അജിത്കുമാറിന്റെ തുനിവിന്റെയും വിജയ് ചിത്രം വാരിസിന്റെയും വ്യാജ കോപ്പി ഇന്റർനെറ്റിൽ. ഈ വർഷം ഏറ്റവും കൂടുതൽ കാത്തിരിക്കുന്ന രണ്ട് ചിത്രങ്ങളിൽ ഒന്നാണിത്. ചിത്രം തിയേറ്ററിൽ റിലീസ് ചെയ്ത് മിനിറ്റുകൾക്കകം ചിത്രത്തിന്റെ വ്യാജ ടെലിഗ്രാമും ടോറന്റ് സൈറ്റുകളായ തമിഴ് റോക്കേഴ്‌സും എച്ച്‌ഡി പ്രിന്റ് അടിച്ചു.
ഇരുവരുടെയും ചിത്രം കാണാൻ തമിഴ് സിനിമാ ലോകം ആകാംക്ഷയിലാണ്. ഇളയ ദളപതിയുടെയും തലയുടെയും ചിത്രം ഇപ്പോൾ ബോക്‌സ് ഓഫീസിൽ നേർക്കുനേർ മത്സരിക്കുകയാണ്. രണ്ട് ചിത്രങ്ങൾക്കും കേരളത്തിൽ മികച്ച സ്വീകാര്യതയാണ് ലഭിക്കുന്നത്.
വിജയുടെ 66-ാമത്തെ ചിത്രമാണ് 'വാരിസ്'. കേരളത്തിൽ നാനൂറിലധികം തിയേറ്ററുകളിലാണ് വാരിസ് പ്രദർശിപ്പിച്ചത്. ഇന്ന് പുലർച്ചെ നാല് മണിക്കായിരുന്നു ആദ്യ ഷോ. വിജയ് ചിത്രം വാരിസ് ആരാധകർ ഏറ്റെടുത്തിരിക്കുകയാണ്.
വംശി പൈഡിപ്പള്ളി സംവിധാനം ചെയ്യുന്ന വാരിസിൽ വിജയുടെ നായികയായി രശ്മിക മന്ദാനയാണ് എത്തുന്നത്.
ശ്രീ വെങ്കിടേശ്വര ക്രിയേഷൻസിന്റെ ബാനറിൽ ദിൽ രാജുവും സിരീഷും ചേർന്നാണ് ചിത്രം നിർമ്മിക്കുന്നത്.
തല ചിത്രം തുനിയും തിയേറ്ററുകളിൽ നിന്ന് മികച്ച പ്രതികരണം നേടി മുന്നേറുകയാണ്. അജിത്തിന് തുല്യമായ വേഷത്തിൽ മഞ്ജു വാര്യർ അഭിനയിക്കുന്നു എന്നതാണ് തുനിവിനെ മലയാളികൾക്ക് പ്രിയങ്കരമാക്കുന്നത്. മാത്രമല്ല, ആക്ഷൻ രംഗങ്ങളിലെ മഞ്ജുവിന്റെ പ്രകടനം അസാധാരണമാണെന്നാണ് പ്രേക്ഷകർ പറയുന്നത്. നേര്കൊണ്ട പാർവൈ, വാലിമൈ എന്നീ ചിത്രങ്ങൾക്ക് ശേഷം വിനോദും അജിത്തും വീണ്ടും ഒന്നിക്കുന്ന ചിത്രമാണ് തുനിവ്.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.