കൊച്ചിൻ ഷിപ്പ്യാർഡ് ലിമിറ്റഡിൻ്റെ പ്രധാന അനുബന്ധ സ്ഥാപനമായ ഹൂഗ്ലി കൊച്ചിൻ ഷിപ്പ്യാർഡ് ലിമിറ്റഡ്, ഉഡുപ്പി കൊച്ചിൻ ഷിപ്പ്യാർഡ് ലിമിറ്റഡ് എന്നിവിടങ്ങളിൽ വിവിധ തസ്തികകളിലേക്ക് അപേക്ഷകൾ ക്ഷണിച്ചു. തസ്തിക, യോഗ്യത, ശമ്പളം തുടങ്ങിയ വിശദവിവരങ്ങൾ അറിയാം.
ഹൂഗ്ലി കൊച്ചിൻ ഷിപ്പ്യാർഡ് ലിമിറ്റഡ്
ഇവിടെ കരാർ അടിസ്ഥാനത്തിൽ മെഡിക്കൽ ഓഫീസർ തസ്തികയിലേക്ക് നിയമനം നടത്തുന്നുണ്ട്. ഒരു മെഡിക്കൽ ഓഫീസറുടെ ഒഴിവുണ്ട്. തിരഞ്ഞെടുക്കപ്പെടുന്ന ഉദ്യോഗാർത്ഥിക്ക് അഞ്ച് വർഷത്തെ കരാർ കാലാവധിയുണ്ടാകും. ആദ്യ വർഷം 75,000 രൂപ ഏകീകൃത ശമ്പളമായി ലഭിക്കും. പ്രൊവിഡൻ്റ് ഫണ്ട്, മെഡിക്കൽ, അപകട ഇൻഷുറൻസ്, മെഡിക്കൽ ചെലവുകൾക്കുള്ള റീഇംബേഴ്സ്മെൻ്റ് തുടങ്ങിയ ആനുകൂല്യങ്ങൾ ലഭിക്കും.
ഏപ്രിൽ 13 ആണ് അപേക്ഷ അയക്കാനുള്ള അവസാന തീയതി. ഉദ്യോഗാർത്ഥികളുടെ പ്രായം 2026 ഏപ്രിൽ 13ന് 64 വയസിൽ കവിയാൻ പാടില്ല. അംഗീകൃത സർവകലാശാലയിൽ നിന്നുള്ള എംബിബിഎസ് ബിരുദം, മെഡിക്കൽ കൗൺസിൽ ഓഫ് ഇന്ത്യയിലോ സംസ്ഥാന മെഡിക്കൽ കൗൺസിലിലോ സാധുവായ രജിസ്ട്രേഷൻ, ബംഗാളി ഭാഷാ പരിജ്ഞാനം എന്നിവയാണ് യോഗ്യതകൾ. കുറഞ്ഞത് രണ്ട് വർഷത്തെ പ്രവൃത്തിപരിചയം നിർബന്ധമാണ്.
ഉടുപ്പി കൊച്ചിൻ ഷിപ്പ്യാർഡ് ലിമിറ്റഡ്
കമ്മീഷൻ ചെയ്യുന്ന എഞ്ചിനീയർമാർ, കമ്മീഷൻ ചെയ്യുന്ന അസിസ്റ്റൻറുമാർ എന്നിവർ തസ്തികകളിലേക്കാണ് കരാർ അടിസ്ഥാനത്തിൽ നിയമനം. ഏപ്രിൽ രണ്ടിനാണ് വാക്ക് - ഇൻ - തിരഞ്ഞെടുപ്പ്. താൽപ്പര്യമുള്ള ഉദ്യോഗാർത്ഥികൾക്ക് രാവിലെ 8.30 മുതൽ ഉച്ചയ്ക്ക് രണ്ട് മണിവരെ ഉടുപ്പി കൊച്ചിൻ ഷിപ്പ്യാർഡ് ലിമിറ്റഡ്, മാൽപെ ഹാർബർ കോംപ്ലക്സ്, ഉഡുപ്പി - 576108, കർണാടക വിലാസത്തിൽ അപേക്ഷ നേരിട്ട് സമർപ്പിക്കാം. ആകെ 14 ഒഴിവുകളുണ്ട്.ഉദ്യോഗാർത്ഥികൾക്ക് 2026 ഏപ്രിൽ രണ്ടിന് 45 വയസ് കവിയരുത്. മറൈൻ ഉപകരണങ്ങളുടെയും സിസ്റ്റങ്ങളുടെയും ഓപ്പറേഷൻ ആൻഡ് മെയ്ൻ്റനൻസിൽ കുറഞ്ഞത് പത്ത് വർഷത്തെ പ്രവൃത്തിപരിചയം നിർബന്ധമാണ്. കമ്മീഷൻ ചെയ്യുന്ന എഞ്ചിനീയർമാർക്ക് ആദ്യ മൂന്ന് വർഷങ്ങളിൽ യഥാക്രമം 50,000, 51,000, 53,045 രൂപയും അസിസ്റ്റൻറുമാർക്ക് 48,000, 49,440, 50,924 രൂപയുമാണ് പ്രതിമാസ ഏകീകൃത ശമ്പളം.
Applications invited for jobs at Cochin Shipyard
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.