ആഭ്യന്തരമന്ത്രാലയം 57 ഒസിഐ കാര്‍ഡുകളാണ് റദ്ദാക്കിയത്. ഇത് കഴിഞ്ഞ 10
വര്‍ഷത്തിനിടെ നടന്ന റദ്ദാക്കലുകളുടെ പകുതിയോളം വരുമെന്ന്
വിവരാവകാശനിയമപ്രകാരം ദ ഹിന്ദുവിന് ലഭിച്ച ഡാറ്റ വ്യക്തമാക്കുന്നു.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.