തിരുവനന്തപുരം: എസ്എസ്എൽസി ഹയർ സെക്കൻഡറി പരീക്ഷകളുടെ മൂല്യനിർണ്ണയം ഇന്ന് മുതൽ ആരംഭിക്കും. നിയമസഭാ തിരഞ്ഞെടുപ്പിന്റെ പശ്ചാത്തലത്തിൽ പുനഃക്രമീകരിച്ച മൂല്യനിർണ്ണയം ഇന്ന് മുതൽ ആരംഭിക്കും. ഏപ്രിൽ 6 മുതൽ 25 വരെ നടത്താനാണ് നേരത്തെ തീരുമാനിച്ചിരുന്നത്. ഏപ്രിൽ 9 ന് വോട്ടെടുപ്പ് നടക്കുന്നതിനാൽ പിന്നീട് തീയതി മാറ്റുകയായിരുന്നു.
സംസ്ഥാനത്തെ 89 ക്യാമ്പുകളിലായി ഏകദേശം 24,000 അധ്യാപകർ ഈ വർഷത്തെ മൂല്യനിർണ്ണയ ക്യാമ്പിൽ പങ്കെടുക്കുന്നുണ്ട്. വിദ്യാഭ്യാസ വകുപ്പിന്റെ ഏറ്റവും പുതിയ റിപ്പോർട്ട് അനുസരിച്ച്, മൂന്ന് ഘട്ടങ്ങളിലായാണ് മൂല്യനിർണ്ണയം നടക്കുക. ആദ്യ ഘട്ടം ഏപ്രിൽ 16 മുതൽ 18 വരെയും രണ്ടാം ഘട്ടം ഏപ്രിൽ 20 മുതൽ 25 വരെയും മൂന്നാം ഘട്ടം ഏപ്രിൽ 27 മുതൽ മെയ് 2 വരെയും ആണ്.
അതേസമയം, പത്താം ക്ലാസ്, പ്ലസ് ടു പരീക്ഷകളുടെ ഫലം മെയ് രണ്ടാം വാരത്തോടെ പ്രഖ്യാപിക്കാനാണ് വിദ്യാഭ്യാസ വകുപ്പ് ലക്ഷ്യമിടുന്നത്. ഈ വർഷത്തെ എസ്എസ്എൽസിക്ക് 4.14 ലക്ഷം വിദ്യാർത്ഥികളുടെ ഏകദേശം 36 ലക്ഷം ഉത്തരക്കടലാസുകൾ മൂല്യനിർണ്ണയം നടത്തുന്നു. പത്താം ക്ലാസിന്റെ മൂല്യനിർണ്ണയത്തിൽ മാത്രം 70 കേന്ദ്രങ്ങളിലായി 10,500 അധ്യാപകർ ഉൾപ്പെടുന്നു.
ഹയർ സെക്കൻഡറിയിലെ 8.7 ലക്ഷം വിദ്യാർത്ഥികളുടെ ഏകദേശം 80 ലക്ഷം പേപ്പറുകളുടെ മൂല്യനിർണ്ണയം ഇന്ന് മുതൽ നടക്കുന്നു. വിഎച്ച്എസ്സിയിലും 30,000 വിദ്യാർത്ഥികൾ പരീക്ഷ എഴുതി. എസ്എസ്എൽസി പരീക്ഷ മാർച്ച് 30 ന് അവസാനിച്ചു. പ്ലസ് ടു പരീക്ഷ മാർച്ച് 6 മുതൽ 28 വരെ നടന്നു. ഹയർ സെക്കൻഡറിയിലെ ഒന്നും രണ്ടും വർഷങ്ങളിലായി ഏകദേശം ഒമ്പത് ലക്ഷം വിദ്യാർത്ഥികൾ പരീക്ഷ എഴുതി. പൊതുവിദ്യാലയങ്ങളിലെ ഒമ്പത് വരെയുള്ള ക്ലാസുകളിലെ വിദ്യാർത്ഥികളുടെ പരീക്ഷാഫലം മെയ് 2 ന് പ്രസിദ്ധീകരിക്കും.
SSLC Higher Secondary Examination evaluation begins today.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.