സംസ്ഥാനത്തുടനീളമുള്ള പെട്രോൾ പമ്പുകൾ തിങ്കളാഴ്ച (13-01-2024) രാവിലെ 6 മുതൽ ഉച്ചയ്ക്ക് 12 വരെ അടച്ചിടും. പെട്രോളിയം ഡീലേഴ്സ് അസോസിയേഷൻ്റെതാണ് തീരുമാനം. നേതാക്കളെ പെട്രോളിയം വ്യാപാരികൾ മർദിച്ചുവെന്നാരോപിച്ചാണ് പ്രതിഷേധം. കോഴിക്കോട് എച്ച്പിസിഎൽ ഓഫീസിൽ ചർച്ചയ്ക്കെത്തിയ പെട്രോളിയം ഡീലേഴ്സ് അസോസിയേഷൻ നേതാക്കളെ ടാങ്കർ ലോറി ഡ്രൈവേഴ്സ് യൂണിയൻ നേതാക്കൾ മർദിച്ചതായി പരാതി.
പമ്പുകളിൽ ഇന്ധനവുമായി എത്തുന്ന ലോറി ഡ്രൈവർമാർക്ക് ചായ പായസമെന്ന പേരിൽ 300 രൂപ വരെ നൽകുന്നുണ്ട്. ഈ തുക വർധിപ്പിക്കണമെന്ന് ഡ്രൈവർമാർ ആവശ്യപ്പെട്ടു. ആവശ്യം ഡീലർമാർ അംഗീകരിച്ചില്ല. ഇക്കാര്യം ചർച്ച ചെയ്യാൻ കോഴിക്കോട് എലത്തൂരിൽ ചർച്ച നടന്നു. ഈ യോഗത്തിൽ ഡീലർമാരെ ഡ്രൈവർമാർ മർദ്ദിച്ചതായി പരാതി.
എന്നാൽ, കയ്യേറ്റമെന്ന ആരോപണം അടിസ്ഥാനരഹിതമാണെന്ന് ഡ്രൈവർമാർ പറയുന്നു. 'ചായ പൈസ' ഏകീകരിക്കണമെന്നും ആവശ്യപ്പെട്ടതായും ഇവർ പറയുന്നു.