പാകിസ്ഥാൻ കസ്റ്റഡിയിലെടുത്ത ബിഎസ്എഫ് ജവാന് 22 ദിവസങ്ങള്‍ക്ക്ശേഷം മോജനം..#latestnews

 

ഡൽഹി: അതിർത്തി കടന്നുവെന്നാരോപിച്ച് ഏപ്രിൽ 23 ന് പഞ്ചാബിൽ നിന്ന് പാകിസ്ഥാൻ കസ്റ്റഡിയിലെടുത്ത ബിഎസ്എഫ് ജവാനെ വിട്ടയച്ചു.

പൂർണം കുമാർ ഷായെ വിട്ടയച്ചു. അദ്ദേഹത്തെ ഇന്ത്യയ്ക്ക് കൈമാറി. അതിർത്തിയിൽ ജോലി ചെയ്യുന്നതിനിടെ തണൽ തേടി ഒരു മരത്തിനടിയിൽ ഇരിക്കുമ്പോൾ പാകിസ്ഥാൻ അദ്ദേഹത്തെ കസ്റ്റഡിയിലെടുത്തതായി റിപ്പോർട്ടുണ്ട്.

ഇന്ത്യ-പാക് ഡിജിഎംഒമാർ തമ്മിലുള്ള ചർച്ചയ്ക്കിടെയാണ് ഈ വിഷയം ഉയർന്നുവന്നത്.

പ്രോട്ടോക്കോൾ പാലിച്ച് ഇന്ന് രാവിലെ 10:30 ന് ജവാനെ കൈമാറിയതായി റിപ്പോർട്ടുണ്ട്. വാഗ-അട്ടാരി അതിർത്തിയിലൂടെയാണ് അദ്ദേഹത്തെ കൈമാറിയതെന്ന് റിപ്പോർട്ടുണ്ട്. നേരത്തെ, വിങ് കമാൻഡർ അഭിനന്ദൻ വർത്തമാൻ പിടിക്കപ്പെട്ടപ്പോൾ, പാകിസ്ഥാൻ അദ്ദേഹത്തെ അതേ വാഗ-അട്ടാരി അതിർത്തിയിലൂടെ കൈമാറി. പഹൽഗാം ഭീകരാക്രമണത്തിന് ശേഷം ഇന്ത്യ പാകിസ്ഥാനെതിരെ കർശന നടപടി സ്വീകരിച്ച സമയത്ത് അതിർത്തിയിൽ നിന്ന് പികെ ഷാ എന്ന പൂർണ്ണം കുമാർ ഷായെ പാകിസ്ഥാൻ സൈനികർ പിടികൂടി.