കേരളത്തിലെ ആദ്യ ഡബിൾ ഡക്കർ പാലക്കാട് ഒലവക്കോട് സ്റ്റേഷനിലെത്തി. കോയമ്പത്തൂർ - കെ.എസ്.ആർ. ബെംഗളൂരു ഉദയ് എക്സ്പ്രസ് പാലക്കാട് വരെ നീട്ടുന്നതിൻ്റെ ഭാഗമായാണ് ട്രയൽ റൺ. റെയിൽവേയുടെ ഉദയ് എക്സ്പ്രസ് സീരീസിലെ ആദ്യ ഡബിൾ ഡെക്കർ എ.സി. ഇതൊരു ചെയർ കാർ ട്രെയിനാണ്.
കോയമ്പത്തൂരിൽ നിന്ന് പൊള്ളാച്ചി വഴിയായിരിക്കും യാത്ര. നവീകരിച്ച് വൈദ്യുതീകരിച്ച പൊള്ളാച്ചിപാതയിൽ ആവശ്യത്തിന് വണ്ടികളില്ലെന്ന പരാതി പരിഹരിക്കാനും ഇതിലൂടെ ലക്ഷ്യമിടുന്നു.
ഉദയ് എക്സ്പ്രസ് ബുധനാഴ്ചകളിൽ സർവീസ് നടത്താത്തതിനാലാണ് ഈ ദിവസം പരീക്ഷണ ഓട്ടത്തിനായി തിരഞ്ഞെടുത്തത്. ദക്ഷിണ റെയിൽവേയുടെ സേലം, പാലക്കാട് ഡിവിഷനുകൾ സംയുക്തമായാണ് ട്രയൽ റൺ നടത്തുന്നത്.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.