കഠിനമായ ചൂട് സഹിക്കാനാവാതെ രാത്രിയില് മുറിയില് നിന്നും ഇറങ്ങി, വീടിന്റെ മുറ്റത്ത് തുണി വിരിച്ച് കിടന്നതിനായിരുന്നു മര്ദനമെന്ന് പൊലീസിന്റെ എഫ്ഐആറില് പറയുന്നു. പ്രതി അസഭ്യവാക്കുകള് പറഞ്ഞ് അധിക്ഷേപിച്ചെന്നും എഫ്ഐആറിലുണ്ട്.
'ആരണ് ഇവിടെ വസ്ത്രം വിരിച്ചത്?' എന്ന് ചോദിച്ചതിന് ശേഷം സിബിമോൻ ഭാര്യ നിഷാമോളിനെ പിന്നിൽ നിന്ന് ചവിട്ടുകയും മുടിയിൽ പിടിച്ച് വലിക്കുകയും മുഖത്ത് അടിക്കുകയും ചെയ്തതായി എഫ്ഐആറിൽ പറയുന്നു. അടിക്കുന്നത് തടയാൻ വന്ന 16 വയസ്സുള്ള മകൾ നന്ദയെ പ്രതി ഉപദ്രവിക്കുകയും കൈകൾ കൊണ്ട് പലതവണ അടിക്കുകയും ചെയ്തുവെന്ന് എഫ്ഐആറിൽ പറയുന്നു.
നിഷമോള് നല്കിയ പരാതിയുടെ അടിസ്ഥാനത്തില്, ഇന്ത്യന് ശിക്ഷാ നിയമത്തിലെ 296(എ), 115(2) വകുപ്പുകള് പ്രകാരവും, മകളെ മര്ദ്ദിച്ചതിന് ജുവനൈല് ജസ്റ്റിസ് (ജുവനൈല് ജസ്റ്റിസ്) ആക്ടിലെ സെക്ഷന് 75 പ്രകാരവും അമ്പലപ്പുഴ പോലീസ് കേസെടുത്തു. അമ്പലപ്പുഴ പോലീസ് സ്റ്റേഷനിലെ ഗ്രേഡ് എസ്ഐ നവാസ് എച്ചാണ് അന്വേഷണ ചുമതല.
'He could not bear the heat at night and slept in the yard'; He beat his wife and daughter; Case.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.