കണ്ണൂർ: കണ്ണൂർ സെൻട്രല് ജയിലിലേക്ക് മൊബൈല് ഫോണ് കടത്താൻ ശ്രമിച്ചയാള് അറസ്റ്റില്. പനങ്കാവ് സ്വദേശി അക്ഷയ് ആണ് അറസ്റ്റിലായത്.
ഇയാളുടെ കൂടെയുണ്ടായിരുന്ന രണ്ട് പേർ ഓടിരക്ഷപ്പെട്ടു. ജയില് കോമ്ബൗണ്ടില് അതിക്രമിച്ച് കയറി മതിലിന് മുകളിലൂടെ എറിഞ്ഞ് നല്കാനായിരുന്നു ശ്രമം. ഇന്നലെ വൈകിട്ട് മൂന്ന് മണിയോടെയാണ് സംഭവമുണ്ടായത്.
മൂന്ന് പേര് ജയില് കോമ്ബൗണ്ടില് അതിക്രമിച്ച് കയറുന്നത് ഉദ്യോഗസ്ഥരുടെ ശ്രദ്ധയില്പ്പെടുകയായിരുന്നു. സിസിടിവി ദൃശ്യങ്ങളിലൂടെയാണ് ഇത് ഉദ്യോഗസ്ഥര് കണ്ടത്. ജയിലിന് പുറത്ത് ഡ്യൂട്ടിയിലുണ്ടായിരുന്ന ഉദ്യോഗസ്ഥര്ക്ക് ഇത് സംബന്ധിച്ച് നിര്ദേശം നല്കുകയും ചെയ്തു.
നിരോധിത പുകയില ഉല്പ്പന്നങ്ങളും ഒരു മൊബൈല് ഫോണും വലിച്ചെറിയുന്നത് ഉദ്യോഗസ്ഥര് കണ്ടത്. പൊലീസുകാരെ കണ്ടതോടെ മൂന്ന് പേരും ഓടി രക്ഷപ്പെടാന് ശ്രമിച്ചു. എന്നാല് ഓടുന്നതിനിടെ അക്ഷയ് നിലത്തുവീഴുകയായിരുന്നു. ഓടി രക്ഷപ്പെട്ടവരെയും തിരിച്ചറിഞ്ഞിട്ടുണ്ടെന്ന് പൊലീസ് അറിയിച്ചു.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.