പെൻഷൻ പ്രായം ഉയർത്താനുള്ള തീരുമാനം മന്ത്രിസഭാ യോഗം മരവിപ്പിച്ചു. കഴിഞ്ഞ ദിവസമാണ് പൊതുമേഖലാ സ്ഥാപനങ്ങളിലെ പെൻഷൻ പ്രായം 60 ആക്കി ധനവകുപ്പ് ഉത്തരവിറക്കിയത്. തീരുമാനം പിൻവലിക്കണമെന്ന് ഡി.വൈ.എഫ്.ഐ, എഐവൈഎഫ് ഉൾപ്പെടെയുള്ള യുവജന സംഘടനകൾ സർക്കാരിനോട് അഭ്യർഥിച്ചു.
പൊതുമേഖലാ സ്ഥാപനങ്ങളിലെ സേവന വേതന വ്യവസ്ഥകൾ ഏകീകരിക്കുന്നതിന്റെ ഭാഗമായാണ് ഉത്തരവ്. ഈ ഉത്തരവ് ഡി.വൈ.എഫ്.ഐയുടെ ശ്രദ്ധയിൽപ്പെട്ടപ്പോൾ തന്നെ ഇതിനെ ശക്തമായി എതിർക്കുകയും പിൻവലിക്കണമെന്ന് സർക്കാരിനോട് ആവശ്യപ്പെടുകയും ചെയ്തു.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.