തിരുവനന്തപുരത്ത് കോളറ ബാധിച്ച് മരണം.#keralanews

 

തിരുവനന്തപുരം: തിരുവനന്തപുരത്ത് കോളറ ബാധിച്ച് മരണം. കവടിയാർ സ്വദേശിയായ കൃഷി വകുപ്പിലെ മുൻ ഉദ്യോഗസ്ഥൻ മരിച്ചു. പോസ്റ്റ്‌മോർട്ടം രക്തപരിശോധനയിൽ കോളറ സ്ഥിരീകരിച്ചു.

ഈ മാസം 20 ന് തിരുവനന്തപുരത്തെ സ്വകാര്യ ആശുപത്രിയിൽ വെച്ചാണ് മരണം സംഭവിച്ചത്. ബന്ധുക്കളിലോ പ്രദേശത്തോ മറ്റ് കേസുകളൊന്നും റിപ്പോർട്ട് ചെയ്തിട്ടില്ലെന്നും ആശങ്കപ്പെടേണ്ടതില്ലെന്നും ആരോഗ്യ വകുപ്പ് അറിയിച്ചു. പനിയെ തുടർന്ന് ഈ മാസം 17 ന് അദ്ദേഹത്തെ സ്വകാര്യ ആശുപത്രിയിൽ പ്രവേശിപ്പിച്ചു.