ഉമ്മൻചാണ്ടിയെ വിശുദ്ധനായി പ്രഖ്യാപിക്കണമെന്ന് പ്രതിപക്ഷ നേതാവ് വി.ഡി.സതീശൻ. തന്നോട് പലരും ഇത്തരമൊരു ആവശ്യം ഉന്നയിച്ചിട്ടുണ്ടെന്നും അതിന്റെ നടപടിക്രമങ്ങൾ തനിക്കറിയില്ലെന്നും വി ഡി സതീശൻ പറഞ്ഞു. വിവിധ ക്രൈസ്തവ സഭാ മേലധ്യക്ഷന്മാരോടായിരുന്നു സതീശന്റെ അപേക്ഷ. കൊച്ചിയിൽ നടന്ന ഉമ്മൻചാണ്ടി അനുസ്മരണ യോഗത്തിലാണ് വി ഡി സതീശൻ ഇക്കാര്യം പറഞ്ഞത്.
അതേസമയം, ഉമ്മൻചാണ്ടി മറ്റൊരു സഭയുടെ വിശ്വാസിയായതിനാൽ കത്തോലിക്കാ സഭയ്ക്ക് അതിന് കഴിയില്ലെന്ന് കർദ്ദിനാൾ ആലഞ്ചേരി പറഞ്ഞു. കേരളത്തിൽ നിന്നുള്ള വിശ്വാസികളിൽ ഒരാളെ വിശുദ്ധനായി പ്രഖ്യാപിച്ച ചരിത്രം ഓർത്തഡോക്‌സ് സഭയ്‌ക്കില്ലെന്നും എന്നാൽ ദൈവം അങ്ങനെ തീരുമാനിച്ചെങ്കിൽ അത് നടക്കട്ടെയെന്നും ഓർത്തഡോക്‌സ് സഭാ ബിഷപ്പ് പറഞ്ഞു.
