തെന്നിന്ത്യൻ നടി പുഷ്പലത(87) അന്തരിച്ചു. ചെന്നൈ ടി നഗറിലെ വസതിയില്‍ വച്ചായിരുന്നു അന്ത്യം. അസുഖത്തെ തുടർന്ന് ചികിത്സയിലായിരുന്നു. തമിഴ്, തെലുങ്ക്, മലയാളം, കന്നഡ സിനിമകളിൽ അഭിനയിച്ചിട്ടുണ്ട്. നടനും നിർമാതാവുമായ എവിഎം രാജനാണ് പുഷ്പലതയുടെ ജീവിതപങ്കാളി. 1999-ൽ ശ്രീഭാരതി സംവിധാനം ചെയ്ത പൂ വാസം ആണ് പുഷ്പലത അവസാനം അഭിനയിച്ച സിനിമ. അഭിനയം നിർത്തിയതിനുശേഷം ഏറെ നാൾ ആത്മീയ പ്രവർത്തനം നടത്തിയിരുന്നു. 1969ൽ തിക്കുറിശ്ശി സംവിധാനം ചെയ്ത നേഴ്സിലൂടെ മലയാളത്തിൽ അരങ്ങേറ്റം കുറിച്ച പുഷ്പലത വിവിധ ഭാഷകളിലായി 100ഓളം സിനിമകളിൽ അഭിനയിച്ചിട്ടുണ്ട്. 1955 മുതൽ 1987 വരെ അഭിനയത്തിൽ സജീവമായിരുന്നു. ശാരദ, പാർ മകളേ പാർ, കർപ്പൂരം, നാനും ഒരു പെൺ എന്നിവ പുഷ്പലതയുടെ ഏറെ ശ്രദ്ധനേടിയ ചിത്രങ്ങളാണ്.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.