പാലക്കാട്: പട്ടാമ്പിയില് എട്ടാം ക്ലാസുകാരന് ട്രെയിന് ഇടിച്ചുമരിച്ചു. ഏലംകുളം സ്വദേശി അശ്വിന് കൃഷ്ണയാണ് മരിച്ചത്. കുന്നക്കാവ് സര്ക്കാര് ഹയര്സെക്കന്ഡറി സ്കൂളിലെ എട്ടാം ക്ലാസ് വിദ്യാര്ഥിയാണ് മരിച്ച അശ്വിന് കൃഷ്ണ.
രാജു - വിനീത ദമ്പതികളുടെ എകമകനാണ് . സ്കൂളില് പോകാനുള്ള സൗകര്യാര്ഥം വല്ലപ്പുഴയിലെ ബന്ധുവീട്ടില് നിന്നാണ് വിദ്യാര്ഥി സ്കൂളില് പോയിരുന്നത്.
സാധാരണയായി 7.20ന്റെ ട്രെയിനിനാണ് കുട്ടി പതിവായി സ്കൂളിലേക്ക് പോയിരുന്നത്. ഇന്ന് പരീക്ഷയായതിനാല് അതിനുശേഷുമുളള ട്രെയിനില് പോകാനായി സ്റ്റേഷനിലേക്ക് എത്തുന്നതിനിടെ ട്രെയിന് ഇടിക്കുയായിരുന്നു. സംഭവസ്ഥലത്തുവച്ച മരിച്ച വിദ്യാര്ഥിയുടെ മൃതദേഹം വാണിയംകുളത്തെ സ്വകാര്യ ആശുപത്രിയിലെ മോര്ച്ചറിയിലേക്ക് മാറ്റി.
വാര്ത്തകളെ വാര്ത്തകളായി മാത്രം വായനക്കാരിലേക്ക് എത്തിക്കുന്ന ഒരു സ്വതന്ത്ര മാധ്യമ സംവിധാനമാണ് മലയോരം ന്യൂസ്.