തിരുവനന്തപുരം : 2022 വർഷത്തെ വയലാർ അവാർഡ് എസ്. ഹരീഷിന്റെ 'മീശ' നോവലിന്. ഒരു ലക്ഷം രൂപയും കാനായി കുഞ്ഞിരാമൻ രൂപകല്പന ചെയ്ത ശില്പവും അടങ്ങുന്നതാണ് അവാർഡെന്ന് വയലാർ സ്മാരക ട്രസ്റ്റ് പ്രസിഡന്റ് പെരുമ്പടവം ശ്രീധരൻ അറിയിച്ചു. 46-ാമത് വയലാർ അവാർഡ് പ്രഖ്യാപിച്ചു.
സാറാ ജോസഫ്, വി ജെ ജെയിംസ്, വി രാമൻകുട്ടി എന്നിവരടങ്ങിയ ജഡ്ജിങ് കമ്മിറ്റിയാണ് അവാർഡ് ജേതാവിനെ തിരഞ്ഞെടുത്തത്. വയലാർ രാമവർമയുടെ ചരമവാർഷിക ദിനമായ ഒക്ടോബർ 27-ന് തിരുവനന്തപുരം നിശാഗന്ധി ഓഡിറ്റോറിയത്തിലാണ് പുരസ്‌കാരം.
ഹരീഷിന്റെ ആദ്യ നോവലാണ് മീശ. അരനൂറ്റാണ്ട് മുമ്പുള്ള കേരളത്തിന്റെ ജാതിജീവിതം ദലിത് പശ്ചാത്തലത്തിൽ അവതരിപ്പിക്കുന്ന മാതൃഭൂമി ആഴ്ചപ്പതിപ്പിൽ പ്രസിദ്ധീകരിച്ചിരുന്നെങ്കിലും ക്ഷേത്രാരാധകരുടെയും ചില ഹൈന്ദവ സംഘടനകളുടെയും എതിർപ്പിനെത്തുടർന്ന് പിൻവലിച്ചു. നിർത്തലാക്കിയ നോവൽ 2018 ൽ ഡിസി ബുക്സ് പുസ്തക രൂപത്തിൽ പ്രസിദ്ധീകരിച്ചു.
ഹിസ്റ്ററി ഓഫ് കെമിസ്ട്രി, ആദം ആൻഡ് അപ്പൻ (കഥകളുടെ ശേഖരം), ഓഗസ്റ്റ് 15 (നോവൽ), ഗോഗോളിന്റെ കഥകൾ (വിവർത്തനം) എന്നിവയാണ് മറ്റ് കൃതികൾ.
കേരള സാഹിത്യ അക്കാദമി ചെറുകഥ-നോവൽ അവാർഡുകൾ, സംസ്ഥാന യുവജനക്ഷേമ ബോർഡിന്റെ സ്വാമി വിവേകാനന്ദൻ യുവപ്രതിഭാ പുരസ്‌കാരം, കേരള സാഹിത്യ അക്കാദമിയുടെ ഗീതാഹിരണ്യൻ എൻഡോവ്‌മെന്റ്, തോമസ് മുണ്ടശ്ശേരി കഥാപുരസ്‌കാരം, വി.പി. ശിവകുമാർ സ്മാരക കേളി അവാർഡ് തുടങ്ങിയവ.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.