• മൈസൂരു അർബൻ ഡെവലപ്‌മെൻ്റ് അതോറിറ്റി (മുഡ) കുംഭകോണ കേസിൽ കർണാടക മുഖ്യമന്ത്രി സിദ്ധരാമയ്യക്ക് ലോകായുക്ത നോട്ടീസയച്ചു.
• കല്‍പ്പാത്തി രഥോത്സവവുമായി ബന്ധപ്പെട്ട് പാലക്കാട് ഉപതെരഞ്ഞെടുപ്പ്
തീയതി മാറ്റി. ഈ മാസം 20ലേക്കാണ് മാറ്റിയത്.നവംബര്‍ 13ന് നിശ്ചയിച്ചിരുന്ന
തെരഞ്ഞെടുപ്പ് മാറ്റിവയ്ക്കണമെന്ന് ആവശ്യം ഉയര്‍ന്നിരുന്നു.
• ഓൺലൈൻ തട്ടിപ്പുകൾ തടയാൻ പ്രത്യേക സംവിധാനം; സൈബർ വാൾ ആപ്പ് തയ്യാറാക്കാനൊരുങ്ങി കേരള പൊലീസ്.
• സംസ്ഥാനത്തിന്റെ വിവിധ ഭാഗങ്ങളിൽ ഉള്ള വിദൂരമേഖലയിലെ 34
ആദിവാസി ഉന്നതികളിൽകൂടി വെള്ളിവെളിച്ചമെത്തിച്ച്‌ കെഎസ്‌ഇബി. ബോർഡിന്റെ
തനത്‌ ഫണ്ടിൽനിന്ന്‌ 22 കോടി രൂപ ചെലവഴിച്ചാണ്‌ 610 വീടുകളിൽ
വൈദ്യുതിയെത്തിച്ചത്‌.
• ഒക്‌ടോബറില്‍
വിദേശനിക്ഷേപകർ ഇന്ത്യൻ ഓഹരി വിപണിയിൽനിന്ന്‌ പിൻവലിച്ചത്‌ 1120 കോടി ഡോളർ
(94,017 കോടി രൂപ). ഒറ്റ മാസത്തിലെ പിൻവലിക്കലിൽ സർവകാല റെക്കോഡാണിത്‌.
• ബിജെപി സംസ്ഥാന
പ്രസിഡന്റ്‌ കെ സുരേന്ദ്രന്റെ നേതൃത്വത്തിൽ നടന്ന കൊടകര കുഴൽപ്പണ കേസിൽ
തുടരന്വേഷണത്തിന്‌ അനുമതി തേടി പൊലീസ് കോടതിയെ സമീപിക്കും. ബിജെപി തൃശൂർ
ഓഫീസ്‌ മുൻ സെക്രട്ടറി തിരൂർ സതീശിന്റെ വെളിപ്പെടുത്തലിന്റെ
പശ്ചാത്തലത്തിലാണ്‌ തീരുമാനം.
• ഒളിമ്പിക്‌സ്‌
മാതൃകയിലുള്ള ആദ്യ സംസ്ഥാന സ്‌കൂൾ കായികമേളയ്‌ക്ക്‌ തുടക്കമായി. ഭിന്നശേഷി
വിഭാഗത്തിൽപ്പെടുന്ന കുട്ടികൾ കൊണ്ടുവന്ന ദീപശിഖ ഒളിമ്പ്യൻ പി ആർ
ശ്രീജേഷിന്‌ കൈമാറി.
• കാനഡയിൽ ക്ഷേത്രം ആക്രമിച്ച സംഭവത്തിൽ രൂക്ഷമായി പ്രതികരിച്ച്
പ്രധാനമന്ത്രി നരേന്ദ്ര മോദി. ഇത്തരം ആക്രമണങ്ങൾ ഇന്ത്യയുടെ ദൃഡനിശ്ചയത്തെ
ദുർബലപ്പെടുത്തില്ല എന്നും പ്രധാനമന്ത്രി.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.