പന്തീരാങ്കാവ് ഗാര്ഹിക പീഡനക്കേസിലെ പ്രതി രാഹുല് പി. ഗോപാലും പരാതിക്കാരിയായ ഭാര്യയും ഹൈക്കോടതിയില് ഹാജരായി. കേസ് റദ്ദാക്കണമെന്ന് ആവശ്യപ്പെട്ട് രാഹുല് നല്കിയ ഹര്ജി ഹൈക്കോടതി പരിഗണിച്ചു. തുടര്ന്ന് ദമ്പതിമാരെ കൗണ്സിലിങ്ങിന് വിധേയമാക്കാന് കോടതി ഉത്തരവിട്ടു. ഇതിനായി കെല്സയെയും ചുമതലപ്പെടുത്തി.
ആരുടെയും നിര്ബന്ധപ്രകാരമല്ല പരാതി പിന്വലിക്കുന്നതെന്ന് യുവതി കോടതിയെ അറിയിച്ചിരുന്നു. തുടര്ന്നാണ് രണ്ടുപേരോടും കൗണ്സിലിങ്ങിന് വിധേയമാകാന് കോടതി ആവശ്യപ്പെട്ടത്. അടുത്ത ആഴ്ച സീല്ഡ് കവറില് കൗണ്സിലിങ് റിപ്പോര്ട്ട് സമര്പ്പിക്കാന് കോടതി നിര്ദേശിച്ചു. കൗണ്സിലിങ്ങിന് ശേഷമുള്ള റിപ്പോര്ട്ട് പരിഗണിച്ച് തീരുമാനമെടുക്കാമെന്നും കേസ് റദ്ദാക്കുന്ന കാര്യവും അതിനുശേഷം തീരുമാനിക്കാമെന്നും കോടതി വ്യക്തമാക്കി.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.